1 SAMUEL 15:29 - WUKE SUSI WATTI'U AL᷊AL᷊USASSA

²⁹ Apan Awantuhanne Ruatan Israel tawe mamahia, wuṛṛu tawe mawal᷊u naung-Nge, ana waugu i Tou wal᷊ine taumata.”

1 SAMUEL 15:29 Referans Kwoze

YEHEZKIEL 24:14

I Ya'u, Mawu Apan Atanggaṛṛanne buatte nabbisara. Nia'omante tempone si Ya'u mammanara. I Ya'u sarun tawe maabul᷊in paddarosanu wuṛṛu tawe lai mangampungnga ara'e umakkannu. I'o sarun iṛṛuumanna uasul᷊ungngu al᷊awo'u inolaannu. I Ya'u Mawu Apan Atanggaṛṛanne buatte nabbisara.”

REENGANNA 23:19

Ruata tawe ere taumata apan hampa sumassilla wuṛṛu apulune mangngawusu. Amungkangngu Ruata maddiandi i Tou sarun mangatonna! Napawe i Tou mabbisara, udde sarun matipussa!

TITUS 1:2

Al᷊aṛṛa'a udde pinangiananne wuassu antimma manungku i ite sarun manengkamma wiakka tutune wuṛṛu mal᷊annu-l᷊annu. Ruata suete na'iren wiakka udde ro'en panattaṛṛannu runia indi – wuṛṛu tawe mariaddi Ruata mangawusu.

IBRANI 6:18

Darua inolaanna udde apan tawe wotonge mawal᷊u: Ruata tawe mangawusu su ola'u pa'aire wuṛṛu sasalu-Ne. Ana waugu udde, i ite apan uasirungke ringannu Ruata, nionggol᷊annu sasasa apan matohassa ipangagassa antimma apan uawilatta su saruanni ite.

2 TIMOTIUS 2:13

Amungkangu i ite mal᷊awangnga I Tou sidutu matuṛṛutta ana waugu i Tou tawe maapanompolla watangan-Ne sassane.”

DARALO 95:11

Ne i Ya'u nassalu sulal᷊ummu asasa'u-U, i mangitou sarun tawe maasutta su wanua udde maddea'a maasomba pangillol᷊oanna suadio'a ringang-U.”

2 KORINTUS 12:9

Arawe Mawu sinumimbakka, “I Ya'u mandangngu si'o wuṛṛu ete indi wuannu; ana waugu taṛṛino-U ahewal᷊anne amungkangngu i'o sulal᷊ummu al᷊allome.” Ana waugu udde naungku mal᷊uassa mamarabungan al᷊allome'u, ana waugu amungkangngu i ya'u lome, ne su tempo udde i ya'u maapendama manungku Kristus uariagga si ya'u ringannu atatohan-Ne.

YOEL 3:16

Mawu u'ui wuassu Sion, wowonen Tou; wuasu Yerusalem nirumallu'a tingik-Ke. Langitta wuṛṛu runia niumio'a ana waugu i Tou. Arawe Mawu sidutu sarun mannamba'a wuṛṛu manirungnga Israel, uman-Ne.

YESAYA 45:24

Manga taumata sarun mabbisara, ‘Atatul᷊idda wuṛṛu atatohassa tumba'u wuassu Mawu!’ Anambon taumata apan maddanting-Ku sarun rumanta ringang-Ku wuṛṛu pansilianna.

DARALO 68:35

Panga'ute taṛinon Duata apan uaparenta su Israel, taṛino-Ne naddatingngu langitta.

DARALO 29:11

Antimanna Mawu mangonggolu atatohassa su walahan-Ne, wuṛṛu ma'ola'a si mangitou su lal᷊umanna'a.

FILIPI 4:13

Ringannu taṛṛino apan nionggoli Kristus si ya'u, i ya'u pia atatohassa sumaruanna al᷊awo'u asasusa sarangkanambone.

TAHIUL᷊E 33:27

Ruata sarangkal᷊o'engnge mabbal᷊i mallal᷊u'addi yamiu, ta'iakku Ruata saran mal᷊annu-l᷊annu ua'ehetta si yamiu. I Tou nallimbuakka seetta wuassu saruannu wuṛṛu i yamiu nirolokka niapapate si mangitou.

1 TAWARIKH 29:11

I'o lembon bahewalla, wuṛṛu uataṛṛino. I'o tinumelengnga wuṛṛu mawantuga. Al᷊awo'u saranapa su langitta wuṛṛu su runia uddewe tatahuanan-Nu. I'o ratu mawantuga, uataṛṛino al᷊awo'u lal᷊oṛṛone.

IBRANI 7:21

Arawe Mawu Yesus nitenega maola'a imam, nappaattu sasalu, su tempo Ruata nabbisara si Tou, “Mawu suete nassalu, wuṛṛu i Tou sarun tawe mamal᷊u ṛingidde, ‘Ete I'o imam saran mal᷊annu-l᷊annu.’ ”