1 SAMUEL 12:2 - WUKE SUSI WATTI'U AL᷊AL᷊USASSA

² Manattakka orassa indi ete i tou apan mamiaṛṛa'i yamiu. Pa'ellege, ya'u indi timmadete wuṛṛu piate owanna. I ya'u mal᷊annute uapiaṛṛa'i yamiu – ro'en ya'u ta'e dario'a naddatingngu orassa indi. Tatialane manungku manga ana'u udde mangkatinggakke.

1 SAMUEL 12:2 Referans Kwoze

1 SAMUEL 8:5

wuṛṛu nabbisara si tou, “Daringiṛṛewe Papa, i Papa timmadete wuṛṛu manga ana'i Papa tawe nangaṛṛussa pallal᷊aghu Papa. Nariaddi mappianne i Papa manenegu sangkatou ratu tadea'u yami pia ratu ere lai manga walahanna waine.”

1 SAMUEL 8:20

Yami maapulu ere lai manga walahanna waine, ratun kami ṛinone mamarenta si yami wuṛṛu mamiaṛṛa'i yami sulal᷊ummu pangalo.”

1 SAMUEL 8:1

Napawe i Samuel timmadete, i tou nanenegu manga anangnge naola'a mallaṛṛuungnga su Israel.

1 SAMUEL 8:3

Arawe itarua tawe nangaṛṛussa pallal᷊aghu iamangngi tarua, arawe tumba'u maddea'a auntunganna sassane. Itarua mannengkamma roitta aonggola wuṛṛu mammarikissa tumanangnge ringannu tawe su atatul᷊idda.

REENGANNA 27:17

sangkatou apan botongnge maola'a atumannaṛṛane su tempo i mangitou mapapangalo. Arie pabbala'a al᷊aṛṛanang-Ngu indi naal᷊ihidda ammul᷊annu domba apan tawe mallal᷊u'adde.”

2 PETRUS 1:14

Ana waugu i ya'u masingkatta manungku tate mal᷊annu lai ya'u sarun manantangngu runia indi, ana waugu Mawun kite Yesus Kristus suete namasingkatta si ya'u ringannu masemakka.

2 TIMOTIUS 4:6

Su ola'u riri'u, nia'omante tempone i ya'u sarun mate maola'a sambau sasamba su Ruata. Tate mal᷊annu lai ya'u sarun manantangngu runia indi.

DARALO 71:18

Oh Ruata, i ya'u ariewe pattantanga'a, ma'oman sara i ya'u matimmade wuṛṛu owananna, tadea'u i ya'u mapabbatti'u taṛino wuṛṛu atatohan-Nu su anambon papapulunna apan addantane.

1 SAMUEL 3:16

arawe i Eli namago si tou, wisarane, “I Samuel, Samuel, ana'u.” I Samuel sinumimbakka, “I ya'u, Papa.”

1 SAMUEL 3:13

I Ya'u buatte namasingkatta si tou manungku amonanne sarun Ta'u iṛṛuumanna saran mal᷊annu-l᷊annu ana waugu al᷊aṛṛanangnge buatte nallobbossa si Ya'u. I Eli masingkattu manga rosan mangitou udde, arawe i mangitou tawe niwol᷊oanni Eli.

1 SAMUEL 2:29

Nariaddi, anio i'o ta'e wal᷊iu maasilo manga sasamba apan buatte Ta'u niparenta, nionggollu pabbawala-U si Ya'u? Anio i'o Eli, lembon mangngaddatta al᷊aṛṛanangngu wuassu mangaddatta si Ya'u, wuṛṛu namalan mangitou malliu ṛoron batanganne ringannu wageangnge apan apianne wuassu anambon aonggollu pabbawala-U si Ya'u?

1 SAMUEL 2:22

I Eli timmadete atonna. I tou sidutu ma aringikka aalae su ola'u pallal᷊aghu al᷊aṛṛanangnge su saruannu taumatan Israel. I Eli lai masingkatta manungku al᷊aṛṛanangnge udde mattiilla ringannu manga wawine apan mammanara su ngaran Dasanna Darantan Mawu.

1 SAMUEL 3:10

Wua'udde Mawu nirumantate, wuṛṛu dirumarisikka sutampa udde lapiddu namago apia, “Samuel, Samuel!” Ne i Samuel sinumimbakka, “Pabbisarate, Mawu, allang-Ngu uararingikka.”

YOSUA 23:1

Allannune napawe Mawu nangonggolu atatammudda su ṛuangannu Israel; i mangitou tate lai mata'uttu wawansagu seetta. Su tempo udde i Yosua timmadete atonna.

YOSUA 23:2

Ne i tou namago ṛuangannu Israel sarangkanambone, wuṛṛu lai manga piaṛṛange, manga mallaṛuungnga, wuṛṛu manga tembonannu tantara, ana see nabbisara, “Orassa indi ya'u timmadete.