1 TAWARIKH 15:15 - WUKE SUSI WATTI'U AL᷊AL᷊USASSA

¹⁵ Wuṛṛu sutempo Wantalla udde i singkatta, i mangitou mamasanna su wambangngi mangitou ringannu alu papasanna, tumuṛṛuttu atoranna apan nionggolu Mawu si Musa.

1 TAWARIKH 15:15 Referans Kwoze

REENGANNA 4:15

Mawu nabbisara si Musa wuṛṛu si Harun, “Su tempo i yamiu manggohakku paddasananna, i Harun wuṛṛu al᷊aṛṛanangnge ṛinone sumutta sulal᷊ummu Rasang-Ku wuṛṛu manaappa anambon saranapa wuṛṛu aolangnge apan uaraddo isudde. Napawe wua'udde, manga taumatan Kehat wotongngete rumanta mamasanna. Arawe tawe wotongnge i mangitou ma'ellega, mangundani ara'e mangindinga manga saranapa udde, ana waugu buatte niṛṛae huna-U. Amungkangngu udde olaanni mangitou lai, i mangitou sarun mate. Nariaddi tadea'u manga taumatan Kehat udde tawe mapappassa wuassu ṛuanganni Lewi, i Harun wuṛṛu al᷊aṛṛanangnge ṛinone mapamanaran sangkatou-sangkatou su wallati mangitou apan ṛinone iapiddi mangitou. Eteudde manaran taumatan Kehat su tempo Rasang-Ku iingkatta. I Eleazar ana'i Harun, uariaga ahewallu Rasang-Ku, lanan sol᷊o, amania, sasamba gandumma ia'imbe mamiallo, lanan lal᷊aghu wuṛṛu sarangkanambone apan uaraddo sulal᷊ummu Rasangku udde.”

REENGANNA 7:9

Arawe manga taumatan Kehat tawe nanengkamma roda ara'e sapi wuassi Musa, ana waugu manga saranapa na'ukkassa apan maola'a manara mangitou, ṛinone pasannananni mangitou su wambangnga.

2 TAWARIKH 5:9

Alu papasannane tumaniten mal᷊o'engnga, na'oman sara manga pentakke aasiloanna wuassu saruannu Wabbo'a Lembon Susi, arawe tawe aasiloanna wuassu liudde. (Naddatingngu allo indi manga alu udde ta'e isudde.)

1 MARARATU 8:8

Alu papasanna udde mal᷊o'engnga atonna, na'oman sara manga pentakke aasiloanna wuassu saruannu Wabbo'a Lembon Susi. (Naddatingngu allo indi manga alu udde ta'e isudde.)

SASABANGNGA 40:20

Wua'udde watu udde nitaṛṛo sulal᷊ummu Wantallu Pa'aire. Ana see i Musa nanutubbu Wantalla udde wuṛṛu nanuṛṛin alu papasanna sulal᷊ummu hal᷊angnge.

2 SAMUEL 6:13

Sutempo manga taumata apan uapasanna Wantallu Pa'aire udde nilumempangke paiannumma, i Daud napata'alli mangitou. Wua'udde i tou nangonggollu sasamba su Mawu, eteudde sapi esakka wuṛṛu ana'u sapi apan buatte niapaatawa.

1 TAWARIKH 13:10

Orassa udde lai Mawu nasa'u si Uza ana waugu inolaanne udde naola'a sambau aal᷊uandaga su Mawu. Ana see i Uza nipaten Mawu isudde. Ne nanattakka orassa udde tampa udde nisago “Peres-Uza”. I Daud nasa'u, ana waugu Mawu namate si Uza.

TAHIUL᷊E 10:8

Su wowone udde Mawu naṛṛaen taumatan Lewi iapal᷊u'adda Wantallu Pa'aire wuṛṛu mangimbe Mawu, wuṛṛu mangal᷊amatta ringannu aran-Ne. Eteudde manaran mangitou sara orassa indi.

2 SAMUEL 6:12

I Ratu Daud naaringikka manungku Mawu nangal᷊amatta amonanni Obed-Edom wuṛṛu anambon pussaane ana waugu Wantallu Paaire udde. Ne i tou inaite watukku wal᷊en Obed-Edom, nangal᷊appa Wantalla udde wuṛṛu niingkatta watukku Yerusalem ringannu ramea apan bahewalla.