1 SAMUEL 10:24 - WUKE SUSI WATTI'U AL᷊AL᷊USASSA

²⁴ Wua'udde i Samuel nabbisarate su tumana'u soa, “Eteindi taumata apan nipilen Mawu, taweddu panumandinganne suwallatti ite sarangkanambone.” Anambon walahanna udde hinumio, “Wiakke ratu!”

1 SAMUEL 10:24 Referans Kwoze

1 MARARATU 1:39

Wua'udde i Zadok nanganu tampan lanan zaitun apan buatte niapidde wuassu Rasannu Mawu, ana see i tou nanenegi Salomo ringannu nappaattu lana udde. Trompetta lai nitiuppe wuṛṛu awadaalla isudde naggio, “Wiakke Ratu Salomo!”

1 MARARATU 1:25

Allo indi lai i tou buatte nangonggollu sasamba manambo domba, sapi esakka wuṛṛu ana'u sapi apan mangkatawa. Anambon ana'i Tuangnga buatte niwal᷊oanne. Wuṛṛu lai manga tembonannu tantaran Tuangnga, wuṛṛu Imam Abyatar. Orassa indi i mangitou tantal᷊anna ma'ola'a andeangnga ringani tou wuṛṛu maggio, ‘Wiakke Ratu Adonia!’

2 SAMUEL 21:6

Ana waugu udde, tantil᷊a'e siri pitu su atoune wuassu papapulunne esakka, tadea'u ielen kami su saruannu Mawu su Gibea, soan Ratu Saul sassane.” Ratu sinumimbakka, “Ore, i mangitou sarun ta'u itantilla si yamiu.”

TAHIUL᷊E 17:15

Panutukka paapia-pia, tadea'u taumata apan itenegi yamiu maola'a ratunu, eteudde taumata apan nipilen Mawu Ruatanu. I tou ṛinone sangkatou wuassu walahanna sassane; imbaṛṛangnga mapatenegu sangkatou taumata raho maola'a ratunu.

2 MARARATU 11:12

Wua'udde i Yoyada nangapiddi Yoas su liudde, ana see nangaddon araposan araratuanna su puane, wuṛṛu nanantilla si tou wuke Titan Mawu Ruata. I Yoas nitenega naola'a ratu wuṛṛu olange udde nial᷊iata su anambon tumana'u soa. Sarangkanambone nattal᷊o'appa wuṛṛu naggahio, “Wiakke ratu!”

MATIUS 21:9

Taumata nambo apan u'amatta rorone, wuṛṛu su liuddu Mawu Yesus u'ui, “Awawantuga su Ana'i Daud! Nial᷊amatanna i Tou apan nirumanta ringannu arannu Mawu! Padalote Ruata apan Atanggaṛṛanne!”

1 MARARATU 1:34

Poiaroddi i Zadok wuṛṛu i Natan manenegi tou maola'a ratun Israel. Wua'udde ṛinone i yamiu mattiuppa trompeta wuṛṛu maggio, ‘Wiakke Ratu Salomo!’

1 MARARATU 1:21

Amungkangngu i Tuangnga tawe mangonggollu putusanna udde, ṛinone sarun mariaddi napawe i Tuangnga mate, i ya'u wuṛṛu parin'siu sarun olaanna ere sangkatou mandal᷊al᷊eo.”

1 SAMUEL 9:2

I Kish pia ana'a esakka, aranne i Saul, sangkatou umbasanna apan maṛṛamaga wuṛṛu matohassa. Tawe saran sangkatou taumata su ahewallu Israel apan mattohassanna wuassi tou. Pabbawa'ikke mal᷊angkassa; anamboanne atanggakku taumatan Israel tumba'u sara wambangnge.

1 SAMUEL 12:1

Ana see i Samuel nabbisarate su anambon walahannu Israel, “I ya'u buatte nanuungngu anambon darorongngu wuṛṛu namile sangkatou ratu si yamiu.

1 SAMUEL 12:13

“Orassa indi, pa'ellege, ete i tou indi, ratu apan buatte nipilen kamiu udde. I yamiu buatte naddorongnga, wuṛṛu Mawu buatte nangonggolla si yamiu.

2 SAMUEL 16:16

Sutempo i Husai hawen Daud apan matuṛṛutta udde nassomban Absalom, i Husai nangintul᷊i, “Wiakke ratu! Wiakke ratu!”

2 TAWARIKH 23:11

Wua'udde i Yoyada nangapiddi Yoas sinumabbangnga, ana see niluṛeannu araposan araratuanna su puane, wuṛṛu nanantilla si tou wuke Titan Duata Etearoddi i Yoas nitenega naola'a ratu. Wua'udde Imam Yoyada wuṛṛu al᷊aṛanangnge nallal᷊innu lanan lal᷊aghu patatenega si Yoas, ana see anambon taumata nangintul᷊i, “Nabbiakke Ratu!”

1 SAMUEL 11:15

Ne i mangitou sarangkanambone inaite watukku Gilgal, ne sutampa patataṛṛamawuanna udde i Saul nitenega naola'a ratu. I mangitou nangonggollu sasamban paddarame, wuṛṛu i Saul suadio'a ringannu walahannu Israel naddamea arariadianna udde.