1 PETRUS 4:3 - WUKE SUSI WATTI'U AL᷊AL᷊USASSA

³ Su tempo apan nal᷊iu, iamu mal᷊annute maapulu ma'ola'a apa apan a'olaannu manga taumata apan tawe maaillal᷊a Mawu. I yamiu mabbiakka su al᷊al᷊eo. I yamiu tuttuṛṛuta apulu naungnga, mabbu'anna, maddamea, ma'inumma wuṛṛu massubba paal᷊uanna apan maarantinna.

1 PETRUS 4:3 Referans Kwoze

1 KORINTUS 6:11

Siri pira su wallatti yamiu dorone pia pallal᷊agune ereudde. Arawe orassa indi yamiu niapaal᷊iatta'a waresi wuassu rosa. I yamiu naola'e pussa'a Ruata sassane. I yamiu nabelengke apia ringannu Ruata, ana waugu i yamiu mangngimanna Mawu Yesus Kristus, wuṛṛu ana waugu taṛṛinon Ghaṛṛaho wuassu Mawu Ruatan kite.

EFESUS 5:18

Imbaṛṛangnga i yamiu iwu'annu anggore, ana waugu udde maal᷊al᷊eo si yamiu. Arawe ṛinone i yamiu intaṛṛoannu Ghaṛṛahon Duata.

1 TESALONIKA 4:5

Arie mabbiakka tuttuṛṛuta apulun dal᷊ummu naungngu su saruannu awingngu, ere niola'u manga taumata apan tawe maaillal᷊a Ruata.

1 PETRUS 1:14

Paatuṛṛute Ruata wuṛṛu arie mabbiakka tumuṛṛutta apulunu dorone, su tempo i yamiu taambe naaillal᷊a Ruata.

GALATIA 5:21

mangngune, mabbu'anna, taṛṛa ramea wuṛṛu al᷊awo'u inolaanna waine. Sulal᷊ummu sarangkanambone udde i ya'u mapaanaungnga si yamiu orassa indi, su ereapa lai ya'u napaananungnga si yamiu rorone, manungku manga taumata apan ma'ola'a inolaanna ereudde tawe maola'a al᷊aṛṛana'u Ruata.

GALATIA 5:19

Apulun pallal᷊agun taumata nilumiatta'a sulal᷊ummu manga inolaanna apan lal᷊eo, nallal᷊uhuranna, wuṛṛu tawe su ṛinone;

YEHEZKIEL 45:9

Mawu Apan Atanggaṛṛanne nabbisara, “Natimute manga rosanu, ei manga tembonannu Israel! Iloloa'e inolaanu apan walate apulunu mannansara tumana'u soa udde. Pammanarate ringannu mapia wuṛṛu matul᷊idda. Saran paassa ariete i yamiu mallimbuakka uma-U apia wuassu leta'i mangitou. Ia'i, Mawu Apan Atanggaṛṛanne mammarenta udde si'o.

YUDAS 1:4

Ana waugu ringannu niawagananni ite, pia manga taumata waine apan sinumutta nail᷊al᷊o'a su pattangnganni ite. I mangitou manga taumata lal᷊eo, apan mammal᷊elongngu watti'a su ola'u darangngun Duatan kite, tadea'u i mangitou pia tempo mapaasabangngu apulun naungngi mangitou lal᷊eo. Wuṛṛu i mangitou mannol᷊a'u Mawu Yesus Kristus, eteudde sangkatou Tembonanne wuṛṛu Mawun kite. Roen al᷊amonane ṛuumanni mangitou suete niapaasingkata sulal᷊ummu Wuke Susi.

WATTI'U MANGA RASUL 17:30

Tempon awawodong kite suete tinimbul᷊ianannu Ruata, arawe orassa indi i Tou nandolokku taumata su ahewallu runia tadea'u mawal᷊u wuassu manga rosa mangitou.

YEHEZKIEL 44:6

Wal᷊oa'e su umattu Israel apan apulune lumawangnga udde manungku i Ya'u, Mawu Apan Atanggaṛṛanne, maddirite mamalang kami ma'ola'a al᷊al᷊eo.

YESAYA 28:7

See lai manga nabi wuṛṛu manga imam wu'anna ana waugu tumanite manambo na'inumma anggore wuṛṛu tubba. I mangitou u'amatta lullallengge wuṛṛu mangke mattara ana waugu ṛingiranni mangitou nassongkakka. Manga nabi tate lai maasunna manga sondappa apan ia'onggollu Ruata si mangitou. Manga imam tate lai maaṛṛawessu manga hatto apan iappaola'a si mangitou.

TITUS 3:3

Ana waugu dorone i ite sassane lai woddo, niumal᷊iwu wuṛṛu mal᷊awangnga. I ite niallangngu al᷊awo'u aapulun runia; i ite mabbiakka ringannu pandumanna apan lal᷊eo wuṛṛu mangngune, wuṛṛu uasaseetta.

2 KORINTUS 12:21

I ya'u mata'utta amungkangngu su tempo i ya'u rumanta Ruata sarun mapaawawo'u su saruanni yamiu wuṛṛu i ya'u sarun lumuai ana waugu manambo su wallatti yamiu dorone marosa, tawe mawal᷊u, wuṛṛu tawe mangillol᷊o ma'ola'a manga inolaanni mangitou apan sussandaga, nagal᷊imutanna wuṛṛu tawe su ṛinone.

1 KORINTUS 12:2

Paanaunge manungku su tempo i yamiu taambe naaillal᷊a Mawu, i yamiu niawono'anna massubba paal᷊uanna apan mou.

ROMA 13:13

I ite ṛinone ma'ola'a inolaanna apan aaddatanna ere su inanaramanne a'olaannu taumata su tempo allo; imbaṛṛangnga maddamea tumaniten manampal᷊iu, ara'e mabbu'anna. Imbaṛṛangnga sumandaga, ara'e pia pallal᷊agu tawe addane. Imbaṛṛangnga mabbawul᷊o, ara'e mangune.

MARKUS 7:22

sussandaga, mallinga, mangngadio'a, ma'ola'a al᷊awo'u al᷊al᷊eo, wal᷊iu, tawe addanne, mangngune mawarabunga wuṛṛu masahadda pangaṛṛaanne.

YEREMIA 16:18

Rosa wuṛṛu al᷊al᷊eo mangitou sarun Ta'u iwal᷊issa ringannu ṛuumanna paarua anambone, ana waugu i mangitou buatte nandal᷊eo wanua-U ringannu manambo paal᷊uanna. Manga paal᷊uanna udde tawe niawane ere asuangnga.”

YESAYA 65:4

Sutempo ṛabbi i mangitou inaite watukku manga liangnga wuṛṛu lal᷊abbinganna maddorongnga tatantiro su manga ṛimuuddu taumata nate. I mangitou u'inassa wawi wuṛṛu ma'inumma sawon ṛemessa apan isassingadda.

YESAYA 5:11

Nasilakate i yamiu! Wuassu rua'allo maddatingngu ṛabbi manaranu tumba'u ma'inumma ua'e ma'awu'anna wuṛṛu mabbu'anna.

2 TAWARIKH 15:8

Napawe i Asa naaringikka wisaran Azarya ana'i Oded udde, naungnge natohasse apia. I tou nangingkattu anambon paal᷊uanna su wanuan Yehuda wuṛṛu Benyamin, wuṛṛu manga soa apan buatte niwaddone su panenteannu Efraim, ana see i tou nangapia mezbah Mawu apan uaraddo su rallakku Wal᷊en Mawu.

1 MARARATU 21:26

I Ahab na'ola'a manga rosa apan lembon maarantinna; i tou massubba paal᷊uanna ere apan a'olaannu taumatan Amori, eteudde manga taumata apan buatte nilimbuaṛṛannu Mawu niapasabbangnga wuassu wanua Kanaan sutempo taumatan Israel sinumutta su wanua udde.

2 SAMUEL 13:28

I tou namarenta manga allangnge, “Paellehe paapia-pia, napawe i Amnon wu'ante ana waugu na'inumma anggore, i ya'u sarun mamarenta, wua'udde patete i tou. Arie pa'ata'utta. I ya'u te sumaruanna olangnge udde. Pammanarate ringannu waṛṛani wuṛṛu imbaṛṛangnga mapapaddua!”

YEREMIA 16:11

Wal᷊oa'e si mangitou manungku i Ya'u nabbisara arendi, ‘Al᷊amonanu buatte nanantang-Ku inai massubba wuṛṛu mattaṛṛamawu manga mawu waine. I mangitou tuttal᷊iudda si Ya'u wuṛṛu maddiri tumuṛṛutta manga atorang-Ku.