1 TAWARIKH 15:29 - WUKE SUSI WATTI'U AL᷊AL᷊USASSA

²⁹ Sutempo Wantalla udde tantal᷊anna papasannananna sumutta sulal᷊ummu soa, i Mikhal sinangianni Saul nallinge wuassu jendela wuṛṛu naasilo si Ratu Daud tantal᷊anna massal᷊aingnga wuṛṛu lulluassa. Ne i Mikhal naapendamma mammuta ma'ellega si Daud.

1 TAWARIKH 15:29 Referans Kwoze

2 SAMUEL 6:16

Sutempo Wantalla udde tantal᷊anna ia'apidda sumutta sulal᷊ummu soa, i Mikhal sinangianni Saul nallinge wuassu sungketa ana see naasilo si Ratu Daud sussolo'a wuṛṛu massal᷊aingnga ipangaddatta Mawu, ne i Mikhal maddantinna ma'asilo si Daud.

IBRANI 9:4

Sulal᷊ummu wabbo'a udde pia medda pangangadoannu sasamba apan niola'a wuassu wul᷊awanna panutunganna dupa, wuṛṛu pia lai Wantalu Pa'aire apan sarangkahewalle papi'unannu wul᷊awanna. sulal᷊ummu wantala udde pia urinna wul᷊awanna lal᷊oṛṛoannu manna, ta'inni Harun apan nassollate, wuṛṛu ruang kul᷊appa watu pamamoṛṛetanna apan su wowone wawoṛṛetannu mapul᷊o titan Ruata.

2 KORINTUS 5:13

Amungkangngu i yami atonna aasiloanna nabbewate, udde ana waugu manara Ruata. Wuṛṛu amungkangngu i yami aasiloanna ṛingiṛṛanna masemakka udde ana waugu hunane si yamiu.

1 KORINTUS 2:14

Taumata apan tawe uatahuanna Ghaṛṛahon Duata, tawe maasengkama apa apan niapaal᷊iatta'u Ghaṛṛaho udde. Ana waugu su taumata udde inolaanne naola'a sambau awawoddo. Taumata udde tawe maasunna, ana waugu inolaanne udde tumba'u wotongnge ellehannu pangangimanna.

WATTI'U MANGA RASUL 2:13

Arawe piaddu lai manga taumata mangngal᷊uandaga. I mangitou nabbisara, “Ei, manga taumata udde wu'anna!”

YEREMIA 33:11

Arawe su manga tampa udde sarun aringiṛṛanna apia tingikku al᷊al᷊uassa wuṛṛu lal᷊ala'a see aantari manga taumata apan uaapiddu sasamba aadiangkamanna watukku wal᷊e-U. I mangitou sarun mabbisara, ‘Pa'adiangkamante su Mawu Apan Lembontaṛṛino, ana waugu i Tou mapia wuṛṛu darangngu-Ne tawe patta'al᷊anne.’ Wanua indi sarun Ta'u olaanna manambo wiakke ere dorone. I Ya'u, Mawu, buatte nabbisara.”

YEREMIA 30:19

Tumanangnge sarun maddalo si Ya'u ringannu aantari, wuṛṛu u'ui ringannu al᷊al᷊uassa. I Ya'u na'ola'a si mangitou a'addatanna wuṛṛu tate al᷊uandahanna, wuṛṛu reenganni mangitou sidutu aatambanna.

YEREMIA 3:16

Ana see napawe i yamiu niatambante anambone su wanua indi, taumata tate mabbisara lai su ola'u Wantallu Paaire-U. I mangitou tate lai maṛṛingidda ara'e mannaungnga lai, ewe'e i mangitou lai tate mappandumma ara'e mallanginnu Wantallu Pa'aire waine.

MANNANASE 3:4

Ruata nanantunnu tempo lumuai wuṛṛu tempo lullagge, tempo sussangitta wuṛṛu tempo massal᷊aingnga,

DARALO 150:4

Paddalote si Tou ringannu rebana wuṛṛu salaingnga, paddalote si Tou ringannu kecapi wuṛṛu wansi.

DARALO 149:3

Paddalote aran-Ne ringannu sal᷊aingnga, paddalote si Tou ringannu kecapi wuṛṛu rebana!

DARALO 30:11

Daringiṛṛewe, oh Mawu, wuṛṛu akkanaawe i ya'u. Mawu ontol᷊ewe i ya'u!”

1 SAMUEL 25:44

Tantal᷊anna udde i Saul buatte nangawingngi Mikhal sinangianne, eteudde awingngi Daud, ringanni Palti ana'i Lais wuassu Soa Galim.

1 SAMUEL 4:3

Sutempo tantara lambene apan niawaddo udde nabelengke surasanna, manga piaṛṛa'u Israel nabbisara, “Anio Mawu namalan kite niawaddon taumatan Filistin su allo indi? Wette i ite mangal᷊appa Wantallu Paairen Mawu su Silo, wuṛṛu iapiddi ite isindi, tadea'u Mawu mangontolla si ite wuṛṛu manal᷊amatta si ite wuassu seetta.”

MAL᷊AṚṚUUNGNGA 20:27

Sutempo udde Wantallu Paairen Duata ta'e su Betel, wuṛṛu i Pinehas ana'i Eleazar, pulunni Harun, manarane imam. Ne walahannu Israel naiwal᷊ote Mawu, “Mawu, apa ṛinone i yami inai apia mamangalo manga tuṛangngi yami manga taumatan Benyamin udde, ara'e i yami mangillol᷊on pangalo indi?” Mawu sinumimbakka, “Pangaloite i mangitou! Tiṛabbi i Ya'u sarun mangonggolu auntunganna si yami.”

TAHIUL᷊E 31:26

“Anute wuken Titan Duata indi, wuṛṛu sahipunte su sandiṛṛannu wantallu Pa'airen Mawu Ruatanu, tadea'u sidutu sasahipunanna isudde maola'a sambau tatiala su walahannu udde.

REENGANNA 10:33

Napawe walahannu Israel nanantangken Sinai, wowone atatanaannu Mawu, i mangitou niumamatta tallu allo al᷊annune. Wantallu P'aaire Mawu sidutu ia'apidda malliu roro si mangitou ipaddea'a tampa paddasananni mangitou.

SASABANGNGA 15:20

Ana see i Miryam, sangkatou nabiah, iaangngi Harun, nanganu rebanane wuṛṛu anambon bawine nanengkella lai rebana apiddu massal᷊aingnga.

1 TAWARIKH 17:1

Napawe i Ratu Daud namanuate su wal᷊en araratuanne, su allo sambau i tou namago si Nabi Natan wuṛṛu nabbisara, “Pa'ellege, i ya'u indi uatana'a su wal᷊en araratuanna apan niola'a ringannu alu cemara wuassu Libanon, arawe Wantallu Pa'airen Mawu tumba'u sulal᷊ummu rasanna!”

YOSUA 4:7

ṛinone i yamiu mamasingkatta si mangitou ua'en Sal᷊ukku Yordan natta'ala su tempo Wantalu Pa'aire Mawu niapidda tinumumbe sal᷊ukka udde. Manga watu sarun sidutu mapaanaungngu walahannu Israel al᷊awo'a apan nariaddi isindi.”

1 TAWARIKH 15:28

Anambon taumatan Israel inaite tinumantalongnga Wantallu Paaire naddatingngu Yerusalem ringannu aintul᷊i lullala'a, tingikku trompeta, nafiri, simbal wuṛṛu kecapi.