1 PETRUS 4:7 - WUKE SUSI WATTI'U AL᷊AL᷊USASSA

⁷ Sarangkanambone maraniten panginsueanne, ana waugu udde ṛinone i yamiu ua'ul᷊inna apulun wadangnga wuṛṛu uariagga, tadea'u i yamiu wotongnge umal᷊iomanna.

1 PETRUS 4:7 Referans Kwoze

1 PETRUS 1:13

Ana waugu udde, ṛinone i yamiu sidutu uariaga. Paatehamma wuṛṛu pangantimpe atonna-tonna su al᷊amatta apan sarun ionggola si yamiu su tempo Mawu Yesus rumanta apia.

1 PETRUS 5:8

Ṛinone i yamiu paatehamma wuṛṛu paariagga! Ana waugu Setanna udde seetti yamiu. I tou ere singa u'amatta mammal᷊intadu runia lapiddu mannuntingikka maddea'a pabbawiakke.

2 TIMOTIUS 4:5

Salaiwe aroddi, i'o ṛinone uaparenta watangannu sulal᷊ummu al᷊awo'a apan mariaddi. Paasabare sulal᷊ummu asasusa, ola'e manaranu mabatti'u Watti'u Al᷊aluassa udde wuṛṛu amata'e ringannu mapia-pia manaranu ere sangkatou mangangimbe Ruata.

LUKAS 21:34

“Paariagai wadangngu, arie ma'oman sara i yamiu tumanite manambo ma'ola'a andeangnga wuṛṛu ma'inumma ua'e ma'awu'anna, ara'e tumanite maṛṛingiddu al᷊awo'u hattom biakki yamiu, na'oman sara i yamiu tawe naasaddia napawe allo udde nirumanta ringannu awagananna.

IBRANI 10:25

Ṛinone i ite sidutu ma'ammula suadio'a, wuṛṛu imbaṛṛanga wolo'a ere taumata waine. I ite ṛinone lembon satia wuṛṛu uatatohassa, ana waugu i ite masingkata manungku tate mal᷊annu lai Mawu sarun dumanta.

KOLOSE 4:2

Ṛinone i yamiu umal᷊iomanna ringannu ma'uddupa wuṛṛu maantaga, lapiddu maadiangkamanna su Ruata.

TITUS 2:12

Darangngun Duata udde mangngaṛṛa'a si ite tadea'u tate lai mabbiakka uapapaṛṛalan apulun Duata wuṛṛu tate tumuṛṛutta apulun runia. I ite niaṛṛaanna mabbiakka sulal᷊ummu runia indi ringannu masingkata manabare, matul᷊ida wuṛṛu matuṛṛuta Ruata.

YEHEZKIEL 7:6

Orassa indi sarangkanambone nuddusse. Ete indi panginsueannu. Tate antimma lai si yamiu.

ROMA 12:12

Ṛinone i yamiu mangngantimma Mawu ringannu mal᷊uassa, paasabare sulal᷊ummu asasusa, wuṛṛu paaṛṛimadda umal᷊iomanna.

FILIPI 4:5

Ṛinone anambon taumata wotongnge maasilo pallal᷊agu naungngu apan mapia. Ana waugu tate mal᷊annu lai Mawu sarun dumanta.

LUKAS 22:46

See i Tou nabbisara si mangitou, “Anio i yamiu mattiilla? Pabbangunte wuṛṛu a'al᷊iomanna tadea'u i yamiu tawe awono'anna.”

SONDAPPA 16:15

“Daringiṛṛete! I Ya'u rumanta ere taṛṛa ta'o! Al᷊al᷊uassa su taumata apan sidutu uataṛṛapa wuṛṛu uariaga peddene, ma'oman sara i tou tawe umamatta tantol᷊e wuṛṛu masili su saruannu awadaalla!”

1 PETRUS 3:7

Wuṛṛu i yamiu lai, manga awingnga esakka, ṛinone mabbiakka ringannu napenen pasasunna su saruannu awingngu, wuṛṛu ringannu asingkata manungku ete i mangitou udde walahanna apan lome. Olaawe i mangitou ringannu addata, ana waugu i mangitou su sambau ringanni yamiu, sarun manengkamma al᷊amattu pabbiaṛṛana apan tutune wuassu Ruata. Olaawe indi, tadea'u taweddu maasal᷊awa'a aal᷊iomannu.

EFESUS 6:18

Ola'e sarangkanambone udde, lapiddu u'al᷊iomanna maddorongnga tul᷊ungannu Duata. Su al᷊o'engngu tempo, aal᷊iomante su ereapa Ghaṛṛahon Duata ua'ehetta si yamiu. Ṛinone i yamiu sidutu uatehamma wuṛṛu arie i yamiu mangillol᷊o. Aal᷊iomante sidutu hunan anambon al᷊aṛṛana'u Ruata.

1 KORINTUS 15:24

Wua'udde mariaddite Kiamatta. Su tempo udde Kristus sarun mangagassa al᷊awo'u araratuanna, al᷊awo'u taṛṛino, wuṛṛu al᷊awo'u atatohassa; wua'udde i Tou sarun manantillu taṛṛino-Ne ere sangkatou ratu, su Ruata Iamangngi ite.

1 KORINTUS 7:29

Pandumangku arendi, manga tuṛṛangnga: I ite tate tempone lai manambo. Manattaka orassa indi, suapan taumata apan piate awingnge, ṛinone i tou mabbiakka naal᷊ihida ere tawe awingnga;

MATIUS 24:42

Nariaddi, paatehamma, ana waugu yamiu wagga tingngera Mawunu sarun dumanta.

YEREMIA 5:31

manga nabi mangngawusu, manga imam mangngimbe tumuṛṛuttu apulun naungnge sassane wuṛṛu i yamiu uma-U mappulun inolaanna udde. Arawe apa apan sarun olaanni yamiu napawe nia'omante allo panginsueanne?”

LUKAS 21:36

Paariagate, wuṛṛu sidutu a'al᷊iomanna tadea'u i yamiu matohassa mamipen al᷊awo'u hatto apan sarun mariaddi wuṛṛu i yamiu wotongnge sumaruanna Ana'u Taumata.”

MATIUS 25:13

See Mawu Yesus nanginsuete sasumandingnga udde arendi, “Ana waugu udde paariaga, ana waugu i yamiu wagga allone ara'e oranne.”

MANNANASE 7:2

Mapianne inai su wal᷊en taumata nate wuassu inai su tampan andeangnga. Ana waugu i ite ṛinone sidutu mannaungnga manungku papate uaṛṛaddo suapan taumata.

PANDARIADDI 6:13

Ana see Ruata nabbisarate si Nuh, “I ya'u buatte nakkawessa manginsue wiakku al᷊awou'u riadianna. I ya'u sarun mamate si mangitou suadio'a ringannu runia, ana waugu runia napeneten araṛṛagissi mangitou.

IBRANI 9:26

Ana waugu amungkangu aroddi, udde atappasanne i Tou masokkate matataṛṛanga ro'en runia indi niriaddi. Arawe wutte'e, orassa indi su tempo apan panginsueanne indi, i Tou nirumanta tumba'u paassa mamappasa rosa ringannu nanantillu wadang-Nge sassane.

PANDARIADDI 19:35

Etearoddi su ṛabbi udde itarua napawu'anni Lot, wuṛṛu iapa ana'a aruane natilla ringanni tou. Wuṛṛu i Lot tumanite niwu'anne na'oman sara i tou waga apa apan buatte nariaddi.