1 TAWARIKH 15:23 - WUKE SUSI WATTI'U AL᷊AL᷊USASSA

^23-24 I Berekhya wuṛṛu i Elkana susambau ringanni Obed-Edom wuṛṛu i Yehia nipile maola'a mandariaga Wantallu Pa'airen Mawu. Manga imam manansunna indi: i Sebanya, i Yosafat, i Netaneel, i Amasai, i Zakharia, i Benaya wuṛṛu i Eliezer nipile niapatiuppa trompeta su saruannu Wantallu Pa'aire udde.

1 TAWARIKH 15:23 Referans Kwoze

DARALO 84:10

Al᷊amatewe ratun kami, oh Ruata, lu'arewe taumata apan buatte nipile-Nu.

2 MARARATU 25:18

Waine lai wua'udde, i Nebuzaradan nanametta lai Imam Bahewa i Seraya, Sefanya imam masasumbalane, siri tallu mandariaga ngaran Wal᷊en Mawu, siri lima mananantiro ratu apan ta'e su soa, panglima ara'e tembonannu tantara, tepellu tembonannu tantara apan mammoṛṛettu arannu tantara, wuṛṛu 60 taumata tembonanne waine.

1 SAMUEL 3:15

Wua'udde i Samuel natiille apia, ne napawe marua'allone i tou napu'ote wuṛṛu namu'a manga ngaran Wal᷊en Mawu. I tou matta'utta mamasingkattu sondappa udde si Eli,

2 MARARATU 7:10

Ana waugu udde i mangitou nabelengke watukku Samaria wuṛṛu niumui su mandariagan soa, “Yami buatte wuassu paddasanannu taumatan Siria, ne inauranna tawe taumata poiaroddi. Awal᷊o wuṛṛu keledai mangitou niaratinganni yami ta'e ua'iitta su tampane, wuṛṛu manga rasanna tinantanga niwala aroddi.”

1 TAWARIKH 15:22

I Kenanya nipile niapapiaṛṛa'u manga mananalangnga musikka wuassu ṛuanganni Lewi, ana waugu i tou pande mannalangnga musikka.