1 SAMUEL 2:5 - WUKE SUSI WATTI'U AL᷊AL᷊USASSA

⁵ Taumata apan dorone mal᷊aidda ana waugu manambo anna, orassa indi nabbal᷊ite allangnga sassewanna tumba'u ana waugu see maasomba anna. Taumata apan dorone mal᷊unussa, orassa indi nal᷊aidde, anna manambote. Awingnge tinna, orassa indi lullala'a, ana'a pitu buatte niasungkange! Arawe inangnga apan manambo anangnge, nitantangnga, niwalane massusa.

1 SAMUEL 2:5 Referans Kwoze

LUKAS 1:53

Taumata mal᷊unussa niapaal᷊aidu al᷊awo'u apapia, taumata ala nillimbuaṛṛanna tawe ul᷊ene.

DARALO 113:9

I Tou nangonggolu manga ana'a su awingnga apan tinna, na'ola'a si tou inangnga apan lulluassa wuṛṛu aaddatanna su wal᷊ene. Paddalote Mawu!

YEREMIA 15:9

Inangnga apan niawul᷊ianni siri pitu umbasanna napinsanna ana waugu sasangngone maautta. Allon pabbiaṛṛanne nabbal᷊ite marandumma, i tou ereola'u haggeloanna wuṛṛu pappansilianna. Manga seennu Ta'u irolokka iapapate apan ta'e wiakka suwallatti yamiu. I Ya'u, Mawu, buatte nabbisara.”

DARALO 34:10

Pangaddate Mawu, ei i yamiu al᷊aṛṛanang-Nge, ana waugu taumata apan mangngimanna sarun tawe atalanne.

LUKAS 16:25

Arawe i Abraham sinumimbakka, ‘Naungewe ana'u: su alo'engngu pabbiaṛṛannu i'o suete naasomba manambo apianne; arawe i Lazarus naasomba alal᷊eoanne. Orassa indi i tou mal᷊uassa isindi, wuṛṛu i'o uatataṛṛangnga.

YESAYA 54:1

Yerusalem, dorone i'o naal᷊ihidda wawine tinna apan tawe wotongnge manungkangnga. Arawe orassa indi paggiote, wuṛṛu pangantarite ringannu lulluassa! Ana waugu manga anangngu marasai nilumebbe wuassu ana'a wawine apan tawe nitantangngu awingnge.

1 SAMUEL 1:6

I Hana sidutu raddal᷊eoanna naungnge wuṛṛu aal᷊uandahanni Penina, awingngi Elkana su liudde udde, ana waugu Mawu tawe nangonggollu ana'a si tou.

1 SAMUEL 1:20

Wawine udde piate illoṛṛo wuṛṛu nanungkangu sangkatou ana'a esakka. Ana udde nisaggo Samuel, wisarane, “Buatte ta'u niroronganna su Mawu.”

GALATIA 4:27

Ana waugu sulal᷊ummu Wuke Susi uawoṛṛetta, “Paal᷊al᷊uasse i'o wawine tinna, apan tawe saran paassa nangunsiwe! Lallala'e wuṛṛu paggiote i'o apan saran paassa tawe namendama taddu'a mangngunsiwe! Ana waugu wawine apan tinantangu awingnge sarun maasomba ana'a lembon anamboanne wuassu wawine apan mabbiakka ringannu awingnge.”

RUT 4:15

Mananambonu udde tumaniten marangngu si'o. I tou buatte nangonggola si'o nilumebbe wuassu apa apan wotongnge ionggolu siri pitu anangngu esakka. Orassa indi buatte nangonggolu pulunna esakka lai si'o, apan sarun mangonggolu atatohassa wakku si'o wuṛṛu mamadul᷊i si'o su tempo i'o timmadete.”

YESAYA 33:9

Wanua tinantangnga naola'a mal᷊annabba. Manga mahurangngu Libanon maṛṛissitta, wuṛṛu wawal᷊annu Saron apan masuwukka nabbal᷊i wadda'u anne. Su Basan wuṛṛu su Wowon Karmel manga rongnga mattontongnga.