1 SAMUEL 5:7 - WUKE SUSI WATTI'U AL᷊AL᷊USASSA

⁷ Napawe i mangitou naapendamma sarangkanambone apan nariaddite si mangitou udde, i mangitou nabbisara, “Ruatan Israel nakkuumanni ite wuṛṛu monganni ite i Dagon. I ite imbaṛṛangnga mamalan Wantallu Pa'aire-Ne uaraddo isindi mal᷊annu lai.”

1 SAMUEL 5:7 Referans Kwoze

SASABANGNGA 12:33

Manga taumata Mesir mammata'u taumatan Israel tadea'u paal᷊ihakka manantangngu wanua udde. Unni mangitou, “Yami sarangkanambone sarun mate amungkangu i yamiu tawe inai!”

YEREMIA 48:7

Moab! I'o mangngasakku atatohannu wuṛṛu paa'alanu. Arawe orassa indi i'o sarun iwaddo. Kamos, mongannu, suadio'a ringannu manga imam wuṛṛu tembonanne sarun iapidda supamuanganna.

YEREMIA 46:25

Mawu Apan Lembontaṛṛino, Ruatan Israel, nabbisara, “I Ya'u sarun makkuumannu Amon, monganna wuassu Tebe, ahewallu Mesir ringannu manga monganne wuṛṛu manga ratune. Ratu Mesir wuṛṛu anambon taumata apan uatantaṛṛimanna tou

1 TAWARIKH 15:13

Sutempo Wantalla udde paarorone niingkatta, i yamiu tawe isudde nangapidda. Ana waugu udde Mawu, Ruatan kite, nakkuumanni ite ana waugu i ite massubba si Tou tawe nassul᷊ungngu apulu-Ne.”

2 SAMUEL 6:9

Arawe i Daud matta'uttu Mawu lai wuṛṛu nabbisara, “Orassa indi ereapate Wantallu Pa'aire udde wotongnge ta'u iaapidda?”

1 SAMUEL 6:20

Ana see tumana'u Bet-Semes nabbisara, “Isai wotongnge sumaruanna Mawu, Ruata Apan Susi udde? Watukkuapa ṛinone wantalla udde iuntudda, tadea'u marau wuassi ite?”

1 SAMUEL 4:8

Nasilakate atonna! Isai wotongnge manal᷊amatta si ite wuassu manga monganna apan matohassa udde? Wal᷊inewe manga monganna udde lai buatte namate taumatan Mesir su wadda'u anne dorone?

SASABANGNGA 10:7

Manga mammamanaran araratuanna nabbisara ratu, “Ma'oman sara tingngera taumatan udde mapaasusan kite? Wala'e anambon taumatan Israel udde inai mattaṛṛamawu su Mawu, Ruata mangitou. Pa'ellege wanuan kite indi nahahakke!”

SASABANGNGA 9:28

Aal᷊iomatee su Mawu; yami mal᷊annute uatataṛṛangnga ana waugu rallu'a wuṛṛu uranna masunge indi. I Ya'u sarun mamallossi yamiu inai. I yamiu ariete pa'atana'a isindi lai.”

SASABANGNGA 8:28

Ratu nabbisara, “Aroddite, i ya'u mamalan kamiu inai watukku wadda'a mangonggolu sassamba su Mawu, Ruatanu, addonganne i yamiu tawe umamatta marau. Paanaunge, a'al᷊iomana'awe i ya'u!”

SASABANGNGA 8:8

Ratu namago si Musa wuṛṛu si Harun, wuṛṛu nabbisara, “Aal᷊iomante su mawunu tadea'u i Tou mapaawul᷊in manga aakka indi, ne i ya'u sarun mamalan walahan-Ne inai mangonggolu sasamba su Mawu.”

1 SAMUEL 5:6

Wua'udde Mawu nakkuumannu tumana'u Asdod wuṛṛu wageangngu leta'a maranine ringannu manga hanne su waddangngi mangitou.

1 SAMUEL 5:8

Ana waugu udde i mangitou namaggo siri lima ratun Filistin tadea'u ma'ammulla, ana see maiwal᷊o, “Urante si ite Wantallu Paairen Mawu Ruatan Israel udde?” Manga ratu udde sinumimbakka, “Ingkata'e watukku soa Gat.” Nariaddi, wantalla udde niingkatte watukku soa Gat, sambau soan taumatan Filistin waine.