1 SAMUEL 15:32 - WUKE SUSI WATTI'U AL᷊AL᷊USASSA

³² Wua'udde i Samuel nandolokku tantarane, “Apira'a i Ratu Agag inawarendi.” I Agag nirumanta ringanni tou, ringannu napenen antimma ana waugu i tou maṛṛingidda, “Asasilaka pateanna si ya'u nal᷊iudde.”

1 SAMUEL 15:32 Referans Kwoze

SONDAPPA 18:7

Onggol᷊a'a si tou papaṛṛanga wuṛṛu asasusa apan anambone uasul᷊ungngu awawantuga wuṛṛu pa'a'ala apan nionggole su wadange sassane. Ana waugu i tou sidutu mabbisara su watanganne, ‘I ya'u indi ratu apan mammarenta: I ya'u wal᷊ine wawine wal᷊u; i ya'u sarun tawe mamendama asasusa!’

1 TESALONIKA 5:3

Amungkangu taumata mabbisara, “Sarangkanambone mal᷊annabba wuṛṛu matammudda,” ne ete su tempo udde inaṛṛombanganne i mangitou sarun aṛṛiaannu papate wuṛṛu tawe saran sangkatou apan wotongnge maatal᷊angnga. Olangnge udde sarun mariaddi sangkaṛṛondapa, ere taddu'u sangkatou wawine apan sarun mangunsiwe.

YEREMIA 48:44

Taumata apan tinumal᷊angngu watanganne wuassu pangalo sarun mawontolla sulal᷊ummu loṛṛangnga, wuṛṛu iapa naasabbangnga wuassu loṛṛangnga udde sarun umul᷊ussa su sedda. Sarangkanambone udde sarun mariaddi sutempo apan buatte Ta'u nitantunna ipanggohakku Moab.

1 SAMUEL 15:31

Ne i Samuel nabelengke suadio'a ringanni Saul watukku Gilgal, ne i Saul nattaṛṛamawute Mawu.

1 SAMUEL 15:33

Ana see i Samuel nabbisara, “Ere lai hal᷊elenu apan buatte na'ola'a manambo inangnga apan niawul᷊iannu anangnge, aroddi lai inangngu sarun awul᷊iannu anangnge.” Ana see i Samuel nanattadda si Agag su saruannu mezbah su Gilgal.

HOSEA 6:5

Ana waugu udde i Ya'u nandolokku manga nabi-U iapapasingkatta si yamiu laṛṛawe-U manungku i yamiu ṛinone iṛṛuumanna wuṛṛu pateanna. Apan ipaapulu-U wuassi yamiu nasemakke wuṛṛu natualage:

YOSUA 10:22

Wua'udde i Yosua nabbisara, “Orassa indi wu'ate mamoṛṛongannu loṛṛanga udde wuṛṛu apira'e inawarendi siri lima ratu udde.”

MAL᷊AṚṚUUNGNGA 8:11

I Gideon nirumurukka su passarannu wadda'u anne su samba'a ra'in Nobah wuṛṛu Yogbeha ana see namangalo seetta ringannu namaṛindu'a.