1 SAMUEL 12:12 - WUKE SUSI WATTI'U AL᷊AL᷊USASSA

¹² Arawe sutempo i yamiu naasingkatta manungku i yamiu pangaloanten Nahas ratun Amon, i yamiu nanol᷊a'u Mawu ratunu udde wuṛṛu nabbisara si ya'u, ‘Yami maapulu parentannu sangkatou ratu.’ ”

1 SAMUEL 12:12 Referans Kwoze

MAL᷊AṚṚUUNGNGA 8:23

Sasimbakki Gideon, “Tawe. I ya'u maddiri maola'a piaṛangu, ana'u lai tawe wotongnge. Tumba'u Mawu piaṛangu.”

1 SAMUEL 10:19

I Ya'u buatte namallossi yamiu wuassu anambon asansara wuṛṛu asasusa, arawe orassa indi Ya'u, Ruatanu nitol᷊a'i yamiu, ana waugu i yamiu maddorongnga tadea'u i Ya'u mangonggollu sangkatou ratu si yamiu. Ne aroddite, paammulle su saruang-Ku, Mawunu, tumuṛṛuttu walahanna wuṛṛu ṛuangannu.’ ”

HOSEA 13:10

I yamiu maddorongnga ratu wuṛṛu piaṛṛa'a, arawe suapate i mangitou sarangkanambone orassa indi? Wotongngewe i mangitou manal᷊amatta tumanangngu?

YESAYA 33:22

Al᷊awo'u saranapa su apalli mangitou tawe gunane; manga senggone tawe iaruitta! Anambon paa'alan tantaran seetta sarun aṛṛoanni ite, wuṛṛu saranapane tumanite manambo, na'oman sara taumata lome lai naasomba wageangnge. Mawu sassane sarun maola'a ratun kite; i Tou sarun mamarenta, maparisikku tita wuṛṛu manal᷊amatta si ite wuassu seetta.

DARALO 74:12

Ro'en panattaṛṛanne tumba'u I'o ratu'u, oh Ruata, tumba'u I'o apan nanal᷊amatta si yami.

1 SAMUEL 8:3

Arawe itarua tawe nangaṛṛussa pallal᷊aghu iamangngi tarua, arawe tumba'u maddea'a auntunganna sassane. Itarua mannengkamma roitta aonggola wuṛṛu mammarikissa tumanangnge ringannu tawe su atatul᷊idda.

MAL᷊AṚṚUUNGNGA 9:18

Arawe orassa indi yamiu nallobossa amonannu iamangku. Manga al᷊aṛanangnge sarangkanambone buatte nipaten kamiu – siri pitu pul᷊o mangke paassa nipate su wowon sambau watu. I Abimelekh ana'u iamangku wuassu allange. Arawe i yamiu nanenegi tou naola'a ratun Sikhem, tumba'u ana waugu i tou ta'e pia amputtu pusidda ringanni yamiu.

REENGANNA 23:21

Si Yakub tawe nasiloanna al᷊al᷊eo; si Israel tae niasiloanna asasusa, Mawu, Ruata mangitou, uarundinganna si mangitou. I mangitou lullala'a: Tumba'u i Tou Ratu!

PANDARIADDI 17:7

I Ya'u sarun manipussa paaire-U si'o wuṛṛu su papapulunnu, uasasansunna, wuṛṛu paaire udde tawe panguddusanne. I Ya'u sarun maola'a Ruatanu wuṛṛu Ruatan papapulunnu.

YEREMIA 40:11

Tantal᷊anna udde anambon taumatan Israel apan uatana'a su wanua Moab, Amon, Edom, wuṛṛu manga wanua waine, naaringikka manungku ratun Babel buatte namalan sambageanganna taumatan Israel matana'a su Yehuda, wuṛṛu manungku i tou buatte nanenegi Gedalya maola'a gubernure.