1 SAMUEL 5:4 - WUKE SUSI WATTI'U AL᷊AL᷊USASSA

⁴ Arawe tiṛṛabbine marua'allo, i mangitou naasilo apia manungku paal᷊uanna udde nanawote apia su saruannu Wantallu Pa'aire udde. Paassa indi puane wuṛṛu ta'iakke ruan ba'a naponggo'a wuṛṛu ete uaraddo su pappuannu ngara; tumba'u awa'u paal᷊uanna udde ta'e su lannangnge. (

1 SAMUEL 5:4 Referans Kwoze

MIKHA 1:7

Manga paal᷊uanne apan maarega sarun ṛimunsaanna, wuṛṛu suapan saranapa apan nionggolla su manga wawine apan mammanara su kuil sarun tutunganna, see al᷊awo'u paal᷊uanne sarun ṛimunsaanna. Manga saranapa uddewe ina'ul᷊en patataṛṛamawune su mongannu asasuwukka. Orassa indi sarangkanambone udde sarun ṛuwoannu manga seetta olanna sasamba aadiangkamanna su manga monganni mangitou.”

YEREMIA 50:2

“Pasea'e tatiala wuṛṛu al᷊iata'e su manga walahanna manungku Babel nanawote! Arie pa'adappinga'a olangnge udde! I Merodakh monganne naṛṛimunsa'e, wuṛṛu manga paal᷊uanne apan masandaga napesangke nattal᷊eṛṛonga, see manga mawune lembon haggeloanna.

YEREMIA 10:11

I yamiu, ei umatta, ṛinone mamasingkatta si mangitou mangungku manga monganna apan tawe nandiaddi langitta wuṛṛu runia udde sarun ṛimunsaanna. I mangitou sarun mawul᷊i wuassu wowon dunia.)

DANIEL 11:8

Sutempo udde i tou nabbelengnga watukku Mesir, i tou sarun mangapiddu paal᷊uannu mongannu seenne wuṛṛu saranapa wul᷊awanna wuṛṛu sal᷊a'a apan buatte nionggolla su monganna udde. Manga pira tonna al᷊annune i tou tate mamangalo ratun banua sawannakka.

YESAYA 27:9

Arawe manga rosan Israel tumba'u wotongnge ampunganna amungkangngu mezbah manga monganna ihilingnga al᷊ussa naal᷊ihidda apukka. Anambon tampan amania wuṛṛu hambarannu Monganna Asyera ṛinone ṛimunsaanna lai.

1 SAMUEL 6:5

Nariaddi, yamiu ṛinone mattanno ola'u manga hanne wuṛṛu su wal᷊awo apan masaddatta su wanuanu. Ringannu aroddi yamiu mangngaddatta Mawu Ruatan Israel. Asinungka i Tou tate makkuumanni yamiu, manga mongannu see lai manga letangngu.

YESAYA 40:20

Taumata apan tawe maawalli wul᷊awanna ara'e sal᷊a'a, mammile alu apan tawe hampa mahohakka. I tou naddea'a base apan masingkatta taumata mallanginnu paal᷊uanna apan tawe umio'a.

YEREMIA 10:14

Naasilo sarangkanambone udde taumata naatutukke, manungku i tou woddo wuṛṛu tawe pasasunna. Manga basen wul᷊awanna niawul᷊iannu hatine, ana waugu paal᷊uanna sassubbanna lanna'u limane udde awusu wuṛṛu tawe sasangngone.

YEREMIA 10:15

Manga paal᷊uanna udde tawe aregane, ṛinone a'al᷊uandahanna wuṛṛu lobbosanna. Napawe nia'omante tempone i mangitou sarun mate.