1 SAMUEL 14:21 - WUKE SUSI WATTI'U AL᷊AL᷊USASSA

²¹ Manga taumatan Ibrani apan uatana'a su wageangngu leta'u taumatan Filistin, wuṛṛu ingana'a apan buatte tinumantalongnga tantaran mangitou, nabbal᷊i'a naammulli Saul wuṛṛu Yonatan.

1 SAMUEL 14:21 Referans Kwoze

1 SAMUEL 29:4

Arawe tembonannu tantaran Filistin nasa'u si Akhis wuṛṛu nabbisara si tou, “Taumata udde doloṛṛa'a paapul᷊ea'a su soa apan buatte nionggollu si tou. I tou tawe wotongnge mapapangalo suadio'a ringanni ite; aṛṛengenne i tou mabbaha si ite sulal᷊ummu pangalo. Wal᷊inewe indi tempo apan apianne si tou manganu naungngu ratune ringannu mamate tantaran kite?

MAL᷊AṚṚUUNGNGA 7:23

Ne ruanganni Naftali, i Asyer, wuṛṛu ruanganni Manasye mawae su samba'an ra'i aroddi lai su samba'an waṛattu Sal᷊ukku Yordan niwagoanna lai. Ana see i mangitou nangenggente tantaran Midian.

1 SAMUEL 4:9

Paawaṛṛanite naungngu, ei taumatan Filistin! Pappapangalote manungku indi lai esakka, amungkangu tawe, i yamiu sarun maola'a allangngu manga taumatan Ibrani udde, ere lai i mangitou dorone naola'a allangngi yamiu. Ana waugu pappapangalote ringannu paatohassa wuṛṛu paawaṛṛani!”