1 SAMUEL 18:8 - WUKE SUSI WATTI'U AL᷊AL᷊USASSA

⁸ Naaringikka aantari udde i Saul mangke nasa'u. Ana waugu i tou naṛṛingidda, “I Daud buatte namate su pul᷊o ṛiwune, arawe ya'u tumba'u su ṛiwune. Tate mal᷊annu lai asinungka i tou olaanna ratun mangitou!”

1 SAMUEL 18:8 Referans Kwoze

1 SAMUEL 15:28

Ana see i Samuel nabbisarate si tou, “Su allo indi Mawu buatte nanggesa'a araratuannu Israel wuassi Tuangnga, wuṛṛu nionggola su taumata waine apan mappianne wuassi Tuangnga.

AMSAL 13:10

Atatanggakka tumba'u mandantan pabbawawul᷊o; taumata pande mappulu manengkamma al᷊aṛṛa'a.

YAKOBUS 4:5

Arie massunna manungku Wuke Susi tawe pinangiananne mabbisara, “Sulal᷊ummu wadangi ite Ruata nangaddon Ghaṛṛaho apan matohassa apulune.”

ESTER 3:5

Haman mangke nasa'u atonna napawe naasingkatta manungku Mordekhai maddiri umal᷊intudda su saruanni tou.

1 SAMUEL 20:31

I'o tawe maatutukka manungku su al᷊annunete i Daud mabbiakka, i'o tawe maola'a ratu su wanua indi? Orassa indi doloṛṛa'e taumata maddea'a si tou ana see apira'e inawarendi, ana waugu i tou ṛinone mate!”

AMSAL 27:4

Asasa'u udde maṛṛaggissa wuṛṛu maasongkakka, arawe sumaruanna lu'adda isai maataṛṛangnga?

MANNANASE 4:4

I ya'u masingkatta lai manungku taumata mammanara aroddi asahadde, tumba'u ana waugu naungnge lal᷊eo maasilo hessin manaran al᷊indonganne. Sarangkanambone udde atonna tawe gunane ere manara mangngenggenna anginna.

1 MARARATU 2:22

“Anio Inangnga maddorongnga olangnge udde si ya'u?” aiwal᷊on Salomo. “Udde nassul᷊ungngu maddorongnga tadea'u i ya'u mangonggollu araratuanna indi si tou. Wal᷊inewe i tou iaangku? See lai Imam Abyatar wuṛṛu Yoab uasamba'a si tou!”

1 SAMUEL 16:13

I Samuel lapiddu nanganu lanan zaitun wuṛṛu nanenegi Daud ringannu darohan pallal᷊ana su saruannu manga iaangnge. Su orassa udde lai i Daud niintaṛṛoannu Ghaṛṛahon Mawu. Nanattakka allo udde wuṛṛu su allo addantane Ghaṛṛahon Mawu sidutu uarundinganna si tou. Wua'udde i Samuel napul᷊ete watukku Rama.

1 SAMUEL 13:14

Arawe orassa indi aratuanni Tuangnga tawe mal᷊annu. Ana waugu i Tuangnga tawe naddaringikka parentan Mawu, ne Mawu buatte namile taumata waine apan ipa'apulu-Ne itenega maola'a ratun pabbawala-Ne.”

REENGANNA 22:34

Sasimbakki Bileam, “I ya'u narosate. I ya'u wagga manungku i Tuangnga uarisikka su tangngan dal᷊anna mangngampangnga si ya'u. Arawe orassa indi, amungkangngu tumuṛṛuttu addapatti Tuangnga dal᷊eo i ya'u manassukku amatanna indi, ya'u mapul᷊ete.”

REENGANNA 11:1

Su sambau allo walahanna udde manattakke sussal᷊iomanna su Mawu su ola'u asasusa mangitou. Naaringikka manga sasal᷊iomanna udde, Mawu nasa'u wuṛṛu nandantan putungnga si mangitou. Putungnga udde nilumewa su wallati mangitou wuṛṛu nanutungnga sambageanganna wuassu paddasananna.

1 SAMUEL 18:9

Nanattakka allo udde i tou maddantinten Daud.

1 SAMUEL 19:1

I Saul nabbisara si Yonatan anangnge esakka, wuṛṛu su anambon mammamanarane manungku i tou mamate si Daud. Arawe i Yonatan mangke marangngu si Daud,

PANDARIADDI 37:8

“I'o massunna manungku i'o sarun maola'a ratu wuṛṛu uataṛṛino si yami?” wisaran manga iaangnge. Ana see lembon massa'ute i mangitou si tou ana waugu manga wal᷊iawane wuṛṛu ana waugu sarangkanambone apan buatte niwatti'i tou.

PANDARIADDI 37:11

Manga iaangngi Yusuf piate naungnga lal᷊eo si tou, arawe iamangnge sidutu maṛṛingiddu wal᷊iawa udde.