1 SAMUEL 10:3 - WUKE SUSI WATTI'U AL᷊AL᷊USASSA

³ I Samuel nabbisara apia, “Wua' isudde i'o asal᷊ate amatta maddatingngu punnu alu patataṛṛamawuanna su Tabor. Poiaroddi i'o sarun massomban siri tallu esakka apan tantal᷊anna mattuda Betel inai mangonggollu sasamba su Ruata. Sangkatou ua'ehetta tatallu ana'u ambingnga, sangkatou lai uaapiddu tatallu su warene roti, wuṛṛu sangkatou lai uaapiddu pato'a wuassu pisi lal᷊oṛṛoannu anggore.

1 SAMUEL 10:3 Referans Kwoze

PANDARIADDI 35:1

Su allo sambau Ruata nabbisara si Yakub, “Ete i Ya'u Ruata apan naipasilon batangan-Ne si'o su tempo i'o tinumal᷊angngu iaangngu i Esau. Inaite paal᷊ihakka watukku Betel. Atana'e isudde wuṛṛu pararisiṛṛa'e samba'u mezbah huna'u.”

PANDARIADDI 28:22

Wuṛṛu i ya'u sarun mangonggolu samban wuassu mapulon kawageanganna su Mawu wuassu al᷊awo'a apan nionggolu Mawu si ya'u. Watu pananaunganna apan ta'u niapaarisikka indi sarun maola'a tampa patataṛṛamawuanna su Mawu.”

PANDARIADDI 28:19

I tou nanagon tampa udde Betel. (Dorone aranne Lus).

DARALO 89:12

Langitta wuṛṛu runia uddewe pussa'a-Nu, runia ringannu al᷊awo'u lal᷊oṛṛone niolang-Ngu.

MAL᷊AṚṚUUNGNGA 8:18

Wua'udde i Gideon naiwal᷊o si Zebah wuṛṛu Salmuna, “Ereapa hatin manga taumata apan nipaten kamiu su Tabor udde?” I Zebah wuṛṛu i Salmuna sinumimbakka, “I mangitou sarangkanambone naal᷊ihida ere hatinu, ere papapulunnu mararatu.”

MAL᷊AṚṚUUNGNGA 4:12

Tawe nal᷊annu napawe i Sisera naaringikka manungku i Barak inaite watukku Wowon Tabor,

MAL᷊AṚṚUUNGNGA 4:6

Su allo sambau i tou nandolokku taumata niapawago si Barak, ana'i Abinoam, wuassu soan Kedes su wageangngu leta'i Naftali. Ana see i tou nabbisara si Barak, “Indi parentan Mawu, Ruatan Israel, si'o; ‘Ammul᷊a'a 10.000 su atoune esakka wuassu ruanganni Naftali wuṛṛu i Zebulon, wuṛṛu apira'e i mangitou watukku Wowon Tabor.

YOSUA 19:22

Passarannu leta'i mangitou naeṛṛetta lai Tabor, Sahazima, Bet-Semes, ana see masue su Sal᷊ukku Yordan. Wageangngi mangitou udde nasutta lai mapul᷊o annumma soa ringannu manga ampungnga maranine.

YOSUA 19:12

Akkitu passaranna su samba'an ra'i manattakka wuassu Sarid matudda watukku passarannu Khislot-Tabor, masal᷊a watukku Dobrat, ana see suma'a watukku Yafia.

IMAMATTA 23:13

Su sasamba anna onggol᷊a'e rua kilo taponna lal᷊o'annu lanan zaitun. Hal᷊urun sasamba udde ma'al᷊uassa naungngu Mawu. Suadio'a ringannu udde onggol᷊a'a lai sanlitere ua'en anggore.

IMAMATTA 7:13

Wal᷊ine wua isudde ṛinone ionggola lai roti apan nappaattu ragi.

IMAMATTA 3:12

Amungkangngu niola'a sasamba sambau ambinga, taumata apan nangonggola udde ṛinone mangapidda watukku Rasannu Mawu.

IMAMATTA 3:6

Amungkangngu nionggola maola'a sasamban paddarame udde sambau domba ara'e ambinga, winatangnga udde wotongnge esakka, wotongnge lai wawine, arawe tawe wotongnge pia sangkulle.

IMAMATTA 1:10

Amungkangngu niola'a sasamba udde sambau domba ara'e ambinga, winatangnga udde ṛinone esakka wuṛṛu tawe sangkulle.

1 SAMUEL 10:4

I mangitou sarun mattabbea si'o wuṛṛu i'o sarun onggol᷊anni mangitoun tatallu roti wuṛṛu udde ṛinone sengkamannu.

YEREMIA 32:8

See naṛṛino ereapa buatte niwisara Mawu, nirumantate i Hanameel ringangku su rallakku wal᷊en araratuanna, wuṛṛu maddorongnga tadea'u i ya'u mamalli letangnge. Ana waugu udde i ya'u nangimanna Mawu atonna-tonna buatte nabbisara si ya'u.

MAL᷊AṚṚUUNGNGA 20:18

Tantaran walahannu Israel udde inaite watukku tampa patataramawuanna su Betel, wuṛṛu naiwal᷊o Ruata, “Oh, Mawu, ruanganna suapane wuassu wallati yami apan ṛinone paarorone inai mamangalo taumatan Benyamin?” Mawu sinumimbakka, “Ruanganni Yehuda.”

MAL᷊AṚṚUUNGNGA 20:27

Sutempo udde Wantallu Paairen Duata ta'e su Betel, wuṛṛu i Pinehas ana'i Eleazar, pulunni Harun, manarane imam. Ne walahannu Israel naiwal᷊ote Mawu, “Mawu, apa ṛinone i yami inai apia mamangalo manga tuṛangngi yami manga taumatan Benyamin udde, ara'e i yami mangillol᷊on pangalo indi?” Mawu sinumimbakka, “Pangaloite i mangitou! Tiṛabbi i Ya'u sarun mangonggolu auntunganna si yami.”