1 TAWARIKH 11:22 - WUKE SUSI WATTI'U AL᷊AL᷊USASSA

²² Sangkatou piaṛṛa'u tantara tinumelengnga waine eteudde i Benaya ana'i Yoyada, taumatan Kabzeel. I tou tumaniten waṛṛani. Ruan katou atumannaṛanne wuassu Moab buatte nipatene. Buatte nariaddi su sambau allo apan masunge i tou sinumutta sulal᷊ummu loṛṛangnga wuṛṛu namate singa isudde.

1 TAWARIKH 11:22 Referans Kwoze

2 SAMUEL 8:18

Tembonannu mandariaga ratu; i Benaya ana'i Yoyada; Manga imam su wal᷊en araratuanna: manga esakka ana'i Daud.

YOSUA 15:21

Manga soa apan arauanne su samba'an timukka, apan maola'a pussa'an Yehuda, eteudde addone su passarannu Edom, sarangkanambone ruan pul᷊o sio soa, nasutta lai manga ampungnga maranine. Manga soa udde eteudde: Kabzeel, Eder, Yagur, Kina, Dimona, Adada, Kedes, Hazor, Yitnan, Zif, Telem, Bealot, Hazar-Hadata, Keriot-Hezron (eteudde Hazor), Amam, Sema, Molada, Hazar-Gada, Hesmon, Bet-Pelet, Hazar-Sual, Bersyeba, Baala, Iyim, Ezem, Eltolad, Khesil, Horma, Ziklag, Madmana, Sansana, Lebaot, Silhim, Ain wuṛṛu Rimon.

1 TAWARIKH 12:8

Sutempo i Daud uatana'a su tampa pia lal᷊indumme su wadda'a, manambo tantara apan tinumelengnga wuṛṛu pia asingkanne wuassu ṛuanganni Gad apan nirumanta naammulli tou. Ete i mangitou udde tantara apan apandeanne mappaattu allungnga wuṛṛu sambeangnga; i mangitou ellehanna mawaṛṛani ere singa wuṛṛu i mangitou mal᷊inso'a naal᷊ihidda rusa.

1 MARARATU 2:30

I Benaya inaite watukku Rasannu Mawu wuṛṛu nabbisara si Yoab, “Ratu nandolokka tadea'u i'o sumabbangnga wua isudde!” “Tawe,” sasimbakki Yoab. “I ya'u mapullu mate isindi.” I Benaya nabbelengnga wuṛṛu namasingkattu olangnge udde su ratu.

1 MARARATU 1:38

Ne i Zadok, i Natan, i Benaya wuṛṛu mandariaga ratu napasa'en Salomo su bagallu ratu, ana see i mangitou nangopassa watukku al᷊imatan kua'en Gihon.

1 MARARATU 1:8

Arawe Imam Zadok, i Benaya, ana'i Yoyada, Nabi Natan, i Simei, i Rei wuṛṛu mandariaga si Ratu Daud maddiri manamba'a si Adonia.

2 SAMUEL 20:23

Eteindi manga mamanara atanggaṛṛanne apan nipilen Daud; Tembonannu anambon tantara: i Yoab. Piaṛṛa'u tantara mandariaga si Daud: i Benaya ana'i Yoyada.

2 SAMUEL 1:23

I Saul wuṛṛu i Yonatan, aroddi masaṛṛionto'a wuṛṛu arangnguanna; sidutu uaaukka sulal᷊ummu wiakka wuṛṛu papate; i mangitou mallihaṛṛanna wuassu manu'a garuda mattohasanna wuassu singa saṛṛentumuwo.