1 TAWARIKH 12:1 - WUKE SUSI WATTI'U AL᷊AL᷊USASSA

¹ Sutempo i Daud tinumal᷊angngu watanganne wuassi Ratu Saul, i tou na'imbuni watukku Ziklag. Manambo tantara apan matuṛṛutta wuṛṛu pia asingkanne nirumanta naammulli Daud.

1 TAWARIKH 12:1 Referans Kwoze

1 TAWARIKH 11:19

I tou nabbisara, “Ringannu arannu Ruata, i ya'u tawe mapa'inumma ua'e indi! Amungkangu i ya'u ma'inumma, i ya'u ere lai na'inumma daṛṛan manga taumata apan buatte nanantillu niawan mangitou!” Nariaddi i Daud mangke maddiri ma'inumma ua'e udde. Eteudde manga inasahaṛṛanni siri tallu tantara apan waṛṛani udde.

1 TAWARIKH 11:10

Ete indi arannu manga piaṛṛa'u tantara apan tinumelengnga. Suadio'a ringannu anambon tumana'u Israel, i mangitou buatte nattinsahadda tadea'u i Daud maola'a ratu ere buatte nipa'iren Mawu. Wuṛṛu i mangitou sidutu massumbala araratuanne.

1 TAWARIKH 9:39

Iamangngi Ratu Saul aranne i Kish wuṛṛu iupungnge aranne i Ner. I Saul pia siri appatta ana'a esakka: i Yonatan, i Malkisua, i Abinadab, wuṛṛu i Esybaal.

1 TAWARIKH 8:33

Iamangngi Ratu Saul aranne i Kish wuṛṛu iupungnge aranne i Ner. I Saul pia siri appatta ana'a esakka: i Yonatan, i Malkisua, i Abinadab wuṛṛu i Esybaal.

2 SAMUEL 4:10

Sutempo su Ziklag pia taumata apan namasingkatta si ya'u manungku i Saul natete, sunnane manungku i tou uaapiddu watti'a mapia. Arawe i tou buatte ta'u nisametta wuṛṛu nipate. Eteudde lal᷊antakke apan ta'u nionggolla si tou maola'a wawal᷊issu watti'a apan niapidde udde.

2 SAMUEL 1:1

Napawe i Saul natete, i Daud nabelengke wuassu pangalo namaddon taumatan Amalek, ana see natana'e su Ziklag rua allo al᷊annune.

2 SAMUEL 2:3

Aroddi lai tantarane ringannu amonanni mangitou sambau-sambau uatantalongnga si Daud, ana see i mangitou udde namanuate su Hebron, wuṛṛu su manga leta'a maranine.