1 SAMUEL 25:11 - WUKE SUSI WATTI'U AL᷊AL᷊USASSA

¹¹ Tawe mariaddi ya'u manganu roti wuṛṛu uae'u, manga inassa apan buatte nisaddia'u su manga mamamol᷊o wambul᷊un domba'u, wua'udde ta'u ionggolla su anambon taumata apan awagananna tanna wuassuapa darantane!”

1 SAMUEL 25:11 Referans Kwoze

MAL᷊AṚṚUUNGNGA 8:6

Arawe manga piaṛa'a su Sukot udde sinumimbakka, “Ah, i yamiu taambe naasametta si Zebah wuṛṛu si Salmuna, i yamiu madorongke anna! Ipa'ura tantaranu iapaanna?”

GALATIA 6:10

Nariaddi, tantal᷊anna ta'e pia tempo si ite, ṛinone i ite ma'ola'a apapia su anambon taumata, nipangillembo su manga tuṛṛangngi ite apan sulal᷊ummu pangangimanna sambau.

1 PETRUS 4:9

Ṛinone i yamiu uasasal᷊oho sangkatou ringannu waine sulal᷊ummu wal᷊enu sambau-sambau, ringannu tawe sumamboṛṛe.

2 KORINTUS 6:9

I yami sassunnanna taumata awagananna, arawe i yami asingkatannu awadaalla. I yami sassunnanna nate, arawe wutte'e i yami ta'e wiakka. Salaiwe i yami sassansaranna, i yami tawe nate.

AYUB 31:17

Taambe saran paassa i ya'u namalan asisitimpal᷊ussa niamal᷊unusanna, tantal᷊anna i ya'u sassane pia anna natimu.

1 SAMUEL 24:13

Antimanna ete Mawu apan makkawessa isai suwallatti addua apan nassal᷊a! Ete Mawu antimanna apan mabbal᷊issa inolanni Tuangnga su saruannu allangngu, arawe saran kadio'a allangngu tawe nanaddu'a naungngi Tuangnga.

TAHIUL᷊E 8:17

Nariaddi, arie saran paassa i yamiu maṛṛingidda manungku ringannu apulu wuṛṛu atatohannu sassane i yamiu wotongnge mabbal᷊i ala.

MAL᷊AṚṚUUNGNGA 8:15

Wua'udde i Gideon inaite naisasomban manga papunna su soa udde ana see nabbisara, “Tantu i yamiu ta'e ma'anaungnga manungku i yamiu buatte nanol᷊a'a mantul᷊ungku, ana waugu i ya'u taambe naasametta si Zebah wuṛṛu si Salmuna are? I yamiu tawe nangonggolu anna su tantara'u; sumbal᷊i i mangitou su tempo udde nallomete. Pa'ellege indi i Zebah wuṛṛu i Salmuna.”

1 SAMUEL 25:7

I ya'u naaringikka manungku i'o tantal᷊anna mammol᷊o wambul᷊un dombanu. Ṛinone i'o masingkatta manungku manga mallal᷊u'addu apan uatana'a su wageangngu leta'i yami, tawe saran paassa i mangitou asal᷊asaanni yami, wuṛṛu lai taambe saran paassa i mangitou niawul᷊iannu saranapa su al᷊annune i mangitou uatana'a su Karmel.

1 SAMUEL 25:12

Ne tantaran Daud udde nabelengke ringanni Daud wuṛṛu namasingkatta si tou manga wisaran Nabal udde.

MAL᷊AṚṚUUNGNGA 8:8

Wua'udde i Gideon nanassute amatanne ana see na'omate su Pnuel. Poiaroddi lai i tou nadorongnga anna ionggola su tantarane. Arawe sasimbakku taumatan Pnuel nassul᷊ungngu sasimbakku taumatan Sukot.