1 SAMUEL 16:18 - WUKE SUSI WATTI'U AL᷊AL᷊USASSA

¹⁸ Naaringikka udde sangkatou allangnge nabbisara, “Isai, sangkatou taumatan Betlehem pia sangkatou ana'a esakka apan pande mannalangnga musikka. I tou waṛṛani wuṛṛu sangkatou taumata apan mapia. Wuṛṛu i tou lai matohassa see lai pande mabbisara, wuṛṛu Mawu sidutu mantul᷊ungngi tou.”

1 SAMUEL 16:18 Referans Kwoze

1 SAMUEL 3:19

I Samuel a'atambanna ahewalle. Mawu uarundinganna si tou wuṛṛu na'ola'a anambon wisaran Samuel udde atonna matipussa.

PANDARIADDI 39:23

Tembonannu tutupanna udde tate lai mallu'adda al᷊awo'a apan buatte nipangimanna si Yusuf, ana waugu Mawu mantul᷊ungngi si tou na'oman sara i tou mahessi su al᷊awo'u manarane.

PANDARIADDI 39:2

Mawu nantul᷊ungngi Yusuf na'oman sara i tou sidutu ma'auntunga sulal᷊ummu al᷊awo'u manarane. I tou uatana'a su wal᷊en mawune, taumatan Mesir udde.

1 SAMUEL 10:7

Napawe sarangkanambone udde matipusse, ola'e manara tumuṛṛuttu apendammu mapia, ana waugu Ruata uaṛundinganna si'o.

MATIUS 28:20

Aṛṛa'ete i mangitou tuttuṛṛutta anambon parenta apan suete niparenta-U si yamiu. Wuṛṛu paanaunge, i Ya'u sarun maṛṛundinganna si yamiu saran panginsueannu runia indi.”

MATIUS 1:23

“Sangkatou maṛṛuala sarun mangilloṛṛo wuṛṛu mangunsiwen sangkatou ana'a esakka. Ana'a udde sarun isaggo aranne Imanuel.” (Imanuel eteudde wisaran Ibrani atappasanne, “Ruata su sampunna ringanni ite”.)

2 SAMUEL 17:10

Ne manga taumata apan awaṛṛanianne wuṛṛu matohassa ere singa lai sarun mata'utta. Ana waugu anambon taumatan Israel masingkatta manungku iamangngi Tuangnga udde sangkatou waṛṛanin seetta, wuṛṛu manungku tantarane eteudde taṛṛa pangalo apan awaṛṛanianne.

2 SAMUEL 17:8

I Tuangnga asinungka masingkatta manungku i Daud wuṛṛu tantarane uddewe manga taumata apan matohassa wuṛṛu waṛṛani. I mangitou mal᷊aṛṛaga naal᷊ihidda beruanga wawine niawul᷊iannu anangnge. See lai i Daud sangkatou tantara apan piate asingkatta apan taambe saran paassa natiila ringannu tantarane.

2 SAMUEL 14:20

Arawe i tou na'ola'a aroddi ana see ipanginsue hatto udde ringannu mapia. I Tuangku pande naal᷊ihidda mala'ekattu Ruata na'oman sara naasingkatta sarangkanambone apan mariaddi.”

1 SAMUEL 16:17

Ana see i Saul nandolokki mangitou, “Paddea'e sangkatou apan pande mannalangnga musikka, wuṛṛu apira'e i tou inawarendi.”

1 SAMUEL 16:19

Ne i Saul nandolokku daroloṛṛanna inai ringanni Isai uaapiddu tanata indi, “Doloṛṛa'a anangngu i Daud, apan uariaga manga dombanu udde sumaruanna si ya'u.”

1 SAMUEL 17:12

I Daud eteudde ana'i Isai taumatan Efrata wuassu Betlehem su Yehuda. I Isai pia siri ual᷊u ana'a esakka, wuṛṛu sutempo i Saul uaparenta, i Isai tumaniten timmadde.

1 SAMUEL 16:12

Ana see i Isai nandolokken sangkatou niapawago ana'a udde. Wutte'e i tou sangkatou saṛṛen tumuwo apan matohassa wuṛṛu tawe sangkulle, wuṛṛu matane maṛṛansangnga. Ana see Mawu nabbisarate si Samuel, “Ete i tou indi; teneha'e i tou!”

AMSAL 12:8

Taumata raddaloanna ana waugu apapandene; taumata aal᷊uandahanna ana waugu awawoddone.