1 TAWARIKH 15:13 - WUKE SUSI WATTI'U AL᷊AL᷊USASSA

¹³ Sutempo Wantalla udde paarorone niingkatta, i yamiu tawe isudde nangapidda. Ana waugu udde Mawu, Ruatan kite, nakkuumanni ite ana waugu i ite massubba si Tou tawe nassul᷊ungngu apulu-Ne.”

1 TAWARIKH 15:13 Referans Kwoze

2 SAMUEL 6:3

Wantallu Pa'aire udde nial᷊appa wuassu wal᷊en Abinadab su wowon buidda wuṛṛu niluranna sulal᷊ummu roda apan wakku. Ana see i Uza wuṛṛu i Ahio, manga ana'i Aminadab uatantalongnga roda udde; i Uza u'amatta su sandiṛṛanne,

1 KORINTUS 14:40

Arawe sarangkanambone ṛinone olaanna ringannu mapia wuṛṛu uaatokka.

1 KORINTUS 11:2

I ya'u maddalo si yamiu ana waugu i yamiu sidutu mannaungnga si ya'u wuṛṛu tuttuṛṛutta al᷊aṛṛa'a apan ta'u nionggola si yamiu.

AMSAL 28:13

Isai apan mammunin dosane tawe mauntungnga. Isai manga'u wuṛṛu manantangngu rosa, sarun dangnguannu Mawu.

1 TAWARIKH 15:2

I Daud nabbisara, “Tumba'u taumatan Lewi wotongnge mamasanna Wantallu Paairen Mawu, ana waugu ete i mangitou apan nipilen Mawu iapapasanna Wantalla udde wuṛṛu mattaṛṛamawu si Tou saran mal᷊annu-l᷊annu.”

TAHIUL᷊E 31:9

Ana see i Musa namoṛṛettu Titan Mawu Ruata wuṛṛu nionggola su manga imam Lewi apan niapamanara ual᷊u'adda Wantallu Pa'aire, wuṛṛu su manga piaṛṛa'u Israel.

REENGANNA 7:9

Arawe manga taumatan Kehat tawe nanengkamma roda ara'e sapi wuassi Musa, ana waugu manga saranapa na'ukkassa apan maola'a manara mangitou, ṛinone pasannananni mangitou su wambangnga.

REENGANNA 4:15

Mawu nabbisara si Musa wuṛṛu si Harun, “Su tempo i yamiu manggohakku paddasananna, i Harun wuṛṛu al᷊aṛṛanangnge ṛinone sumutta sulal᷊ummu Rasang-Ku wuṛṛu manaappa anambon saranapa wuṛṛu aolangnge apan uaraddo isudde. Napawe wua'udde, manga taumatan Kehat wotongngete rumanta mamasanna. Arawe tawe wotongnge i mangitou ma'ellega, mangundani ara'e mangindinga manga saranapa udde, ana waugu buatte niṛṛae huna-U. Amungkangngu udde olaanni mangitou lai, i mangitou sarun mate. Nariaddi tadea'u manga taumatan Kehat udde tawe mapappassa wuassu ṛuanganni Lewi, i Harun wuṛṛu al᷊aṛṛanangnge ṛinone mapamanaran sangkatou-sangkatou su wallati mangitou apan ṛinone iapiddi mangitou. Eteudde manaran taumatan Kehat su tempo Rasang-Ku iingkatta. I Eleazar ana'i Harun, uariaga ahewallu Rasang-Ku, lanan sol᷊o, amania, sasamba gandumma ia'imbe mamiallo, lanan lal᷊aghu wuṛṛu sarangkanambone apan uaraddo sulal᷊ummu Rasangku udde.”

1 TAWARIKH 13:3

Wua'udde i ite inaite mangal᷊appa Wantallu Paairen Duata, apan niwalate aroddi sutempo i Ratu Saul tantal᷊anna uaparenta.”