1 SAMUEL 15:24 - WUKE SUSI WATTI'U AL᷊AL᷊USASSA

²⁴ Naaringikka udde i Saul nanga'u si Samuel, wisarane, “Atonna ya'u buatte na'ola'a rosa. I ya'u nilumawangke parentan Mawu wuṛṛu tawe naddaringikka tatantiron Papa. I ya'u matta'uttu tantara'u, ana see ya'u nangutungngu darorongngi mangitou.

1 SAMUEL 15:24 Referans Kwoze

2 SAMUEL 12:13

Ana see i Daud nabbisara si Natan, “I ya'u buatte na'ola;'a rosa su saruannu Mawu.” I Natan sinumimbakka, “Mawu buatte nangampungnga pasasal᷊an Tuangnga; nariaddi i Tuangnga tawe mate.

AMSAL 29:25

Matta'uttu addapattu taumata, pangillul᷊eanne asasusa. Pangimante Mawu, ne i'o sarun matammudda.

REENGANNA 22:34

Sasimbakki Bileam, “I ya'u narosate. I ya'u wagga manungku i Tuangnga uarisikka su tangngan dal᷊anna mangngampangnga si ya'u. Arawe orassa indi, amungkangngu tumuṛṛuttu addapatti Tuangnga dal᷊eo i ya'u manassukku amatanna indi, ya'u mapul᷊ete.”

SONDAPPA 21:8

Arawe taumata matal᷊o, taumata mandalal᷊eo, taumata mawunga, taṛṛa pate, taumata masandaga, taumata apan mappaattu wal᷊i'i mata, massubba paal᷊uanna, wuṛṛu taṛṛa wahia, sarun iramme sulal᷊ummu tahal᷊oangngu putungnga wuṛṛu belerangnga apan lukkenggama, eteudde papate aruane.”

GALATIA 1:10

Apa ringannu olangnge udde pendamanna ere i ya'u mangngantima a'uannu taumata? Atonna-tonna tawe! I ya'u tumba'u mangngantima panga'uanna wuassu Ruata. Apa i ya'u sidutu mattinsahadda mammol᷊engnga naungngu taumata tadea'u i ya'u maal᷊uassa taumata? Amungkangngu inolaangku sidutu aroddi, ya'u wal᷊inewe allangngi Kristus.

MATIUS 27:4

I tou nabbisara, i ya'u suete na'ola'a rosa nandal᷊eo taumata tawe sal᷊ane, na'oman sara i Tou niṛṛuumanna pateanna! Arawe i mangitou sinumimbakka, “Masingkattu apa i yami? Udde singkannu!”

SASABANGNGA 23:2

Imbaṛṛangnga matatuṛṛutannu awada'alla amungkangngu i mangitou ma'ola'a sal᷊a ara'e mammengkollu tita ringannu mattiala awusu.

YEREMIA 38:5

Ratu Zedekia sinumimbakka, “Mapia! Ola'e i tou ere su apulun kamiu, i ya'u tawe maawo'a si yamiu.”

AYUB 31:34

I ya'u tawe mata'uttu addapattu awadaalla, wuṛṛu aal᷊uandagu taumata, tawe pandumangku. Taambe saran paassa i ya'u natana'a su wal᷊en ara'e uatinnannangnga aroddi, ana waugu tumba'u matta'utta aal᷊uandahanna.

1 SAMUEL 15:30

I Saul sinumimbakka, “I ya'u narosate. Arawe tul᷊unga'a Papa, pabbelengke suadio'a ringangku tadea'u ya'u wotongnge mattaṛṛamawu su Mawu Ruata Iamangnga. Ringannu aroddi i Papa mangngaddatta si ya'u su saruannu manga piaṛṛa'u pabbawala'u wuṛṛu su saruannu anambon taumatan Israel.”

1 SAMUEL 15:15

I Saul sinumimbakka, “Manga winatangnga udde niaṛṛo wuassu taumatan Amalek. Domba wuṛṛu sapi apan apianne buatte nianun tumana'u soa ionggolla maola'a sambau sasamba su Mawu Ruatanu. Arawe lambene buatte nipaten kami.”

1 SAMUEL 2:29

Nariaddi, anio i'o ta'e wal᷊iu maasilo manga sasamba apan buatte Ta'u niparenta, nionggollu pabbawala-U si Ya'u? Anio i'o Eli, lembon mangngaddatta al᷊aṛṛanangngu wuassu mangaddatta si Ya'u, wuṛṛu namalan mangitou malliu ṛoron batanganne ringannu wageangnge apan apianne wuassu anambon aonggollu pabbawala-U si Ya'u?

SASABANGNGA 10:16

Ratu ringannu mal᷊ihakka namaggo si Musa wuṛṛu si Harun ana see nabbisara, “I ya'u narosate su lantakku hatin Duatanu wuṛṛu su saruanni yamiu.

SASABANGNGA 9:27

Ana see ratu namago si Musa wuṛṛu si Harun, wuṛṛu nabbisara, “I Ya'u narosate. Ete Mawu apan naṛṛino, i ya'u wuṛṛu tumana'u araratuangku buatte na'ola'a pasasal᷊a.

PANDARIADDI 3:17

Ana see Ruata nabbisara su esakka udde, “I'o uararingikka manga wisaran awingngu ana see niumanna wua apan Ta'u nisingadda annanannu. Ana waugu pallal᷊agunu udde, niawontohante leta'a. I'o sarun mammanara masahadda su al᷊o'engngu pabbiaṛṛannu tadea'u leta'a indi wotongnge mangonggollu anna apan uatimu si'o.

PANDARIADDI 3:12

Esaka udde sinumimbakka, “Wawine apan nionggollu iaparinganna si ya'u, buatte nangonggollu wua'udde si ya'u ana see ta'u nianna.”

1 SAMUEL 26:21

Ana see i Saul sinumimbakka, “I ya'u buatte na'ola'a pasasal᷊a. Pabbelengke Daud, Ana'u! I ya'u tate ma'ola'a al᷊al᷊eo apia si'o ana waugu i'o buatte namala'u wiakka masaṛṛabbi. Pallal᷊agu'u tumaniten longonna. I ya'u atonna-tonna nial᷊iwunete!”

DARALO 51:4

Ukkasawe al᷊awo'u al᷊al᷊eo; waresiwe i ya'u wuassu rosa'u.