1 SAMUEL 17:36 - WUKE SUSI WATTI'U AL᷊AL᷊USASSA

³⁶ Allangngu buatte namate singa wuṛṛu beruangnga, wuṛṛu taumatan Filistin apekka udde lai sarun ta'u pateanna ere manga winatangnga udde, ana waugu i tou waṛṛani mangal᷊uandaga tantaran Duata apan biakka.

1 SAMUEL 17:36 Referans Kwoze

1 SAMUEL 17:10

Orassa indi lai, ya'u sumaruante tantaran Israel; pamilete sangkatou apan ipando'appa si ya'u!”

ZAKARIA 12:3

Arawe amungkangngu allo udde nia'omante, i Ya'u sarun ma'ola'a Yerusalem ere watu apan mawakkatta; al᷊awo'u walahanna apan maannamma mamengketta sarun maasomba silaka. Anambon balahanna su runia sarun maamulla mamangalo Yerusalem.

ZAKARIA 2:8

Isai apan mamangalo si yamiu, namangalo tatuno naungku.” Ne Mawu Apan Lembontaṛṛino nandalo'u mamasingkattu tanata indi su manga walahanna apan buatte nangaṛṛo uman-Ne,

YEHEZKIEL 32:19

Wal᷊oa'e si mangitou, ‘Su sunnanu ete i yamiu apan aṛṛamahanne? I yamiu sarun lumintikka su runian taumata nate, wuṛṛu iapal᷊allowanga suwallattu manga taumata apan tawe maaillal᷊a Ruata.’

YESAYA 36:18

Arie paddaringikka si Hizkia! I tou tumba'u mammahia si yamiu ringannu mabbisara manungku Mawu sarun manal᷊amatta si yamiu. Buattewe mongannu walahanna waine nanal᷊amatta wanuane wuassu taṛṛino'u?

YESAYA 36:15

Imbaṛṛangnga maddaringikka papal᷊ononne ipangantimma Mawu. Arie massunna manungku Mawu sarun manal᷊amatta si yamiu ara'e maningaddu tantaran Asyur mangaṛṛo soanu.

YESAYA 10:15

Arawe Mawu nabbisara, “Wotongngewe wal᷊iungnga maddalo watanganne wuassu taumata mapapaanne? Apa laṛṛahari maggunanne wuassu taumata apan mappaanne? Wal᷊inewe pal᷊o-pal᷊o mammengketta taumata, ewe'e ete taumata apan mammengketta pal᷊o-pal᷊o.”

1 SAMUEL 17:26

Ana see i Daud nabbisara, “Waṛṛani atonna taumatan Filistin apekka udde mannal᷊u'atta tantaran Duata apan biakka!” Wua'udde ya'u naiwal᷊o su sangkatou tantara, “Apate apan sarun ionggolla su taumata apan naapate taumatan Filistin udde wuṛṛu namappassa aal᷊uandaga wuassu Israel?”

1 SAMUEL 14:6

Ne i Yonatan nabbisarate su umbasanna udde, “Wette iaddua inaite watukku tampan pandariagannu taumatan Filistin taumata apekka udde. Asinungka Mawu mantul᷊ungngi addua. Ana waugu Mawu wotongnge mangonggollu auntunganna, mawae ete su taumata manambo ara'e lai su taumata matul᷊ungnga.”

1 SAMUEL 17:35

winatangnga mal᷊aṛṛaga udde enggenanna wuṛṛu puul᷊annu allangngu, ne ullekkane aggasannu allangngu, ana see puul᷊annu allangngu ma'oman sara mate.

1 SAMUEL 17:37

Mawu buatte nanal᷊amatta allangngu wuassu singa wuṛṛu beruangnga, i Tou lai sarun manal᷊amatta allangngu wuassu taumatan Filistin udde.” Ana see i Saul nabbisara si Daud, “Ore aroddite, antimanna Mawu mantul᷊ungngu.”

1 SAMUEL 18:17

I Saul manggol᷊aga tadea'u i Daud pateannu taumatan Filistin sulal᷊ummu pangalo ana see wal᷊ine i tou apan namate. Nariaddi su allo sambau i Saul nabbisara si Daud, “I Merab ana'u maṛṛuala pahul᷊une, ta'u iṛṛino si'o, sawal᷊iate i'o mamasilon awawaṛṛaninu sul᷊ummu pangalo ana waugu Mawu.”

1 SAMUEL 31:4

Ana see i Saul nabbisara su ana'a esakka apan uaagassa ahidde, “Sawutte hal᷊elenu wuṛṛu usua'e si ya'u, tadea'u ya'u tawe nalanganna wuṛṛu pateannu manga taumata apan tawe maaillal᷊a Mawu.” Arawe ana'a esakka udde maddiri mangusu'a, ana waugu i tou tumaniten maaddata. Ana waugu udde i Saul nanganu hal᷊elene sassane wua'udde tinumattere su hal᷊ele apan maṛṛoro udde.

YEHEZKIEL 28:10

I'o sarun mate ere lai taumata dal᷊ebone ana waugu nipaten taumata raho apan tawe maaillal᷊a Ruata. I Ya'u, Mawu Apan Atanggaṛṛanne buatte nabbisara.”

2 TAWARIKH 32:17

Ratun Asyur namoṛṛettu suratta lai apan lullawangnga Mawu, Ruata apan sassubbannu taumatan Israel. Arendi tingikku suratta udde, “Manga mongannu al᷊awo'u walahanna waine apan tawe maapallossu walahanne wuassu taṛṛino'u, aroddi lai monganni Hizkia udde tawe maapallossu walahanne wuassu taṛṛino'u.”

DANIEL 5:23

Tuangku mammungan batanganne su saruannu Mawu su surga wuṛṛu waṛṛani mandolokka mangapiddu manga mangko apan buatte niaṛṛo wuassu Wal᷊en Mawu. Ana see Tuangku wuṛṛu manga tembonanne, manga awingnga wuṛṛu manga nia'in Tuangku na'inumma wuassu manga mangko wul᷊awanna, sal᷊a'a, witu'a atta'a, alu wuṛṛu watu, manga monganna apan tawe maasilo ara'e maaringikka ara'e tawe maasunna. Tuangku tawe mangaddatta Ruata apan mannantunnu pabbiarṛṛanna wuṛṛu papaten tuangku manantunnu amatannu pabiaṛṛanni Tuangku.