1 SAMUEL 4:10 - WUKE SUSI WATTI'U AL᷊AL᷊USASSA

¹⁰ Wua'udde napapangalote taumatan Filistin ringannu masaddatta wuṛṛu namaddon tantaran Israel. Taumatan Israel tinumal᷊angnga watukku rasanne sambau-sambau. Tumaniten bahewalla arugianna udde; 30.000 tantaran Israel nate.

1 SAMUEL 4:10 Referans Kwoze

2 MARARATU 14:12

Tantaran Yehuda narugite wuṛṛu anambon tantarane tinumal᷊angke napul᷊e watukku wal᷊en sambau-sambau.

1 SAMUEL 4:2

Tantaran Filistin mannattakke mammangalo, wuṛṛu napawe uapapangalote ringannu ammahane, tantaran Israel niawaddo wuṛṛu iraṛṛangngo appatu ṛiwu su atoune nate sutampa papangaloanna udde.

TAHIUL᷊E 28:25

Amungkangngu i yamiu tawe maddaringikka Mawu Ruatanu, i Tou sarun ma'ola'a si yamiu mawaddo su manga seennu. I yamiu sarun mamangalo ringannu uaatokka arawe tumal᷊angnga ringannu uasongkakka. Anambon balahannu su runia sarun maapendamma atata'utta maasilo asasusanu.

IMAMATTA 26:17

I yamiu sarun Ta'u iṛṛuumanna, na'oman sara i yamiu lawaddon manga seennu wuṛṛu paparentannu manga taumata maddantinnu. I yamiu mabbal᷊i lembon matta'utta na'oman sara i yamiu tumal᷊angnga, salaiwe taweddu.

2 SAMUEL 18:17

Wua'udde winal᷊unanni Absalom nipasanna wuṛṛu niramme sulal᷊ummu paṛṛihi su mahurangnge udde. Paṛṛihi udde niomboanni mangitoun batu na'oman sara matanggakka. Anambon tantaran Israel tinumal᷊angngu watanganne sambau-sambau su wal᷊ene.

DARALO 78:9

Ṛuanganni Efraim apan ahidde anaanna wuṛṛu papiti'a, tinumal᷊angngu watanganne sutempo uapapangalo.

2 TAWARIKH 25:22

Tantaran Yehuda niawaddo wuṛṛu anambon tantarane tinumal᷊angnga napul᷊e watukku wal᷊ene sambau-sambau.

2 TAWARIKH 13:17

Tumaniten manambo arugianna apan niola'i Abia wuṛṛu tantarane su taumatan Israel; 500.000 tantaran mangitou apan apianne nate.

1 MARARATU 22:36

Napawe matannallo umattuppe anambon tantaran Israel niparentanna mapul᷊e watukku soane sambau-sambau,

1 MARARATU 12:16

Napawe tumana'a naasilo manungku ratu maddiri maddaringikka si mangitou, i mangitou nangintul᷊i, “Ipa'ura lai i Daud wuṛṛu papapulunne! I mangitou tawe saran sambau niola'a si ite. Tumana'u Israel, wette i ite mapul᷊ete Wala'e i Rehabeam udde mangurussa watanganne sassane!” Ne tumana'u Israel napulete,

2 SAMUEL 20:1

Su soan Gilgal pia sangkatou taṛṛa sal᷊asa'a aranne i Seba. I tou ana'i Bikri, wuassu ruanganni Benyamin. Sutempo taumatan Daud nangelekka nirumanta, i Seba nattiuppa trompetta wuṛṛu nangintul᷊i, “I ite tawe paa'aukka ringanni Daud. Ipa'ura i ite tumantalongnga si tou? Ei taumatan Israel, wette i ite mapul᷊ete!”

2 SAMUEL 19:8

Wua'udde dirumarisikke ratu wuṛṛu sinumabbangke su liudde, wuṛṛu niuma'ianna maranin ngara passallanganna. Tantarane naaringikka manungku i tou isudde, ne i mangitou sarangakanambone nirumanta sinumaruanna. Tantal᷊anna udde anambon tantaran Israel tinumal᷊angke, wuṛṛu napul᷊ete su wal᷊en sambau-sambau.

2 SAMUEL 18:7

Tantaran Israel niawaddon tantaran Daud, awawaddo udde tumaniten bahewalla, 20.000 suatoune nate su allo udde.

TAHIUL᷊E 28:15

“Arawe amungkangngu i yamiu tawe tumuṛṛutta Mawu Ruatanu, wuṛṛu tawe matammuda tuttuṛṛutta al᷊awo'u parenta wuṛṛu manga tita-Ne apan ta'u nionggola si yamiu allo indi, ne al᷊awo'u wontoga indi sarun maṛṛia'a si yamiu:

YEREMIA 7:12

Roote watukku Silo, soa apan paarorone nabbal᷊i tampan patataṛṛamawaunna si Ya'u. Pa'ellege apa apan buatte Ta'u niola'a su tampa udde ana waugu rosan uma-U Israel.

1 SAMUEL 3:11

Ana see Mawu nabbisarate si tou, “I Ya'u sarun mandantan sambau inolaanna apan bahewalla su taumatan Israel, na'oman sara suapan taumata apan maaringikka sarun ial᷊iwune.