1 SAMUEL 20:13 - WUKE SUSI WATTI'U AL᷊AL᷊USASSA

¹³ Amungkangu i tou pia pandumma manilaka si'o, sarun ta'u iapasingkatta si'o lai tadea'u i'o wotongnge maapanal᷊amatta watangannu. Doronganna Mawu mamate si ya'u amungkangu olangnge udde tawe ta'u olaanna. Antimanna Mawu mantul᷊ungngu ere lai i Tou buatte nitul᷊ungngu lai!

1 SAMUEL 20:13 Referans Kwoze

1 TAWARIKH 22:16

wul᷊awanna, sal᷊a'a, witu'a wuṛṛu atta'a. Ne paal᷊ihakke manattakka! Doronganna Mawu mantul᷊ungngu.”

1 TAWARIKH 22:11

Ana see i Daud nabbisara apia, “Orassa indi, ana'u, antimanna Mawu Ruatanu sidutu mantul᷊ungngu. Wuṛṛu antimanna i'o wotongnge mapararisikku Wal᷊en Mawu ere lai buatte nipa'ire-Ne.

1 SAMUEL 17:37

Mawu buatte nanal᷊amatta allangngu wuassu singa wuṛṛu beruangnga, i Tou lai sarun manal᷊amatta allangngu wuassu taumatan Filistin udde.” Ana see i Saul nabbisara si Daud, “Ore aroddite, antimanna Mawu mantul᷊ungngu.”

RUT 1:17

Suapawe imama mate, isudde lai ya'u mate wuṛṛu ilabbingnga. Doronganna Mawu mangonggolu ṛumanna apan wakkata si ya'u, amungkangngu i ya'u mappulu mattal᷊ei wuassi Mama, tabene'e papate apan mapatal᷊ein kite!”

YOSUA 1:5

Tawe saran sangkatou apan botongnge maawaddonu Yosua, su al᷊o'engngu pabbiaṛṛannu. Ana waugu i Ya'u sidutu su sandiṛṛannu ere lai dorone su sandiṛṛanni Musa. I Ya'u tawe manantangu.

1 SAMUEL 3:17

Eli naiwal᷊o, “Apate niapasingkattu Mawu si'o? Wattia'e sarangkanambone udde si ya'u. Amungkangu pia sambau hatto apan iaadappingngu, i'o sarun iṛṛuumannu Ruata.”

FILIPI 4:9

Ola'e apa apan a'urumanna wuṛṛu asengkamani yamiu wuassi ya'u: mawae wuassu manga wisara ara'e lai wuassu manga inolaangku. Ruata punnu paddarame, sarun mangal᷊amatta si yamiu.

MATIUS 28:20

Aṛṛa'ete i mangitou tuttuṛṛutta anambon parenta apan suete niparenta-U si yamiu. Wuṛṛu paanaunge, i Ya'u sarun maṛṛundinganna si yamiu saran panginsueannu runia indi.”

1 MARARATU 20:10

“Ratun kami sarun mangirimmu aroddi anambone tantara ipakkimunsa'a soanu, na'oman sara awu wuassu manga winal᷊alannu soanu udde sawun iarootti mangitou abbi tumba'u ringannu ta'iakki mangitou. I tou nassalu tadea'u manga monganna makkuumanna, wuṛṛu mamate si tou, amungkangngu i tou tawe mapaamattu olangnge udde!”

1 MARARATU 19:2

Ne i Izebel nangirimmu watti'a indi si Elia, “Antimanna manga monganna makkuumanna, ewe'e lai mamate si ya'u, amungkangngu tiṛṛabbi ere lai orassa indi ya'u tawe mapa'inolaanna si'o ere lai i'o na'inolaanna manga nabin Baal udde.”

2 SAMUEL 19:13

I Daud nandolokki mangitou lai niapawal᷊o si Amasa arendi, “Wal᷊inewe i'o hawe'u? Manattakka orassa indi ya'u mamile si'o maola'a tembonannu tantara ipallol᷊ossa si Yoab. Antimanna Mawu mamate si ya'u amungkangu olangnge indi tawe niola'u!”

2 SAMUEL 7:15

Arawe i Ya'u sidutu ma'ola'a apapia si tou uasul᷊ungngu pa'aire-U. Pa'aire-U si tou sidutu Ta'u aagasanna, wal᷊ine ere buatte Ta'u niola'a si Saul apan Ta'u niiru wuassu aiananne tadea'u i'o wotongnge maola'a ratu.

2 SAMUEL 3:35

Su al᷊o'engngu allo manga taumata maddea'a massal᷊o'i Daud tadea'u umanna addio'a, arawe i tou nassalu, “Doronganna Ruata mamate si ya'u, amungkangu i ya'u umanna tantal᷊anna matannallo taambe nattuppa!”

1 SAMUEL 25:22

Doronganna Ruata mamate si ya'u amungkangu tawe ta'u niapate anambon taumata esakka poiaroddi tantal᷊anna matannallo taambe sinumabbangnga!”

1 SAMUEL 18:12

I Saul naapendamma manungku i Daud rariagannu Mawu, ewe'e i tou sassane tinantangngu Mawu. Ana waugu udde i tou matta'utti Daud.

1 SAMUEL 14:47

Napawe i Saul naola'e ratun Israel, i tou napapangalote su al᷊awo'u tampa lullawangnga anambon seettu Israel, eteudde taumatan Moab, taumatan Amon, wuṛṛu taumatan Edom, manga ratun banua Zoba, wuṛṛu taumatan Filistin. Su al᷊awo'u tampa udde i tou napapangalo, i tou sidutu ma'auntungnga.

1 SAMUEL 10:7

Napawe sarangkanambone udde matipusse, ola'e manara tumuṛṛuttu apendammu mapia, ana waugu Ruata uaṛundinganna si'o.

1 SAMUEL 19:3

I ya'u inai su wadda'a suadio'a ringannu iamangku wuṛṛu dumarisikka maranin tampa pa'imbuniannu udde. Ana see ya'u maggahatton tou su ola'u pandumanni tou si'o, wuṛṛu panginsueannu hatto udde ta'u iapasingkatta si'o.”

1 SAMUEL 20:12

Ana see i Yonatan nabbisara si Daud, “Doronganna Mawu, Ruatan Israel maola'a matatialan kadua! Tiṛṛabbi marua'allo ara'e tillorega iraṛṛangngo tempone lai ere orassa indi, ya'u sarun mattinsahadda maddea'a maasingkatta lal᷊oṛṛon naungngu iamangku. Amungkangu i tou mapia si'o, ya'u sarun mapaapiddu watti'a si'o.

1 SAMUEL 20:14

Wuṛṛu amungkangu ya'u ta'e wiakka, paanaunge paairen kadua su saruannu Mawu wuṛṛu paatuṛṛutta si ya'u; arawe amungkangu ya'u nawul᷊ite,

1 MARARATU 1:37

Su ereapa Mawu buatte nakkundinganna si Tuangnga, antimanna i Tou lai makkundinganna si Salomo. Antimanna Mawu ma'ola'a pamamarentane lembon tumelengnga wuassu pamamarentan Tuangnga.”