1 SAMUEL 5:10 - WUKE SUSI WATTI'U AL᷊AL᷊USASSA

¹⁰ Ana see Wantallu Pa'aire udde niuntudda watukku Ekron, soan Filistin waine lai. Napawe wantalla udde na'omate isudde, tumanangnge niumui, wisarane, “Wantallu Paairen Mawun Israel udde niapidda isindi tumba'u iapapate si ite sarangkanambone.”

1 SAMUEL 5:10 Referans Kwoze

AMOS 1:8

Tumanangnge wuṛṛu tembonannu soa Asdod see Askelon sarun Ta'u wambanganna. Soa Ekron sarun Ta'u ittuumanna, wuṛṛu anambon lamben taumatan Filistin sarun Ta'u pateanna.”

2 MARARATU 1:2

Su allo sambau i Ratu Ahazia wuassu Israel nanawo wuassu panumbal᷊e al᷊iurosone wuassu wal᷊en araratuanna su Samaria, na'oman sara i tou nal᷊essa wahewalla. Ne i tou nandolokku taumata iapaiwal᷊o si Baal-Zebub, mongannu soan Ekron su Filistin, tanne i tou mapia wuassu radda'a ara'e tawe.

MAL᷊AṚṚUUNGNGA 1:18

Mawu nantul᷊ungngu taumatan Yehuda na'oman sara i mangitou wotongnge napangaṛṛo wageangngu panenteanna. Arawe i mangitou tawe napaangaṛo Gaza, Askelon ara'e lai Ekron wuṛṛu manga wanua maranine, ana waugu manga walahanna apan uatana'a su al᷊o'engngu apanne, uatahuanna manga kereta pangalo wuassu atta'a; ana waugu udde taumatan Yehuda tawe naal᷊imbuakka si mangitou.

YOSUA 15:45

See lai Ekron wuṛṛu manga soa maradio'a wuṛṛu manga ampungnge,

YOSUA 13:3

wuṛṛu ahewallu leta'u Awi watukku timukka. (Wageanga wuassu Sal᷊ukku Sikhor su passarannu Mesir ma'oman sara passarannu Ekron su samba'an sawannakka, sarangkanambone udde nareengnga wageangngu leta'u walahannu Kanaan; wuṛṛu manga ratun Filistin uatana'a su Gaza, Asdod, Askelon, Gad wuṛṛu Ekron).

1 SAMUEL 5:9

Arawe napawe wantalla udde na'omate isudde, Mawu nakkuumannu soa udde lai wuṛṛu nandantan atata'utta apan bahewalla. Tumana'u soa udde, mawae ete dario'a ara'e timmade niṛṛuumannu manga radda'a hanne apan tinumuwo su waddangngi mangitou.

1 SAMUEL 5:11

Ana waugu udde i mangitou namaggo anambon ratun Filistin tadea'u ma'ammulla, ana see nabbisara, “Welenga'e Wantallu Pa'airen Mawu Ruatan Israel udde sutampane paarorone tadea'u i ite wuṛṛu amonanni ite tawe mate.” Su ahewallu soa nariaddi atata'utta ana waugu Ruata nakkumannu tumanangnge ringannu radda'a apan tumaniten mawakkatta.

2 SAMUEL 7:9

I Ya'u buatte nakkundinganna si'o su al᷊awo'u amatannu, wuṛṛu manga seennu buatte Ta'u nipate sutempo i'o napapangalo. I'o sarun tumelengnga ere lai manga piaṛṛangnge apan ahewal᷊anne su runia.

YOSUA 15:11

Wuassu Timna, akkitu passaranna udde masal᷊a watukku samba'an sawannaku Wowon Ekron, ana see mabeṛṛo watukku Sikron, sumabbi Wowon Baala, masal᷊a watukku Yabneel, wuṛṛu muddussa su Tahal᷊oangnga Tangngane,

1 SAMUEL 6:1

Napawe Wantallu Pa'airen Mawu uaraddo su Filistin pitu wul᷊anna al᷊annune,

1 SAMUEL 17:52

Manga taumatan Israel wuṛṛu Yehuda uui lulluassa wuṛṛu nangenggenna manga taumatan Filistin naddatingngu Gat wuṛṛu ngara pasallanganna su Ekron. Manga taumatan Filistin apan nal᷊essa uatal᷊alladda su al᷊o'engngu lal᷊anna watukku Saaraim.

AMOS 6:2

Roote pa'ellega su Kalne, wua'udde asal᷊ate amatta watukku Soa Hamat apan wahewalla udde, wua'udde wuatukku soa Gat su Filistin. Sunnanu manga soa udde mappianne wuassu araratuannu Yehuda wuṛṛu Israel? Apa wageangngu leta'i mangitou maggewal᷊anna wuassu wageangngu letangngu?