1 SAMUEL 23:26 - WUKE SUSI WATTI'U AL᷊AL᷊USASSA

²⁶ I Saul wuṛṛu tantarane niumamatta su wiwikku wowone samba'ane indi arawe i Daud wuṛṛu tantarane su winggine poiaroddi. I Daud mal᷊iha-l᷊ihakka tinumal᷊angngu watanganne wuassi Saul apan mannattakke mammangalo wuṛṛu manametta si mangitou.

1 SAMUEL 23:26 Referans Kwoze

DARALO 17:9

su saruannu pangalon taumata lal᷊eo. I ya'u papal᷊iwutannu seetta apan maapulu mamate si ya'u;

SONDAPPA 20:9

Ne i mangitou nassal᷊iawukke su ahewallu runia, see nattalliwunte atatana'annu al᷊aṛṛana'u Ruata wuṛṛu soa arangnguannu Ruata. Arawe putungnga nonto'a wuassu langitta wuṛṛu namate si mangitou.

2 KORINTUS 1:8

Manga tuṛṛangnga! I yami maapulu i yamiu lai maasingkata su ola'u asasusa apan niapendamanni ami su leta'u Asia. Asasusa apan papasannananni yami udde tumaniten mawakkata mannasa'i yami ma'oman sara i yami tate antimma mabbiakka apia;

DARALO 31:22

Daralo su Mawu! Tumaniten maatiangnga darangngu-Ne si ya'u, sutempo i ya'u nitalliwunanna wuṛṛu nipangaloanna.

DARALO 22:16

Tonggol᷊angku namara ere pilessa, lila'u naddeetta su saṛṛangaddu moṛṛongku. Mawu, I'o nanantangku su wowon awu naal᷊ihidda taumata natete.

DARALO 22:12

Ariewe pangindau, ana waugu asasilaka maranite, wuṛṛu taweddu mantul᷊ungnga.

DARALO 17:11

I mangitou niumamatta mando'appa si ya'u wuṛṛu nakkimpilunna si ya'u, madea'a loakke mamantingku.

2 TAWARIKH 20:12

Ete I'o Ruatan kami! Ṛuumana'e i mangitou, ana waugu yami indi inasueanten ikkatta sumaruanna tantara anambone ereudde, apan mammangalote si yami. Yami waggate tanne yami maola'e apa, ana waugu udde yami rumanta ringannu Mawu maiontolla.”

2 SAMUEL 15:14

Ana see i Daud nabbisarate su anambon mammamanaran araratuanne apan isudde su Yerusalem, “Wette i ite massal᷊iute. Tumba'u indi lal᷊anne tadea'u i ite mal᷊iu wuassu taṛṛinon Absalom. Tate mal᷊annu lai i tou sarun dumanta. Paal᷊ihakke, arie ma'oman sara aenggenanna wuṛṛu iwaddone, ma'oman sara anambon tumana'u soa pateanna!”

1 SAMUEL 20:38

Paal᷊ihakka addio'a, arie paṛṛingidda marau!” Ana'a udde namurutta anaanna ana see nabelengnga ringannu mawune.

1 SAMUEL 19:12

Ana see i Mikhal nanossokki Daud wuassu sungketa, ne i Daud tinumal᷊angke na'oman sara i tou naal᷊inda'a.

MAL᷊AṚṚUUNGNGA 16:2

Ne tumana'u Gaza naaringikka manungku i Simson poite aroddi. Nariaddi i mangitou nalliwunna tampa udde wuṛṛu uaṛaddote si tou su al᷊o'engngu ṛabbi su ngaran soa. Arawe i mangitou tawe naaola'a apa-apa su ṛabbi udde ana waugu i mangitou maṛingidda, “ṛaddoite napawe matannallo sumabbangke, wakkute udde i ite mamate si tou.”

1 SAMUEL 23:25

I Saul wuṛṛu tantarane nirumantate maddea'a si Daud, arawe taumata namasingkatta si Daud, na'oman sara i tou inaite watukku wowon batu su wadda'u Maon wuṛṛu natana'e isudde. Napawe i Saul naasingkatta olangnge udde, i tou lapiddu nangenggenna si Daud.

1 SAMUEL 23:27

Arawe inaṛṛombanganne nirumantate sangkatou daroloṛṛanna sinumaruanna si Saul wuṛṛu nabbisara, “Ṛinone i Tuangnga mabelengke! Taumatan Filistin poite namangalo wanuan kite!”