1 TAWARIKH 14:17 - WUKE SUSI WATTI'U AL᷊AL᷊USASSA

¹⁷ Ne aranni Daud tinumelengke su al᷊awo'u tampa, ne Mawu na'ola'a anambon walahanna matta'utti Daud.

1 TAWARIKH 14:17 Referans Kwoze

TAHIUL᷊E 2:25

Manattakka allo udde i Ya'u sarun ma'ola'a si yamiu ia'ata'uttu manga walahanna su al᷊awo'u tampa. Suapan taumata sarun mangiladdu atata'utta napawe maaringikka su ola'i yamiu.’ ”

YOSUA 6:27

Mawu uaṛundinganna si Yosua, wuṛṛu aranni Yosua tinumelengke su ahewallu wanua udde.

DARALO 18:44

I'o nalliu'u wuassu ṛuanganna apan mal᷊awangnga, wuṛṛu na'ola'a si ya'u tembonannu manga walahanna; walahanna apan awaganangku maola'a allangku.

2 TAWARIKH 26:8

Taumatan Amon mammaekku roitta wul᷊awanna si Uzia. I tou lembon mataṛṛino na'oman sara aranne tinumelengke naddatingngu wanua Mesir.

YOSUA 9:24

I mangitou sinumimbakka, “Yami nangawusu aroddi ana waugu yami naaringikka manungku Mawu Ruata apan sassubbanni Tuanga udde buatte nandolokki Musa, allang-Nge udde, nangonggola si Tuangnga ahewallu wanua indi wuṛṛu iapapate anambon tumanange su tempo i Tuanga manganu leta'a udde. I yami mangke matta'utta amungkangu i yami lai pateanna, ana waugu udde i yami na'ola'a sarangkanambone udde.

TAHIUL᷊E 11:25

Su ahewallu wanua udde Mawu Ruatanu sarun ma'ola'a tadea'u manga taumata udde matta'utta su saruannu ere buatte nipa'ire-Ne, na'oman sara tawe saran sangkatou apan botongnge manal᷊are si yamiu.

1 TAWARIKH 14:16

I Daud tinumuṛṛutta parentan Duata si tou. I tou wuṛṛu tantarane namangalo tantaran Filistin nanattakka wuassu Gibeon naddatingngu Gezer.

1 TAWARIKH 17:8

I'o buatte Ta'u nitul᷊ungnga su anambon tampa apan amatannu, wuṛṛu anambon seennu Ta'u nipate sutempo i'o mapapangalo. I'o sarun Ta'u olaanna tumelengnga ere manga piaṛṛa'a apan ahewal᷊anne su runia.