1 SAMUEL 18:25 - WUKE SUSI WATTI'U AL᷊AL᷊USASSA

²⁵ ana see i Saul nandolokki mangitou niapawal᷊o si Daud, arendi, “Apan pappandumanni tuangnga maola'a wansan awingnga tumba'u 100 su waune pentakku pisi tawun taumatan Filistin, maola'a sambau wawal᷊issa su seetti tuangnga.” (Indi hol᷊agi Saul ipamate si Daud tadea'u isondo su taumatan Filistin.)

1 SAMUEL 18:25 Referans Kwoze

1 SAMUEL 18:17

I Saul manggol᷊aga tadea'u i Daud pateannu taumatan Filistin sulal᷊ummu pangalo ana see wal᷊ine i tou apan namate. Nariaddi su allo sambau i Saul nabbisara si Daud, “I Merab ana'u maṛṛuala pahul᷊une, ta'u iṛṛino si'o, sawal᷊iate i'o mamasilon awawaṛṛaninu sul᷊ummu pangalo ana waugu Mawu.”

1 SAMUEL 14:24

Su allo udde manga taumatan Israel nallomete ana waugu mal᷊unussa, ana waugu i Saul buatte nassalu arendi, “Niawontohante taumata apan niumanna manga anna su allo indi, tantal᷊anna ya'u taambe naawal᷊issa taddu'u naungku su saruannu seetta.” Ana waugu udde tawe saran sangkatou apan niumanna su allo massallo udde.

PANDARIADDI 34:12

Wal᷊oa'e lal᷊antakke apa apan ipaapulun kamiu, wuṛṛu tantuna'e wul᷊awannu awingnge. I ya'u sarun mangonggola al᷊awo'u apan doronganni yamiu, addonganne i yamiu mamala'u maawingngu maṛṛuala udde.”

1 SAMUEL 17:36

Allangngu buatte namate singa wuṛṛu beruangnga, wuṛṛu taumatan Filistin apekka udde lai sarun ta'u pateanna ere manga winatangnga udde, ana waugu i tou waṛṛani mangal᷊uandaga tantaran Duata apan biakka.

1 SAMUEL 17:26

Ana see i Daud nabbisara, “Waṛṛani atonna taumatan Filistin apekka udde mannal᷊u'atta tantaran Duata apan biakka!” Wua'udde ya'u naiwal᷊o su sangkatou tantara, “Apate apan sarun ionggolla su taumata apan naapate taumatan Filistin udde wuṛṛu namappassa aal᷊uandaga wuassu Israel?”

YOSUA 5:3

Ne i Yosua tinumuṛṛutte parenta Mawu, wuṛṛu nanunatte manga taumatan Israel su tampa apan isassago Wuidda Panunatanna.

PANDARIADDI 29:18

I Yakub naungnge nanawote si Rahel, ana waugu udde i tou sinumimbakka si Laban, “I ya'u maapulu mammanara al᷊annune pitu tonna amungkangngu i Papa mamala'u maawingngi Rahel.”

1 SAMUEL 18:24

Manga mammamanarane udde namasingkatta si Saul sasimbakki Daud udde,

2 SAMUEL 3:14

Wua'udde lai i Daud nandolokku daroloṛṛanna ringanni Isyboset, ringannu uaapiddu tanata, “ṛinone i Tuangnga mamelengngi Mikhal, awingku udde ringangku. I tou niawalliangkute ringannu maṛṛasutta pisi pentakku tawun taumatan Filistin.”

1 SAMUEL 19:1

I Saul nabbisara si Yonatan anangnge esakka, wuṛṛu su anambon mammamanarane manungku i tou mamate si Daud. Arawe i Yonatan mangke marangngu si Daud,