1 SAMUEL 15:23 - WUKE SUSI WATTI'U AL᷊AL᷊USASSA

²³ Ana waugu lullawangnga Mawu al᷊al᷊eone nassul᷊ungngu ere taṛṛa wal᷊i'immata, wuṛṛu naungnga mawunga al᷊al᷊eone ere massubba monganna. Ana waugu i Tuangnga buatte nilumawangnga parentan Mawu, ne Mawu lai tate manga'u si Tuangnga sangkatou ratu.”

1 SAMUEL 15:23 Referans Kwoze

YEREMIA 28:16

Ana waugu udde Mawu sassane nabbisara manungku i'o sarun iapawul᷊i wuassu runia. Tonna indi lai i'o sarun nate, ana waugu i'o buatte nandolokku walahanna indi lumawangnga Mawu.”

1 SAMUEL 13:14

Arawe orassa indi aratuanni Tuangnga tawe mal᷊annu. Ana waugu i Tuangnga tawe naddaringikka parentan Mawu, ne Mawu buatte namile taumata waine apan ipa'apulu-Ne itenega maola'a ratun pabbawala-Ne.”

IMAMATTA 20:6

Taumata apan inai maddorongnga tatantiro su tonaassa apan pia paaukka ringannu ṛimuuddu taumata nate sarun Ta'u iṛṛuumanna wuṛṛu tate lai mareengnga al᷊aṛṛana-U.

GALATIA 5:20

sulal᷊ummu pasasubba monganna, wuṛṛu wakin mata; sulal᷊ummu pasaseetta, uawawul᷊o, mallu'adda awingnge, mal᷊ihakka masa'u, wuṛṛu tumba'u maṛṛingiddu watanganne sassane; patatal᷊ei wuṛṛu uasasamba'a,

YEREMIA 29:32

wuṛṛu ana waugu i tou buatte nandolokki yamiu lumawangnga si Ya'u, ne i Ya'u sarun makkuumanni tou wuṛṛu papapulunne. Tawe saran sangkatou wuassu wallatti mangitou apan sarun matana'a suwallatti yamiu tadea'u ma'ellega manga inolaanna mangkapia apan sarun Ta'u olaanna su anambon uma-U. I Ya'u, Mawu, buatte nabbisara.”

2 KORINTUS 6:16

Apa sul᷊ungnge Wal᷊e Mawu wuṛṛu wal᷊em paal᷊uanna? I ite indi Wal᷊en Mawu, eteudde Ruata apan wiakka. Ruata sassane nabbisara, “I Ya'u sarun matana'a su pattangnganni mangitou, wuṛṛu mabbiakka suadio'a ringanni mangitou. I Ya'u sarun maola'a Ruata mangitou wuṛṛu i mangitou sarun maola'a al᷊aṛṛana-U.

DARALO 107:11

ana waugu i mangitou buatte nilumawanga Ruata wuṛṛu tawe maddaringikka parentan Apan Atanggaṛṛanne.

1 TAWARIKH 28:9

Ana see si Salomo, i Daud nabbisara, “Ana'u, ṛinone Ruata apan sassubbannu iamangngu, a'uannu lai maola'a Ruatanu. I'o ṛinone mangngimanna si Tou ringannu mal᷊uassa wuṛṛu awawiran naungnga. Ana waugu i Tou masingkatta anambon ṛingiranna wuṛṛu apulun naungngi ite. Amungkangu i'o maddea'a si Tou, i Tou sarun asombangannu, arawe amungkangu i'o manantangngi Tou, i Tou saran manantangngu saran mal᷊annu-l᷊annu.

SASABANGNGA 22:18

Suapan bawine apan ma'ola'a wal᷊i'immata ṛinone pateanna

PANDARIADDI 31:34

Tantal᷊ana udde i Rahel buatte nanganu paal᷊uanna udde wuṛṛu nitaṛṛo sulal᷊ummu pato'a aiananna su liuddu unta, wuṛṛu i tou sassane ua'ianna su aiananna udde. I Laban namarikissa ahewallu rasanni Rahel, arawe tawe naasomba paal᷊uanna udde.

PANDARIADDI 31:19

Tempo udde i Laban su wadda'a tantal᷊anna mammol᷊o wambul᷊un manga dombane, wuṛṛu ete su tempo udde i Rahel nanna'o paal᷊uanna mallal᷊u'adda amonanna darotongngu iamangnge.

AYUB 34:37

Pasasal᷊ane lai tambannu sambau rosa; wuṛṛu mangngaddio'a Ruata su saruanni ite.

TAHIUL᷊E 9:7

Paanaungete ereapa i yamiu na'ola'a Mawu Ruata nasa'u su wadda'a. Ro'en i yamiu nanantangngu Mesir na'oman sara i yamiu na'omate isindi, yamiu mannal᷊are Mawu.

IMAMATTA 20:27

Suapan taumata esakka ara'e wawine apan ma'ola'a pa'a'aukka ringannu manga ghaṛṛahon taumata nate ṛinone tuntungannu watu ma'oman sara mate. Taumata udde nate ana waugu sal᷊ane sassane.”

SONDAPPA 22:15

Arawe manga taumata apan ma'ola'a pallal᷊agu lal᷊eo, taṛṛa wal᷊i'i mata, manga taumata sussandaga, taṛṛa pate, masasubba paal᷊uanna, wuṛṛu manga taumata taṛṛa wahia, mapia ringannu wisara ara'e lai ringannu pallal᷊agu, anambon taumata udde tampane su liuddu soa udde.

YESAYA 19:3

I Ya'u sarun mamal᷊aatta manga hol᷊agu taumatan Mesir wuṛṛu mamaddi ikkatti mangitou. I mangitou sarun maiontolla su manga paal᷊uanna, maddorongnga tataggu wuṛṛu tatantiro su manga tonaassa wuṛṛu manga ghaṛṛaho.

YESAYA 8:19

Arawe manga taumata apan mandolokki yamiu madorongnga tatantiro wuassu manga taṛṛa pasangkadda apan uasasal᷊imburunga wuṛṛu wiwikke u'alore. Taumata udde sarun mabbisara, “Wal᷊inewe i ite ṛinone maddorongnga tatantiro wuassu manga ṛimuuddu taumata nate tadea'u hunan taumata wiakka?”

1 SAMUEL 16:1

Manga pira tempo wua'udde Mawu nabbisara si Samuel, “Ta'e sangkura lai al᷊annune i'o massusa ana waugu i Saul? Wal᷊inewe i tou tate nia'u naola'a sangkatou ratun Israel? Orassa indi, panganute lanan zaitun wuṛṛu roote watukku Betlehem, ringannu sangkatou aranne i Isai, ana waugu suwallattu sangkatou anangnge buatte Ta'u nipile maola'a ratu.”

TAHIUL᷊E 9:24

Ro'en i ya'u masingkatti yamiu, i yamiu sidutu lullawangnga Mawu.

REENGANNA 14:9

Imbaṛṛangnga lumawangnga Mawu, wuṛṛu imbaṛṛangnga mata'uttu manga taumata apan uatana'a su wanua udde, ana waugu ringannu mal᷊uassa i ite mamaddon mangitou. Apan ual᷊u'adda si mangitou nanantangken mangitou, wuṛṛu Mawu uarundinganna si ite. Nariaddi, imbaṛṛangnga mata'utta.”

SONDAPPA 21:8

Arawe taumata matal᷊o, taumata mandalal᷊eo, taumata mawunga, taṛṛa pate, taumata masandaga, taumata apan mappaattu wal᷊i'i mata, massubba paal᷊uanna, wuṛṛu taṛṛa wahia, sarun iramme sulal᷊ummu tahal᷊oangngu putungnga wuṛṛu belerangnga apan lukkenggama, eteudde papate aruane.”

1 SAMUEL 2:30

I Ya'u, Mawu Ruatan Israel, dorone buatte naddiandi, amonannu wuṛṛu ṛuangannu sarun mangimbe si Ya'u maola'a imam sarangkal᷊o'enge. Arawe orassa indi Ya'u maddiriten olangnge udde lai! Ana waugu apan mangngaddatta si Ya'u, sarun Ta'u addatanna arawe isai mallobbossa si Ya'u, sarun Ta'u lobbosanna lai.

WATTI'U MANGA RASUL 13:22

Napawe Ruata nanossokki tou wuassu aiananne, Ruata nanenegi Daud maola'a ratu mangitou. Wuṛṛu ete indi apan iwabal᷊on Ruata su ola'i Daud, ‘I ya'u suete naasomba si Daud ana'i Isai udde sangkatou apan ma'al᷊uassa naung-Ku. Tumba'u i tou taumata apan mangngamattu apulu-U.’

1 SAMUEL 28:3

I Samuel natete wuṛṛu i tou niluaiannu anambon taumatan Israel see nilabbinga su Rama, soane sassane. Manga pira tempo nal᷊iu i Saul buatte nallimbuakka manga taṛṛa si'atta wuṛṛu mangangundamma mammago ṛimuudda.

2 SAMUEL 7:15

Arawe i Ya'u sidutu ma'ola'a apapia si tou uasul᷊ungngu pa'aire-U. Pa'aire-U si tou sidutu Ta'u aagasanna, wal᷊ine ere buatte Ta'u niola'a si Saul apan Ta'u niiru wuassu aiananne tadea'u i'o wotongnge maola'a ratu.

2 SAMUEL 12:9

Anio tawe maddaringikka manga parenta-U? Anio i'o na'ola'a al᷊al᷊eo? I Uria nirolokku niapapate sulal᷊ummu pangalo; i tou niwalanu nipaten taumatan Amon, wuṛṛu i'o nanganu awingnge!

1 TAWARIKH 10:13

I Saul nate ana waugu i tou tawe naddaringikka Mawu, wuṛṛu tawe tumuṛṛutta manga parenta-Ne. I tou tawe maddorongnga tatantiro wuassu Mawu ewe'e wuassu manga ghaṛṛahon taumata nate. Ana waugu udde Mawu nakkuumanni tou wuṛṛu nanantillu araratuane si Daud ana'i Isai.

YEREMIA 16:12

Arawe i yamiu ma'ola'a lembon al᷊al᷊eone lai. Puang kamiu maattikka wuṛṛu tumba'u tuttuṛṛutta apulunu sassane apan dal᷊eo. I yamiu tawe tumuṛṛutta si Ya'u.

HOSEA 3:4

Etearoddi olangnge ringannu walahannu Israel; mal᷊annu atonna i mangitou mbbiakka ringannu tawe ratu ara'e piaṛṛa'a, tawe sasamba ara'e manga pale sassubbanna, tawe manga monganna ara'e manga laṛṛopa apan mamasingkattu addapingngu allo addantane.

YOSUA 22:15

Ne i mangitou na'omate su tampan ṛuanganni Ruben, i Gad wuṛṛu ṛuanganni Manasye su wageangngu Gilead.

HOSEA 13:11

Ringannu nasa'u i Ya'u nangonggollu ratu si yamiu, wuṛṛu ringannu maṛṛagissa i Ya'u nangul᷊e si mangitou apia.”