1 TAWARIKH 12:16 - WUKE SUSI WATTI'U AL᷊AL᷊USASSA

¹⁶ Su sambau tempo ammul᷊annu taumata wuassu ṛuanganni Benyamin wuṛṛu Yehuda inaite watukku tampa atatanaanni Daud.

1 TAWARIKH 12:16 Referans Kwoze

1 SAMUEL 22:7

i tou nabbisara su manga tembonannu tantarane udde, “Paddaringikka, ei manga taumatan Benyamin! Apa i Daud udde sarun mangonggollu wawail᷊anna wuṛṛu waillu anggore si yamiu? Apa i yamiu sarangkanambone sarun pileanna maola'a tembonanne sulal᷊ummu tantarane?

1 TAWARIKH 12:15

Buatte nariaddi su wul᷊anna paarorone, sutempo Sal᷊ukku Yordan tantal᷊anna mammanawangnga manga piaṛṛa'u tantara udde tinumumbe sal᷊ukka udde wuṛṛu nallimbuakka tumana'u manga wawal᷊anne, mawae ete su samba'an ra'i aroddi lai su samba'a waṛṛattu sal᷊ukka udde.

1 TAWARIKH 12:17

I Daud naisasomban mangitou wuṛṛu nabbisara, “Amungkangu i yamiu rumanta maola'a hawe ana see mantul᷊ungku, wette pa'ammul᷊a'e ringanni yami. Yami manal᷊oho si yamiu ringannu naungnga mal᷊uassa. Arawe amungkangu i yamiu pia pandumma mandal᷊eo si ya'u su seetta, salaiwe i ya'u tawe na'ola'a al᷊al᷊eo si yamiu, Ruata apan sassubbannu al᷊amonan kite udde masingkatta, ne i Tou sarun makkuumanni yamiu.”

1 SAMUEL 22:4

Wua'udde hagurangnge udde niapidde ringannu ratun banua Moab, wuṛṛu i mangitou sidutu uatana'a poiaroddi al᷊annune i Daud ma'imbuni su loṛṛangnga.

1 TAWARIKH 12:8

Sutempo i Daud uatana'a su tampa pia lal᷊indumme su wadda'a, manambo tantara apan tinumelengnga wuṛṛu pia asingkanne wuassu ṛuanganni Gad apan nirumanta naammulli tou. Ete i mangitou udde tantara apan apandeanne mappaattu allungnga wuṛṛu sambeangnga; i mangitou ellehanna mawaṛṛani ere singa wuṛṛu i mangitou mal᷊inso'a naal᷊ihidda rusa.

DARALO 68:27

“Paddalote Ruata su pattangngannu ammul᷊annu al᷊aṛṛanang-Nge, paddalote Mawu, ei anambon papapulunni Yakub!”