1 SAMUEL 12:3 - WUKE SUSI WATTI'U AL᷊AL᷊USASSA

³ Orassa indi, ya'u uarisikka su saruanni yamiu! Amungkangu ya'u buatte na'ola'a al᷊al᷊eo, ansilete ya'u su saruannu Mawu wuṛṛu su saruannu ratu apan nipile-Ne. Apa ya'u buatte nanna'o sapi ara'e keledain taumata waine? Apa ya'u buatte nallinga ara'e mannansara ara'e mannengkamma roitta aonggolla? Wal᷊oa'e, tadea'u sarangkanambone apan ta'u nianu wotongnge iapawelengku.”

1 SAMUEL 12:3 Referans Kwoze

WATTI'U MANGA RASUL 20:33

Taambe saran paassa i ya'u ninumemman roitta ara'e laubbu taumata waine.

REENGANNA 16:15

I Musa mangke nasa'u wuṛṛu nabbisara su Mawu, “Mawu arie manengkamma aonggoli mangitou. Tawe saran paassa i ya'u namaddon sangkatou suwallati mangitou; ewe'e keledai sambau lai ya'u tawe nanganu wuassi mangitou.”

1 PETRUS 5:2

tadea'u yamiu mallu'adda ammul᷊annu domba apan tinantillu Ruata si yamiu. Lu'arete i mangitou ringannu al᷊al᷊uassu naungnga su ereapa ipaapulun Ruata, wuṛṛu arie ringannu ipabbawata'a. Arie lai ma'ola'a manaranu ana see maasomba auntunganna, ewe'e ana waugu i yamiu atonna-tonna maapulu mangimbe.

1 SAMUEL 24:6

Arawe wua'udde, i Daud naapendamma nassal᷊a ana waugu i tou buatte na'ola'a inolanna udde.

TAHIUL᷊E 16:19

Sulal᷊ummu makkawessu hatto, i mangitou tawe wotongnge walate apulu mapaasal᷊a ara'e mangempen samba'a. I mangitou lai tawe wotongnge manengkamma roitta, ana waugu roitta udde maawuta taumata, ewe'e lai su taumata pande wuṛṛu matul᷊idda, na'oman sara i mangitou makkawessu hatto tawe su atatul᷊idda.

1 TESALONIKA 2:10

I yami mabbiakka ringannu na'ukkassa, su ṛinone wuṛṛu tawe angngone su saruanni yamiu apan mangngimante si Kristus. Ete i yamiu udde naola'a tialan kami; aroddi lai Ruata.

1 SAMUEL 12:5

Ana see i Samuel nabbisarate, “Su allo indi Mawu wuṛṛu ratu apan nipile-Ne maola'a tatiala manungku ya'u tawe sal᷊a'u sarangkadio'a.” “Ore, atonna, Mawu maola'a matatialang kite,” sasimbakki mangitou.

1 SAMUEL 10:1

Wua'udde i Samuel nanganu awo'a apan lal᷊oṛṛoannu lanan zaitun, ana see lana udde nilal᷊inni Samuel su puan Saul, ana see i tou nangari'a si Saul lapiddu nabbisara, “Mawu buatte nanenegu maola'a ratun Israel walahan-Ne udde. I'o sarun mamarenta al᷊aṛṛanang-Nge wuṛṛu mangesakki mangitou wuassu manga seetti mangitou. Indi tatialane si'o manungku Mawu buatte namile si'o maola'a ratun al᷊aṛṛanang-Nge;

SASABANGNGA 23:8

Imbaṛṛangnga manengkamma roitta aonggolla, ana waugu roitta aonggolla udde ma'awuta su ola'u inolaanna mapia wuṛṛu ma'arugi manga taumata apan tawe sal᷊ane.

1 TESALONIKA 2:5

I yamiu sassane masingkata manungku tawe saran paassa i yami nassal᷊o'a ara'e nangawusu si yamiu ipamunin pandumma apan lal᷊eo udde. Ruata mattatialane!

SASABANGNGA 20:17

Imbaṛṛangnga numemma darotongngu taumata waine, wal᷊ene, awingnge, manga allangnge, winatangnge, keledaine, ara'e sarangkanambone apan tatahuananne.”

LUKAS 19:8

Wua'udde su wal᷊ene i Zakheus nirumarisikka wuṛṛu nabbisara Mawu Yesus, “Mawu, sangkawageanganna wuassu rarotongku sarun ionggolla su taumata asiangnga; wuṛṛu su alawo'u taumata apan suete niawusuangku, sarun waeṛṛanna apia si tou paappatta wuassu paarorone!”

MATIUS 22:21

“Kaisar,” sasimbakki mangitou. Ne Mawu Yesus nabbisara si mangitou, “Amungkangngu aroddi, onggol᷊a'e si Kaisar apa apan tatahuananni Kaisar wuṛṛu onggol᷊a'e su Ruata apa apan tatahuannu Ruata.”

IMAMATTA 6:4

Taumata apan nassal᷊a udde ṛinone mamaekka apia sarangkanambone apan niasombanganne ringannu tawe su ṛinone. Su tempu i tou niasangkal᷊anna nassal᷊a, i tou ṛinone mamaekka sarangakanambone su tatahuanne, tambannu lai darua pul᷊o persenna.

2 KORINTUS 12:14

Orassa indi paatallute i ya'u nasaddiate inai mattembo si yamiu. Wuṛṛu i ya'u maddiri mapaasusan kamiu, ana waugu apulu'u wal᷊inewe apa apan tatahuananni yamiu, ewe'e ririnu. Ana waugu wal᷊ine al᷊aṛṛana'a apan maddea'a wiakka iapaanna su hagurangnge, ewe'e ete hagurangnga udde mappadul᷊i al᷊aṛṛanangnge.

1 SAMUEL 2:35

Wua'udde i Ya'u sarun mamile imam apan matuṛṛutta si Ya'u wuṛṛu maddaringikka manga parenta-U si tou. Si tou sarun Ta'u ionggolla papapulunna apan sidutu mammanara imam su saruannu manga ratu apan Ta'u nipile.

1 SAMUEL 12:4

Manga taumata udde sinumimbakka, “Tawe, taambe saran paassa i Papa nanganu saranapan taumata.”

AMSAL 15:27

Isai apan maddea'a auntunganna tawe su lal᷊anne, mappasusa, putunganne sassane. Isai maddantinnu roitta aonggolla asogokka, sarun mabbiakka su lal᷊umanna'a.

1 SAMUEL 24:7

I tou nabbisara tantarane, “Antimanna Mawu mallu'adda tadea'u ya'u imbaṛṛangnga ma'ola'a al᷊al᷊eo su saruannu ratu'u apan nipilen Mawu!”

1 SAMUEL 24:11

Orassa indi i Tuangnga naapendamma sassane manungku sulal᷊ummu loṛṛangnga tanginna, Mawu buatte nanantilli Tuangnga su allangngu. Allangngu buatte nisal᷊o'u sangkatou tadea'u iapapate si Tuangnga, arawe allangngu maddiri. Allangngu sinumimbakka manungku allangngu maddiri mallessa naungngu ratu apan nipilen Mawu.

1 SAMUEL 26:9

Arawe i Daud nabbisara, “Arie pa'indinge i tou! Mawu sarun makkuumannu taumata apan inolaanne lal᷊eo su ratu apan nipile-Ne.

1 SAMUEL 26:11

Doronganna Mawu mamo'a si ya'u tadea'u tawe mamate ratu apan nipile-Ne! Anute sambeangnge wuṛṛu tampan ua'ene, ana see i ite inaite!”

2 SAMUEL 22:22

I ya'u tuttuṛṛutta parentan Mawu, wuṛṛu tawe tumal᷊iudda Ruata'u.

NEHEMIA 5:11

Ṛinone i yamiu lai mamappassa manga awallassu tumana'a si yamiu udde, mawae roitta ara'e gandumma, ara'e anggore ara'e lai lanan zaitun. Pawelenga'e ringannu mal᷊ihakka wawail᷊anna, waillu anggore, waillu zaitun wuṛṛu wal᷊en mangitou!”

DARALO 15:5

wuṛṛu napawallasu roitta ringannu tawe bungane; apan maddiri manengkamma roitta sasal᷊o'a tadea'u ipamaddon taumata apan tawe sal᷊ane. Taumata apan inolaanne aroddi, sidutu sarun mal᷊angnganna.