1 TAWARIKH 12:17 - WUKE SUSI WATTI'U AL᷊AL᷊USASSA

¹⁷ I Daud naisasomban mangitou wuṛṛu nabbisara, “Amungkangu i yamiu rumanta maola'a hawe ana see mantul᷊ungku, wette pa'ammul᷊a'e ringanni yami. Yami manal᷊oho si yamiu ringannu naungnga mal᷊uassa. Arawe amungkangu i yamiu pia pandumma mandal᷊eo si ya'u su seetta, salaiwe i ya'u tawe na'ola'a al᷊al᷊eo si yamiu, Ruata apan sassubbannu al᷊amonan kite udde masingkatta, ne i Tou sarun makkuumanni yamiu.”

1 TAWARIKH 12:17 Referans Kwoze

YUDAS 1:9

Mikhael sassane, apan naola'a tembonannu manga malaekatta, tawe pallal᷊agu ereudde. Su tempo i tou natatiakku Setanna sulal᷊ummu pabbawawul᷊o su ola'u isai apan naasomba winal᷊unanni Musa, Mikhael tawe waṛṛani makkuumannu Setanna ringannu wisara ipangngadio'a. Mikhael tumba'u nabbisara, “Mawu sarun mamul᷊o si'o”!

1 PETRUS 2:23

Su tempo i Tou lallelanna, i Tou tawe nabal᷊issu lal᷊ela. Su tempo i Tou uatataṛṛanga, i Tou tawe namansaga; i Tou tumba'u nanantillu hatto-Ne su Ruata, Mallaṛṛuungnga apan matul᷊ida udde.

FILIPI 1:27

Ne, apianne orassa indi eteudde manungku i yamiu mabbiakka mapia ere su ipaapulun Watti'u Al᷊al᷊uassa su ola'i Kristus udde. Ringannu aroddi tanne i ya'u wotongnge mappassomban kamiu ara'e tate, i ya'u sarun maaringikka manungku i yamiu siddutu uaaukka wuṛṛu mammanara suaddio'a tumba'u sambau pandumma wuṛṛu sambau apulu; eteudde hunan pangangimanna apan uasul᷊ungngu Watti'u Al᷊al᷊uassa wuassu Ruata udde.

2 KORINTUS 13:11

Panginsueanne, manga tuṛṛangnga, ṛinone i yamiu lumuassa, wuṛṛu padea'a, tadea'u i yamiu maola'a masuungnga. Sengkamawe al᷊awo'u tatantiro'u. Ṛinone i yamiu naungnga sambau wuṛṛu mabbiakka su paddarame. Ruata Lembon Maakkanna wuṛṛu masaṛṛionto'a udde sarun matana'a ringanni yamiu.

1 KORINTUS 1:10

Manga tuṛṛangnga! Sulal᷊ummu arannu Mawun kite Yesus Kristus, i ya'u sumal᷊ande tadea'u i yamiu sarangkanambone massampinunutanna; tadea'u arie pia paaul᷊a'ukka su wallatti yamiu.

WATTI'U MANGA RASUL 4:32

Anambon taumata apan mangngimanna udde mabbiakka ringannu naungnga wuṛṛu apendamma sambau. Tawe saran sangkatou wuassi mangitou mammendamma manungku apa tatahuananne udde darotongnge sassane. Al᷊awo'u apa si mangitou, ipappaatti mangitou su sambau.

ZAKARIA 3:2

Mala'ekattu Mawu nabbisara su Setanna, “Antimanna Mawu makkuumannu ei Setanna! Antimanna Mawu apan marangngu Yerusalem makkuumannu. Taumata indi naal᷊ihidda anutungnga apan niabutta wuassu ṛenggammu putungnga.”

YEREMIA 32:39

I Ya'u sarun mangonggolla si mangitou tumba'u sambau tuddan pabbiaṛṛanna: eteudde, mangaddatta si Ya'u sara mal᷊annu-l᷊annu; olangnge sarun mangapiddu apapia si mangitou sassane, wuṛṛu su papapulunni mangitou.

DARALO 86:11

Tantiroa'e apulu-Nu si ya'u, oh Mawu, tadea'u i ya'u mappaamatta ringannu matuṛṛutta; olaawe i ya'u ma'imanna ringannu ahewallu naungnga.

DARALO 7:6

wala'ewe i ya'u enggenanna wuṛṛu sametannu seetta, ana see pateanna wuṛṛu itantangnga su leta'a.

2 MARARATU 10:15

I Yehu nanassukku amatanne. Su tangngan dal᷊anna, i tou sinal᷊ohoanni Yonadab ana'i Rekhab. I Yehu nattabea wuṛṛu nabbisara, “Wal᷊inewe i ite naungnga sambua? I'o maapuluwe mallal᷊ima si ya'u?” “Ore,” sasimbakki Yonadab. “Amungkangu aroddi, wette iaddua ma'a'agasse lima,” sasimbakki Yehu. Ne itarua na'a'agasse lima, wuṛṛu i Yehu nantul᷊ungi Yonadab sinuma'e sulal᷊ummu keretane,

2 MARARATU 9:22

“Apa i'o rumanta ere sangkatou hawe?” aiwal᷊on Yoram si Yehu. I Yehu sinumimbakka, “Apa wotongnge mariaddi ere sangkatou hawe, amungkangu isindi ta'e manambo taṛaroti, wuṛṛu ta'e pia pasasubba monganna apan tinattaki Izebel Inangngu udde?”

1 MARARATU 2:13

Su allo sambau, i Adonia inaite ringanni Batsyeba. I Batsyeba naiwal᷊ote si Adonia, “Apa patatembonu indi ringannu pandumma mapia?” “Ore,” sasimbakki Adonia.

1 SAMUEL 18:3

Ana waugu udde i Yonatan nassalu sarun maggawe Daud saran mal᷊annu-l᷊annu.

1 SAMUEL 18:1

Napawe i Saul wuṛṛu i Daud buatte naggahatto, i Daud nitenegi Saul maola'a mammamanarane wuṛṛu nanattakka allo udde i tou tawe niwala mapul᷊e su wal᷊en hagurangnge. I Yonatan esakka ana'i Saul, naaringikka hatto udde. I tou lai ninumemman Daud, wuṛṛu nandangngu ere lai watanganne sassane.

1 SAMUEL 16:4

I Samuel tinumuṛṛutte wisaran Mawu. Napawe i tou na'omate su Betlehem, manga piaṛṛa'u soa nanal᷊oho ringannu niṛṛumindu'a wuṛṛu naiwal᷊o, “Darantan Papa ini uaapiddu al᷊amatta?”

PANDARIADDI 31:53

Ruata apan sassubbanni Abraham wuṛṛu sassubannu iamangku i Nahor sarun maola'a mallaṛṛuungnga su wallati yaddua.” Ana see i Yakub nassalu ringannu arannu Ruata apan sassubanni Ishak, iamangnge, tadea'u masuungnga pa'airene.

PANDARIADDI 31:42

Unnu wisara i ya'u tawe lal᷊u'arannu Ruatan al᷊amona'u, eteudde Ruata apan sassubanni Abraham wuṛṛu i Ishak, ne i Papa buatte napaasal᷊iu'u ringannu tawe ul᷊ene. Arawe Ruata buatte na'ellega asasusa'u wuṛṛu manara apan buatte ta'u niola'a, wuṛṛu masaṛṛabi i Tou buatte nakkawessa.”

1 TAWARIKH 12:16

Su sambau tempo ammul᷊annu taumata wuassu ṛuanganni Benyamin wuṛṛu Yehuda inaite watukku tampa atatanaanni Daud.

1 TAWARIKH 12:18

Sangkatou suwallatti mangitou, eteudde i Amasai, apan sal᷊immurine nabbal᷊i piaṛṛa'u ammul᷊anna apan isassago “Tridasawira,” nitaṛṛinoannu Ghaṛṛahon Duata ana see nabbisara, “I Daud, ana'i Isai! Yami massumbala si'o! Antimanna i'o wuṛṛu i mangitou apan massumbala si'o mangke maauntungnga. Ruata uasamba'a si'o!” Ne i Daud nanal᷊oho si mangitou wuṛṛu nanenegi mangitou nabbal᷊i tembonannu tantara sulal᷊ummu tantaran pangalone.