1 SAMUEL 17:37 - WUKE SUSI WATTI'U AL᷊AL᷊USASSA

³⁷ Mawu buatte nanal᷊amatta allangngu wuassu singa wuṛṛu beruangnga, i Tou lai sarun manal᷊amatta allangngu wuassu taumatan Filistin udde.” Ana see i Saul nabbisara si Daud, “Ore aroddite, antimanna Mawu mantul᷊ungngu.”

1 SAMUEL 17:37 Referans Kwoze

DARALO 63:7

Sutempo ual᷊allowanga sutampa atatiil᷊anna, i ya'u uanaungnga Si'o; su al᷊o'engngu ṛabbi i ya'u maṛṛigiddu Mawu,

1 TAWARIKH 22:11

Ana see i Daud nabbisara apia, “Orassa indi, ana'u, antimanna Mawu Ruatanu sidutu mantul᷊ungngu. Wuṛṛu antimanna i'o wotongnge mapararisikku Wal᷊en Mawu ere lai buatte nipa'ire-Ne.

1 SAMUEL 20:13

Amungkangu i tou pia pandumma manilaka si'o, sarun ta'u iapasingkatta si'o lai tadea'u i'o wotongnge maapanal᷊amatta watangannu. Doronganna Mawu mamate si ya'u amungkangu olangnge udde tawe ta'u olaanna. Antimanna Mawu mantul᷊ungngu ere lai i Tou buatte nitul᷊ungngu lai!

1 SAMUEL 7:12

Wua'udde i Samuel napararisikku sambau watu, su passarannu Mizpa wuṛṛu Sen. I tou nabbisara, “Mawu buatte nantul᷊ungngi ite sarangakanambone.” – ana see watu udde nissagone “Watun Tatul᷊ungnga.”

DARALO 138:3

Sutempo i ya'u sussal᷊ande Si'o, I'o sinumimbakka, I'o nanohassa naungku na'oman sara i ya'u nabbal᷊i waṛṛani.

1 TAWARIKH 22:16

wul᷊awanna, sal᷊a'a, witu'a wuṛṛu atta'a. Ne paal᷊ihakke manattakka! Doronganna Mawu mantul᷊ungngu.”

2 SAMUEL 10:12

Paatammudda! Wette i ite mapapangalo ringannu waṛṛani hunan walahanni ite wuṛṛu manga soan Ruatan kite. Doronganna Mawu ma'ola'a sarangkanambone apan ipaapulu-Ne.”

DARALO 77:11

Ana see i ya'u nabbisara, “Ete indi apan maataddu'a naungku, manungku Apan Atanggaṛṛane tate uataṛino lai.”

1 SAMUEL 26:25

Ana see i Saul nabbisarate si Daud, “Mawu mangal᷊amatta si'o, Ana'u! I'o sarun maauntungnga wuṛṛu masomakka su al᷊awo'u manaranu!” Ana see i Daud nanassukku amatanne, wuṛṛu i Saul napul᷊ete watukku wal᷊ene.

1 SAMUEL 24:19

Al᷊al᷊eo'u su saruannu buatte niwal᷊isannu ringannu apapia. Su allo indi i'o buatte napal᷊iatta'a manungku i'o pia pandumma mapia si ya'u, ana waugu i'o tawe namate si ya'u, salaiwe ya'u buatte tinantillu Mawu si'o.

DARALO 11:1

Su piaṛa'u mangangantari. Daralon Daud. I ya'u uasirungnga su Mawu; tawe gunane mabbisara si ya'u, “Panal᷊amatte watangannu naal᷊ihidda manu'u winalanganna tuttala'a watukku wowone.

1 SAMUEL 17:36

Allangngu buatte namate singa wuṛṛu beruangnga, wuṛṛu taumatan Filistin apekka udde lai sarun ta'u pateanna ere manga winatangnga udde, ana waugu i tou waṛṛani mangal᷊uandaga tantaran Duata apan biakka.

1 SAMUEL 17:38

I Saul nangonggollu peddettu pangalone, eteudde samparassa laubba atta'a wuṛṛu niluṛṛeten Daud. Ana see niluṛṛeanni Saul araposa witu'a su puan Daud.

DANIEL 3:17

Amungkangngu Ruata apan sassubbanni yami wotongnge manal᷊amatta si yami wuassu pandu'a apan tantal᷊anna lukkenggamma udde wuṛṛu wuassu taṛṛinon Tuangku – ne i Tou sarun ma'ola'a udde.

YOSUA 1:17

Yami sarun matuṛṛutta si'o, ere lai yami sidutu tuttuṛṛuta si Musa. Antimanna Mawu Ruatanu maṛundingannu ere i Tou uaṛṛundinganna si Musa!

RUT 2:4

Tawe nal᷊annu wua'udde i Boas nirumanta wuassu Betlehem wuṛṛu nattabea singana'a mangangitingnga. “Antimanna Mawu uaṛundinganna si yamiu,” wisarane. Mangangitingnga sinumimbakka, “Antimanna Mawu mangal᷊amatta si Papa.”

DARALO 118:6

I ya'u tawe mata'utta ana waugu Mawu uarundinganna si ya'u, taumata tawe maal᷊ore su saruangku.