1 SAMUEL 8:20 - WUKE SUSI WATTI'U AL᷊AL᷊USASSA

²⁰ Yami maapulu ere lai manga walahanna waine, ratun kami ṛinone mamarenta si yami wuṛṛu mamiaṛṛa'i yami sulal᷊ummu pangalo.”

1 SAMUEL 8:20 Referans Kwoze

1 SAMUEL 8:5

wuṛṛu nabbisara si tou, “Daringiṛṛewe Papa, i Papa timmadete wuṛṛu manga ana'i Papa tawe nangaṛṛussa pallal᷊aghu Papa. Nariaddi mappianne i Papa manenegu sangkatou ratu tadea'u yami pia ratu ere lai manga walahanna waine.”

1 PETRUS 2:9

Arawe i yamiu udde walahanna apan niapile, manga imam apan mangngimbe ratu, walahanna naukkassa, tumba'u hunan Duata, walahannu Duata sassane. Ruata namile si yamiu wuṛṛu namaggo si yamiu sinumabangnga wuassu araranduma sumutta su asasemakke apan mal᷊endappa ringannu pandumma tadea'u i yamiu mamasingkatu watti'a su ola'u manga inolaan-Ne apan wahewalla.

FILIPI 3:20

Arawe ete i ite tumana'u araratuannu surga. Ete wua isudde Ratun Punnu Sal᷊amatti ite, Mawu Yesus Kristus, sarun rumanta. Ete i Tou apan mangke raṛṛadoanni ite.

2 KORINTUS 6:17

Ana waugu udde, tantanga'e manga taumata apan tawe maaillal᷊a Ruata udde, wuṛṛu pattingkaṛṛaeten batangannu wuassi mangitou. Arie paa'aukka ringannu apa apan maarantinna ne i ya'u sarun manengkamma si yamiu.

ROMA 12:12

Ṛinone i yamiu mangngantimma Mawu ringannu mal᷊uassa, paasabare sulal᷊ummu asasusa, wuṛṛu paaṛṛimadda umal᷊iomanna.

YOHANES 15:19

Amungkangngu i yamiu tatahuanannu runia, i yamiu sarun rangnguannu runia maola'a pussaane. Arawe i Ya'u suete namile si yamiu wuassu runia indi, nariaddi yamiu tate lai tatahuanannu runia. Ana waugu udde runia maddantinni yamiu.

DARALO 106:35

Ewe'e i mangitou nallal᷊o'a manga walahanna udde, wuṛṛu nattanno pallal᷊aghu manga taumata apan tawe maailal᷊a Ruata.

TAHIUL᷊E 7:6

Ola'e sarangkanambone udde ana waugu i yamiu pussa'an Mawu Ruatanu. Wuassu al᷊awo'u walahanna su runia indi, ete i yamiu apan nipilen Mawu Ruatanu mabbal᷊i walage apan apianne.

REENGANNA 23:9

Wuassu puiddu manga wowone i ya'u ma'asilo si mangitou; wuassu manga wuidda i ya'u ma'ellega si mangitou. Pa'ellega sambau walahanna apan uaṛṛae tawe nasutta su wageangngu walahanna waine.

SASABANGNGA 33:16

Ereapa taumata sarun maasingkatta manungku I'o mal᷊uassa si ya'u wuṛṛu su walahanna indi amungkangngu I'o tawe mantul᷊ungngi yami? Darantan Mawu su pattangnganni yami sarun paṛṛalane si yami wuassu manga walahanna waine su runia.”

1 SAMUEL 12:2

Manattakka orassa indi ete i tou apan mamiaṛṛa'i yamiu. Pa'ellege, ya'u indi timmadete wuṛṛu piate owanna. I ya'u mal᷊annute uapiaṛṛa'i yamiu – ro'en ya'u ta'e dario'a naddatingngu orassa indi. Tatialane manungku manga ana'u udde mangkatinggakke.

1 SAMUEL 12:12

Arawe sutempo i yamiu naasingkatta manungku i yamiu pangaloanten Nahas ratun Amon, i yamiu nanol᷊a'u Mawu ratunu udde wuṛṛu nabbisara si ya'u, ‘Yami maapulu parentannu sangkatou ratu.’ ”