1 PETRUS 4:18 - WUKE SUSI WATTI'U AL᷊AL᷊USASSA

¹⁸ Sulal᷊ummu Wuke Susi uawoṛṛetta arendi, “Amungkangu manga taumata apan mapia lai ete masahadda iapaasal᷊amatta, nangillembote lai mariaddi su manga taumata marosa apan tawe maaillal᷊a Mawu!”

1 PETRUS 4:18 Referans Kwoze

AMSAL 11:31

Amungkangngu su runia indi taumata mapia lai sarun manarimmattu wawal᷊inne, natantunte taumata lal᷊eo wuṛṛu marosa sarun maasomba ṛuumanna.

YEHEZKIEL 18:24

Arawe amungkangngu sangkatou apan mapia tate ma'ola'a apapia lai, ewe'e mannatakke ma'ola'a al᷊al᷊eo wuṛṛu al᷊awo'u inolaanna ma'arantinna apan inanaramanne a'olaannu taumata lal᷊eo, apa i tou sidutu wiakka? Tawe! Wuassu manga inolaanne apan mapia udde, tawe saran sambau apan naunganna apia. I tou sarun mate ana waugu na'ola'a rosa wuṛṛu tawe satia si Ya'u.

LUKAS 23:31

Ana waugu amungkangngu matataṛṛino su alu ta'e wiakka, taumata suete na'ola'a ereindi, apa lai sarun olaanni mangitou su alu apan naṛṛangute!”

YUDAS 1:15

ana waugu makkuumannu anambon taumata. Mawu sarun makkuumannu manga taumata lal᷊eo ana waugu manga inolaanni mangitou apan tawe matataṛṛino. Wuṛṛu i Tou sarun makkuumannu taumata marosa wuṛṛu lal᷊eo, ana waugu anambon manga wisarane apan ipangngal᷊uandaga.

1 KORINTUS 10:12

Taumata apan massunna watanganne uarisikka matohassa, ṛinone paatehamma; arie i tou ma'oman sara maṛṛa'a.

ROMA 1:18

Wuassu surga Ruata napaal᷊iatta'u asasa'u-Ne su anambon rosa wuṛṛu al᷊al᷊eon taumata, ana waugu al᷊al᷊eo mannal᷊are taumata ma'illal᷊a al᷊aṛṛa'u Ruata apan atonna.

WATTI'U MANGA RASUL 14:22

Su manga soa udde i mangitou mannohassa naungngu mallal᷊aṛṛenggennu Mawu Yesus wuṛṛu mannantiro mallal᷊aṛṛenggenna udde tadea'u sidutu mangngimanna Mawu Yesus. “I ite ṛinone matataṛṛangnga rorone, wakkute udde i ite wotongnge mamendamma al᷊al᷊uassa su Runian Wakku Ruata,” aroddi manga rasul udde mangngaṛṛa'a manga mallal᷊aṛṛenggennu Mawu Yesus su soa udde.

2 PETRUS 3:7

Arawe langitta wuṛṛu runia apan sara orassa indi, nipadul᷊ianannu ṛengetannu Ruata udde lai, ana see tutungannu putungnga su tempo addantane. Orassa indi langitta wuṛṛu runia ta'e papadul᷊iananna ma'oman sara allo manga taumata apan lal᷊eo udde iṛṛuumanna wuṛṛu pateanna.

1 PETRUS 5:8

Ṛinone i yamiu paatehamma wuṛṛu paariagga! Ana waugu Setanna udde seetti yamiu. I tou ere singa u'amatta mammal᷊intadu runia lapiddu mannuntingikka maddea'a pabbawiakke.

ROMA 5:8

Arawe Ruata napaal᷊iatta'u darangngu-Ne si ite su tempo Mawu Yesus nate ana waugu i ite, su tempo i ite ta'e sulal᷊ummu rosa.

ZAKARIA 13:9

Tumba'u sepeṛṛe tatallu apan masal᷊amatta. Wuṛṛu i mangitou sarun Ta'u iapaasusi ere taumata mannal᷊u'attu wul᷊awanna. Wua'udde i mangitou sarun umal᷊iomanna si Ya'u, wuṛṛu i Ya'u sarun sumimbakka si mangitou. I Ya'u sarun mabbisara si mangitou manungku i mangitou uddewe uma-Ku, wuṛṛu i mangitou lai sarun manga'u manungku ete i Ya'u Mawu Ruata mangitou.”

YEREMIA 25:29

I Ya'u sarun manattakku panganguno udde su soa-U sassane. Arie ma'oman sara i mangitou massunna manungku i mangitou tawe iṛṛuumanna. I mangitou sarun iṛṛuumanna ana waugu i Ya'u sarun mandantan pangalo su al᷊awo'u walahanna su ahewallu runia. I Ya'u, Mawu Apan Lembontaṛṛino, buatte nabbisara.

IBRANI 4:1

Aroddi pa'aire Mawu ta'e ipappa'atta, wuṛṛu i ite sarun iapaillol᷊o ere suete nipa'ire-Ne. Nariaddi, ṛinone i ite mandiaga tadea'u arie piaddu sangkatou wuassu wallatti yamiu apan tawe maatemma allom pangillol᷊oanna apan suete nipai're udde.

ROMA 5:6

Su tempo i ite sulal᷊ummu al᷊allome, Kristus nate ana waugu i ite, su tempo apan suete nitantunu Ruata; sumbal᷊i i ite manga taumata marau wuassu Ruata.

PANDARIADDI 13:13

Soa Sodom udde wawanuannu manga taumata apan tumaniten dal᷊eo wuṛṛu marosa su saruannu Mawu.

WATTI'U MANGA RASUL 27:24

Mala'ekatta udde nabbisara, ‘Arie pa'ata'utta, Paulus! Ana waugu i'o sarun sumaruanna si Kaisar. Wuṛṛu ana waugu wuassu apapia naungngu Ruata si'o, anambon taumata apan uasa'e apalla suadio'a ringannu sarun masal᷊amatta ana waugu i'o lai isudde.’

LUKAS 15:1

Su sambau allo, manambo mallaluṛṛu wose wuṛṛu manga taumata apan sassunnanna lal᷊oṛṛon soa lal᷊eo, nirumanta madaringikka Mawu Yesus.

1 SAMUEL 15:18

wuṛṛu lai i Tuangnga nirolokku Mawu iapapate taumatan Amalek apan dal᷊eo udde. I Tuangnga nirolokka iapapangalo si mangitou ma'oman sara i mangitou sarangkanambone masue.

WATTI'U MANGA RASUL 27:31

Arawe i Paulus nabal᷊o su perwiran tantara wuṛṛu manga tantara su apalla udde, “Amungkangngu mammanarang apalla indi tawe matana'a su apalla, manga tuṛṛangnga sarangkanambone tawe masal᷊amatta.”

1 TIMOTIUS 1:9

Ṛinone naunganna manungku titaniola'a wal᷊ine hunane su taumata mapia, ewe'e su taumata apan mal᷊awangnga tita, manga taumata lal᷊eo, taumata mal᷊awangnga, su taumata marosa, taumata tawe agamane, taumata tumba'u maṛṛingiddu runia, su taumata apan namate iamangnge wuṛṛu inangngene, wuṛṛu manga taṛṛa pate sarangkanambone,

YAKOBUS 5:6

I yamiu maṛṛuumanna wuṛṛu mammate manga taumata apan tawe sal᷊ane, wuṛṛu i mangitou tawe lumawangnga si yamiu.