1 SAMUEL 17:44 - WUKE SUSI WATTI'U AL᷊AL᷊USASSA

⁴⁴ See lai i tou nanal᷊u'atta si Daud, wisarane, “Wette inawarendite! Wadangngu sarun ta'u ionggolla su manu'u winalanganna wuṛṛu winatangnga iapa'inassa.”

1 SAMUEL 17:44 Referans Kwoze

AMSAL 18:12

Taumata mawunga sarun manawo, taumata masaṛṛionto'a sarun addatanna.

YEHEZKIEL 28:2

“Ei taumata apan mattate, wal᷊oa'e si ratun Tirus, apa apan i Ya'u Mawu Apan Atanggaṛṛanne mabbal᷊o si tou, ‘Ringannu mawunga i'o mangngantimma i'o monganna apan ua'ianna su pattangngannu tahal᷊oangnga. Wotongnge lai i'o mamunga ere monganna, arawe paanaunge, i'o tumba'u taumata wiasa.

YEREMIA 9:23

Mawu nabbisara, “Taumata pande imbaṛṛangnga lumuassa ana waugu apapandene, taumata matohassa ana waugu atatohanne, wuṛṛu taumata ala ana waugu pa'aalane.

1 SAMUEL 17:46

Allo indi lai Mawu sarun manantillu si ya'u; i'o sarun ta'u iwaddo wuṛṛu puanu sarun ta'u ṛatanna. Waddangngu wuṛṛu manga tantaran Filistin sarun ta'u ionggolla su manu'u winalanganna wuṛṛu winatanganga iapa'inassa. Ne ahewallu runia sarun maasingkatta manungku yami walahannu Israel pia Duata apan sassubbanni yami,

SONDAPPA 19:17

Ana see i ya'u naasilo sangkatou mala'ekatta uarisikka su wowon matannallo. Ringannu tingikka ma'ikkata i tou inumui su anambon manu'u winalanganna, “Wette pa'ammule, tadea'u i ite inai su andeangnga wahewalla apan ilallaghun Ruata!

1 SAMUEL 14:12

Wua'udde i mangitou niumui si Yonatan wuṛṛu allangnge, “Awitte inawarendi tadea'u yami mamasilon manga apa si'o!” Ana see i Yonatan nabbisarate su umbasanna udde, “Tantalongke si ya'u, ana waugu i mangitou buatte tinantillu Mawu su Israel.”

2 SAMUEL 21:10

Ana see i Rizpa nia'in Saul, namilattu nasa karongnga su wowon batu su tampan manga winal᷊unanna udde uatal᷊owangnga. I Rizpa tawe nanantangngu tampa udde wuassu panattaṛṛannu tempo mangitingnga naddatingngu tempon manguranna su watiannu rongnga manontongnga. I tou tawe namalan winal᷊unanna udde inasannu manga manu'u winalanganna su allo allattune ara'e winatangnga mal᷊aṛṛaga sutempo ṛabbi.

YEREMIA 34:20

I Ya'u sarun manantilli yamiu su seetta apan mappulu mamate si yamiu. Winal᷊unannu sarun inasannu manu'u winalanganna wuṛṛu winatangnga mal᷊aṛṛaga.