1 SAMUEL 3:9 - WUKE SUSI WATTI'U AL᷊AL᷊USASSA

⁹ Ana waugu udde i tou nabbisara si Samuel, “Atiille apia, wuṛṛu amungkangu i'o wagoanna apia simbakke arendi, ‘Pabbisarate, Mawu, allang-Ngu uararingikka.’ ” Ana see i Samuel inaite su tampa natatiil᷊anne apia.

1 SAMUEL 3:9 Referans Kwoze

SASABANGNGA 20:19

Unni mangitou si Musa, “I'o pabbatti'a si yami, yami sarun maddaringikka; arawe ariewe Ruata mabbisara si yami, aṛṛengenne yami mate.”

YESAYA 6:8

Ana see i ya'u naaringikka tingikku Mawu nabbisara, “Isai apan Ta'u irolokka? Isai apan sarun maola'a mangangapiddu watti'i ite?” I ya'u sinumimbakka, “Indi i ya'u. Doloṛṛa'e i ya'u!”

DARALO 85:8

Pal᷊iatta'e manungku I'o sidutu marangngu si yami, oh Mawu, i yami onggol᷊eten al᷊amatta wuas-Si'o.

WATTI'U MANGA RASUL 9:6

Arawe orassa indi darisikke wuṛṛu suttate su soa. Isudde sarun iapaasingkatta si'o apa apan sarun manarannu.”

DANIEL 10:19

I tou nabbisara, “Ruata mandangngu si'o, ana waugu udde ariete suminggawangnga ara'e mata'utta, wette, ariaddite matohassa!” Tantal᷊anna i tou mabbisaran olangnge udde, i ya'u naapendamma lembon matohassa lai wuṛṛu nabbisara, “Otte pabbisarate, Tuangnga. Tuangnga buatte nanamba atatoha'u.”

1 SAMUEL 3:8

Su atallune Mawu namago apia si Samuel, ana see i Samuel napu'ote wuṛṛu inaite ringanni Eli lapiddu nabbisara, “Pia apa Papa? Anio i Papa mammago?” Su orassa udde i Eli naatutukke manungku mammago ana'a uddewe Mawu.

1 SAMUEL 3:10

Wua'udde Mawu nirumantate, wuṛṛu dirumarisikka sutampa udde lapiddu namago apia, “Samuel, Samuel!” Ne i Samuel sinumimbakka, “Pabbisarate, Mawu, allang-Ngu uararingikka.”

YOSUA 5:14

“Wal᷊ine hawe wuṛṛu lai wal᷊ine seetta;” sasimbakku taumata udde. “I Ya'u nirumanta isindi naola'a sangkatou tembonannu tantara Mawu.” Naaringikka udde i Yosua lapiddu niumal᷊intudda nasubba taumata udde. I Yosua nabbisara, “I ya'u indi allangi Tuangnga. Apa apan botongnge ta'u olaanna si Tuangnga?”

DARALO 85:9

I ya'u maapulu maddaringikka wisaran Mawu Ruata; i Tou naddiandin lal᷊umanna'a si ite, al᷊aṛanang-Nge, sawal᷊iate i ite tate ma'ola'a rosa.