1 TAWARIKH 12:19 - WUKE SUSI WATTI'U AL᷊AL᷊USASSA

¹⁹ Sutempo i Daud suadio'a ringannu taumatan Filistin namangalo si Ratu Saul, sambageanganna wuassu tantaran Manasye nilumewessa nanamba'a si Daud. I Daud tawe pandumma massumbala manga taumatan Filistin udde. Manga piaṛṛa'u Filistin nandolokki tou niapapul᷊e watukku Ziklag ana waugu i mangitou matta'utta i tou sarun inai manamba'a si Saul wuṛṛu mabbaha si mangitou.

1 TAWARIKH 12:19 Referans Kwoze

1 SAMUEL 29:10

Ana waugu udde Daud, tiṛṛabbi yamiu sarangkanambone apan buatte nanantangngi Saul wuṛṛu nirumanta ringangku, ṛinone mabbanemna maṛṛanggappa wuṛṛu inaite amatta napawe matannallo sinumabbangnga.”

1 TAWARIKH 12:20

Eteindi arannu manga tantara wuassu ṛuanganni Manasye apan nattingkawal᷊i si Daud sutempo i tou sulal᷊ummu amatanna watukku Ziklag: i Adnah, i Yozabad, i Yediael, i Mikhael, i Yozabad, i Elihu wuṛṛu i Ziletai. Sangkatou-sangkatou uapiaṛṛa'u 1.000 su atoune tantara.

PANDARIADDI 43:23

Mangangimbe udde sinumimbakka, “Arie pa'ata'utta. Arie passinggawanga. Mawu Ruatanu, eteudde Ruata apan sassubbannu iamangngu, ete i Tou napasutta roitta udde sulal᷊ummu karongngi yamiu. I ya'u buatte nanengkamma wawaekku gandumma udde.” Wua'udde i tou nangapiddi Simeon ringanni mangitou,

MAL᷊AṚṚUUNGNGA 6:34

Arawe i Gideon niintaṛoannu Ghaṛaho Mawu, na'oman sara i tou nattiuppa trompetta pinamago taumata ṛuanganni Abiezer tadea'u rumanta maammuli tou.

2 SAMUEL 17:25

I Absalom buatte nanenegi Amasa naola'a tembonannu tantara nallol᷊ossa si Yoab. I Amasa ana'i Yitra taumatan Ismael; inangngene aranne i Abigail ana'i Nahas, eteudde tuṛṛangngi Zeruya wawine, inangngi Yoab.)

ZAKARIA 8:2

“I Ya'u mangke mappulu atonna mantul᷊ungngu Yerusalem ana waugu i Ya'u lembon u'akkannu tumanangnge, wuṛṛu ana waugu darangngu-Ku udde, naung-Ku mal᷊oso su manga seettu soa udde.