1 SAMUEL 1:24 - WUKE SUSI WATTI'U AL᷊AL᷊USASSA

²⁴ Napawe i Samuel nila'asse, i tou niuntudden inangnge watukku Wal᷊en Mawu su Silo. Sutempo udde i tou ta'e addio'a. I Hana nangapiddu sapi esakka uukke tallu tonna, gandumma mapul᷊o su kilone, wuṛṛu sambau pato'a wuassu pisi apan napenen anggore.

1 SAMUEL 1:24 Referans Kwoze

YOSUA 18:1

Napawe naapangaṛṛote wanua apan pina'iren Mawu, su taumatan Israel sarangkanambone naammula su Silo, ana see i mangitou napararisikku Rasanna Darantan Mawu.

TAHIUL᷊E 12:11

Wua'udde Mawu Ruatanu sarun mamile sambau tampa suapa i Tou ṛinone subbanna. Ete isudde i yamiu ṛinone inai mangapiddu al᷊awo'a apan buatte niparenta, eteudde sasamba itattambunna wuṛṛu manga sasamba waine, sasamba sepere mapul᷊o wuassu inasaharannu wuṛṛu sasamba al᷊aṛṛaene apan buatte nipa'irenu su Mawu.

TAHIUL᷊E 16:16

Anambon esakku taumatan Israel rinone rumanta massubba Mawu Ruatanu su tampa apan buatte nipile-Ne paatallu santonna, eteudde su Allo Ramean Paskah, su Andeangngu Pangangitinga wuṛṛu Andeangngu Rasannu Rongnga. Suapan taumata ṛinone mangapiddu sasambane,

MATIUS 13:33

Pia sambau sasumandingnga waine, apan niwatti'u Mawu Yesus su taumata nambo. “Napawe Ruata mamarenta, olangnge ere ragi apan nipaattu sangkatou wawine see niompella ringannu taponna appattu pul᷊o su liteṛṛene na'oman sara nal᷊uakka mapia!”

PANDARIADDI 21:8

Ana'a udde aatambanna ahewalle, wuṛṛu nanattakka su tempo i tou mannattake niapaado sumusu, i Abraham na'ola'a andeangnga mawantuga.

1 MARARATU 11:20

Wua'udde awingngi Hadad udde niwuwunnu wo'i sassane wuṛṛu uatana'a su wal᷊en araratuanna suaddio'a ringannu manga iaangnge esakka.