1 SAMUEL 23:15 - WUKE SUSI WATTI'U AL᷊AL᷊USASSA

¹⁵ Salaiwe aroddi i Daud ta'e matta'utta lai, ana waugu i Saul pia pandumma mamate si tou. Su sambau tempo i Daud su Hores, su wadda'u Zif.

1 SAMUEL 23:15 Referans Kwoze

1 SAMUEL 23:14

Wua'udde i Daud natana'e su manga loṛṛangngu panenteanna su wadda'u Zif. I tou sidutu a'enggenanni Saul, arawe Mawu tawe manantilli Daud su ratu udde.

1 SAMUEL 23:16

Yonatan inaite naisasomban tou tadea'u manohassa pangangimanne manungku i tou sarun darundinganannu Ruata.

1 SAMUEL 26:3

I Saul naddasanna su winggin dal᷊anna maranin Wowon Hakhila udde. I Daud apan uaimbuni su wadda'a, naaringikka manungku i Saul uatantuṛṛutta si tou na'oman sara wadda'a.

1 SAMUEL 23:3

Arawe mallal᷊aṛenggenni Daud nabbisara si tou, “Wakkute isindi, su Yehuda i ite matta'utta; nangillembote lai amungkangu i ite mamangalote tantaran Filistin su Kehila.”

2 SAMUEL 4:8

Wua'udde itarua nanantillu puan Isyboset udde si Daud su Hebron lapiddu nabbisara, “Indite puan Isyboset ana'i Saul, seetti Tuangnga apan pia pandumma mamate si Tuangnga. Allo indi Mawu buatte nabbal᷊issa inolaanni Saul wuṛṛu papapulunni si Tuangnga.”

DANIEL 10:18

Ne paassa lai i tou nangeṛetta si ya'u, ana see i ya'u naapendamma ikka'u niatambanna.

IBRANI 11:38

Runia indi wal᷊inewe tampa su ṛinone si mangitou. I mangitou lullallele su wadda'a wuṛṛu manga wuidda, see uatana'a sulal᷊ummu manga liangnga wuṛṛu sulal᷊ummu manga loṛṛangu leta'a.