1 SAMUEL 4:9 - WUKE SUSI WATTI'U AL᷊AL᷊USASSA

⁹ Paawaṛṛanite naungngu, ei taumatan Filistin! Pappapangalote manungku indi lai esakka, amungkangu tawe, i yamiu sarun maola'a allangngu manga taumatan Ibrani udde, ere lai i mangitou dorone naola'a allangngi yamiu. Ana waugu pappapangalote ringannu paatohassa wuṛṛu paawaṛṛani!”

1 SAMUEL 4:9 Referans Kwoze

1 KORINTUS 16:13

Ṛinone i yamiu paatehamma wuṛṛu matohassa sulal᷊ummu pabbiaṛṛannu ere taumatan Saṛṛani. Pammanarate ringannu waṛṛani wuṛṛu paatohassa.

MAL᷊AṚṚUUNGNGA 13:1

Taumatan Israel na'ola'e rosa apia su Mawu, ana see Mawu namalaten taumatan Filistin uaparenta si mangitou appatu pul᷊o su tonnane al᷊annune.

2 SAMUEL 10:12

Paatammudda! Wette i ite mapapangalo ringannu waṛṛani hunan walahanni ite wuṛṛu manga soan Ruatan kite. Doronganna Mawu ma'ola'a sarangkanambone apan ipaapulu-Ne.”

YESAYA 33:1

Nasilakate manga seetti ite! I mangitou makkampassa salaiwe i mangitou tawe nipakkampassanna, wuṛṛu mandal᷊eo salaiwe tawe nilal᷊eo. Arawe napawe buatte nakkampassa wuṛṛu nandal᷊eo, i mangitou sarun mabbal᷊i sal᷊em pallaṛṛampassa wuṛṛu pandalal᷊eo.

MAL᷊AṚṚUUNGNGA 10:7

Ana waugu udde Mawu nasa'u su walahannu Israel, na'oman sara i Tou namalan walahannu Filistin wuṛṛu balahannu Amon namarenta si mangitou.

YESAYA 14:2

Manambo pabbawlaga apan mantul᷊ungngu walahannu Israel mabelengnga su wanua apan nionggollu Mawu si mangitou, wuṛṛu poiaroddi manga walahanna udde mattaṛṛuallangnga su Israel. Israel sarun manawanna manga taumata apan buatte nanawanna si mangitou wuṛṛu mamarenta manga taumata apan buatte nangallangnga si mangitou.

1 SAMUEL 4:8

Nasilakate atonna! Isai wotongnge manal᷊amatta si ite wuassu manga monganna apan matohassa udde? Wal᷊inewe manga monganna udde lai buatte namate taumatan Mesir su wadda'u anne dorone?

1 SAMUEL 14:21

Manga taumatan Ibrani apan uatana'a su wageangngu leta'u taumatan Filistin, wuṛṛu ingana'a apan buatte tinumantalongnga tantaran mangitou, nabbal᷊i'a naammulli Saul wuṛṛu Yonatan.