1 SAMUEL 31:11 - WUKE SUSI WATTI'U AL᷊AL᷊USASSA

¹¹ Arawe tumana'u Yabesh su Gilead naaringikka inolaanna apan buatte niola'u taumatan Filistin si Saul,

1 SAMUEL 31:11 Referans Kwoze

2 SAMUEL 2:4

Wua'udde manga taumatan Yehuda nirumantate su Hebron, wuṛṛu nanenegi Daud naola'a ratun Yehuda. Sutempo i Daud naaringikka manungku manga taumatan Yabesh su Gilead buatte nallabingu winal᷊unanni Saul,

MAL᷊AṚṚUUNGNGA 21:8

Ne i mangitou namarikissa tanne pia samba wageangnga wuassu walahannu Israel apan tawe inai na'ammula su Mizpa. Ne i mangitou naaratinga manungku manga taumatan Yabes su Gilead, tawedu saran sangkatou apan inai naammula su Mizpa.

2 SAMUEL 21:12

i tou inaite nangal᷊appa duṛṛin Saul wuṛṛu Yonatan wuassu tumana'u soa Yabes su Gilead. (Manga taumata udde buatte nanna'o manga duṛṛi wuassu leta'a mal᷊alangngu soa su Bet-San, tampan taumatan Filistin nangelen manga winal᷊unanna udde napawe i Saul nawaddo su wuiddu Gilboa.)

1 TAWARIKH 10:11

Sutempo tumana'u Yabes su Gilead naaringikka inolaannu taumatan Filistin si Saul,