1 TAWARIKH 16:29 - WUKE SUSI WATTI'U AL᷊AL᷊USASSA

²⁹ Paddalote aran-Ne apan mawantuga, wuṛṛu apira'e sasamba sulal᷊ummu wal᷊e-Ne. Subbaite Mawu ringannu malluṛṛen laubbu patataṛṛamawu!

1 TAWARIKH 16:29 Referans Kwoze

DARALO 100:4

Suttate su ngara-Ne apan mal᷊oangnga ringannu aantari aadiangkamanna, sulal᷊ummu rallak-Ke ringannu manga daralo. Paadiangkamante si Tou wuṛṛu paddalote si Tou!

YESAYA 6:3

I mangitou mangngintul᷊i sambau ringannu waine: “Susi, susi, susi. Susi Mawu Apan Lembontaṛṛino. Runia napenen daranta-Ne apan mawantuga.”

DARALO 96:9

Passubbate Mawu ringannu ual᷊uṛṛen laubbu patataṛṛamawu! Pangindote su saruan-Ne, ei ahewallu runia!

DARALO 96:6

I Tou aoosannu awawantuga wuṛṛu lansiangnga, Wal᷊en-Ne napenen taṛṛino wuṛṛu araṛamaga.

DARALO 95:2

Wette i ite sumaruanna si Tou ringannu antari aadiangkamanna, lumala'u Mawu ringannu aantarin daralo.

DARALO 29:2

Paddalote arannu Mawu apan mawantuga passubbate si Tou ringannu mappaatu peddetu patataṛamawu.

DARALO 72:15

Sal᷊amatte si tuangnga ratu! Antimanna si tou ionggolla wul᷊awanna wuassu Arab. Antimanna i tou ial᷊iomanna suapan tempo wuṛṛu sidutu daringiṛṛanna.

SONDAPPA 7:12

I mangitou u'ui, “Amin! Dalo su Ruatang kite apan mawantuga wuṛṛu pande. I Tou ṛinone onggol᷊annu al᷊awo'u aadiangkamanna wuṛṛu addata. I Tou uataṛṛino wuṛṛu matohassa saran mal᷊annu-l᷊annu! Amin.”

DARALO 110:3

Su allo apan rumanta ringannu taṛṛino, su wuidda apan susi, tumana'u soanu sarun inai ringannu naungnga mal᷊uassa. Naal᷊ihidda angngukka sutempo marua allo, manga umbasanna rumantate ringannu.

2 TAWARIKH 20:21

Napawe buatte nabbaidda ringannu tumanangnge, ratu nandolokku mangangantari malluṛṛen laubba uasul᷊ungnga apan wiasane tumba'u ilalluṛṛe su lal᷊aghu pangangagama. Mangangantari udde ṛinone uawarissa ringannu maṛṛamaga su saruannu warisannu tantara lapiddu mangngantari, “Paddalote Mawu! Darangngu-Ne tawe panguddusanne!”

YEHEZKIEL 24:25

Mawu nabbisara si ya'u, “Ne, taumata apan mattate, sarun Ta'u anuanna wuassi mangitou Wal᷊e-U apan matohassa udde, apan buatte naola'a ilalluassa wuṛṛu ilallala'i mangitou, wuṛṛu apan a'ellehanna wuṛṛu tattemboanni mangitou ringannu al᷊al᷊uassu naungnga. See i Ya'u sarun manganu al᷊aṛṛana'i mangitou.

DARALO 72:10

Manga ratun Tarsis wuṛṛu manga taṛṛanusa sarun mangapiddu sasamba si tou. Manga ratun Arab wuṛṛu Etiopia nirumanta uaapiddu aonggolla.

DARALO 50:2

Wuassu Sion, soa apan aṛṛamahanne, Ruata nirumanta ringannu asasemakka.

YEHEZKIEL 7:20

Dorone i mangitou lulluassu permata apan maṛṛamaga, arawe ana waugu i mangitou mapaatta ipa'ola'a manga paal᷊uanna apan maarantinna, Mawu na'ola'a darotongngi mangitou udde nabbal᷊i sambau apan maata'utta.

1 SAMUEL 6:5

Nariaddi, yamiu ṛinone mattanno ola'u manga hanne wuṛṛu su wal᷊awo apan masaddatta su wanuanu. Ringannu aroddi yamiu mangngaddatta Mawu Ruatan Israel. Asinungka i Tou tate makkuumanni yamiu, manga mongannu see lai manga letangngu.

1 TAWARIKH 16:28

Paddalote Mawu, ei walahannu taumata! Paddalote awawantu-Ge wuṛṛu atatohan-Ne.

1 TAWARIKH 16:30

Pangngiladde su saruan-Ne, ei ahewallu runia! Runia matohassa tawe iaio'a.

DARALO 29:1

Daralon Daud. Paddalote Mawu, ei manga riadiannu surgawi, paddalote awawantuga wuṛṛu taṛṛino-Ne.

DARALO 96:7

Paddalote Mawu, ei umattu taumata, paddalote awawantu-Ge wuṛṛu atatohan-Ne!

YESAYA 52:1

Pabbangunte, ei Yerusalem, pabbangunte! Tohasse naungngu! Luṛṛea'e laubbu awawantugu! Ei Yerusalem, soa apan susi, taumata marosa tate lai maasutta sumabbi su ngaranu.