1 PETRUS 3:18 - WUKE SUSI WATTI'U AL᷊AL᷊USASSA

¹⁸ Ana waugu Kristus sassane nate tumba'u paassa, ma'oman sara mal᷊annu-l᷊annu ana waugu rosan taumata – sangkatou apan tawe sal᷊ane, nate hunan taumata apan nassal᷊a. Kristus naola'a udde tadea'u i Tou wotongnge mangehetta si yamiu ringannu Ruata. I Tou nipate su ola'u wadanga arawe niaapawiakka apia su ola'u Ghaṛṛaho.

1 PETRUS 3:18 Referans Kwoze

IBRANI 9:28

Aroddi lai i Kristus tumba'u paassa tinantilla maola'a sasamba ipanubussa rosan anambon taumata. I Tou sarun dumanta apia su aruane, wal᷊ine manginsue hatton paddarosa, arawe manal᷊amatta manga taumata apan uaraṛṛaddo daranta-Ne.

IBRANI 9:26

Ana waugu amungkangu aroddi, udde atappasanne i Tou masokkate matataṛṛanga ro'en runia indi niriaddi. Arawe wutte'e, orassa indi su tempo apan panginsueanne indi, i Tou nirumanta tumba'u paassa mamappasa rosa ringannu nanantillu wadang-Nge sassane.

2 KORINTUS 5:21

Kristus tawe pasasal᷊ane, arawe Ruata na'ola'a si Tou uapasanna rosan kite, tadea'u i ite maaukka apia ringannu Ruata ana waugu susambau ringanni Kristus.

1 PETRUS 4:6

Ana waugu udde Watti'u Al᷊al᷊uassa suete niapaasingkata lai su manga taumata nate. Pandumanne tadea'u i mangitou apan suete niparikisanna ere su ola'u wadanga – ere lai anambon taumata apan sarun parikisanna – wotongnge mabbiakka su ola'u ghaṛṛaho, tumuṛṛutta apulun Duata.

TITUS 2:14

I Tou suete nanantillu watangan-Ne ana waugu i ite wuṛṛu ana waugu mamallosi ite wuassu al᷊awo'u al᷊al᷊eo, wuṛṛu na'ola'a si ite sambau walahanna apan nal᷊iu wuassu al᷊awo'u rosa wuṛṛu tumba'u naola'a pussa'a-Ne sassane, wuṛṛu maṛṛimadda ma'ola'a apapia.

1 YOHANES 1:9

Arawe amungkangu i ite manga'u al᷊awo'u rosan kite su Ruata, i Tou sarun manipussa paaire-Ne wuṛṛu ma'ola'a atatul᷊idda. I Tou sarun mangampunga manga rosan kite wuṛṛu mangukkasa si ite wuassu al᷊awo'u al᷊al᷊eon kite.

ROMA 4:25

Mawu Yesus udde buatte tinantilla iapapate ana waugu manga rosan kite, see i Tou niapaawiakku Ruata apia, tadea'u i ite maaukka apia ringannu Ruata.

1 PETRUS 4:1

Ana waugu Kristus suete natataṛṛanga su ola'u wadanga, i yamiu lai ṛinone mannohassa ririnu ringannu apulu naugnga ereudde. Ana waugu taumata apan uatataṛṛanga su ola'u wadanga, tate lai ma'ola'a rosa.

ROMA 8:3

Apa apan tawe ia'ola'u titan agama, ana waugu i ite taumata lome, udde buatte niola'u Ruata. Ruata napaaraun rosa wuassu pallal᷊agun taumata ringannu nandolokku anang-Nge sassane, apan nirumanta ere sangkatou taumata apan marosa, ana waugu manubussa rosa.

GALATIA 3:13

Arawe Kristus namallosi ite wuassu awawontogu titan agama. I Tou na'ola'a udde ringannu namalan watangan-Ne awontohanna ana waugu i ite. Ana waugu sulal᷊ummu Wuke Susi uawoṛṛetta, “Niawontohante taumata apan nate niele su alu pangangeleanna.”

GALATIA 1:4

Tuttuṛṛuta apulun Duata Iamangngi ite, Kristus nanantillu watangan-Ne maola'a sasamba ana waugu manga rosang kite, tadea'u i ite iapaasal᷊amatta wuassu tempo apan lal᷊eo indi.

2 KORINTUS 13:4

Atonna su tempo i Tou niarussa, i Tou lome, arawe orassa indi i Tou mabbiakka ringannu taṛṛino Ruata. I yami lai lome sulal᷊ummu wiakki yami apan uaaukka ringanni Kristus, arawe napawe sumaruanna si yamiu, i yami lai matohassa su sambau ringanni Kristus ana waugu taṛṛinon Duata.

ROMA 5:2

Ana waugu i ite mangngimanna Mawu Yesus, ne namalang kite mamendamma darangngun Duata, wuṛṛu ringannu darangngu udde, i ite lulluassa ana waugu i ite pia antimma manungku i ite sarun maapendamma al᷊al᷊uassa apan ionggolu Ruata!

ROMA 1:4

arawe su ola'u saṛṛen pangangimanna i Tou udde Ana'u Ruata. Udde nilumiatta'a sulal᷊ummu taṛṛino apan wahewalla sulal᷊ummu pabbawangun-Ne wuassu papate.

YAKOBUS 5:6

I yamiu maṛṛuumanna wuṛṛu mammate manga taumata apan tawe sal᷊ane, wuṛṛu i mangitou tawe lumawangnga si yamiu.

WATTI'U MANGA RASUL 3:14

I tou na'ukkassa wuṛṛu mapia, arawe i yamiu mannal᷊are wuṛṛu mammata'a tadea'u i Pilatus mamallossu sangkatou taṛṛa pate si yamiu.

2 KORINTUS 1:24

I ya'u tawe mamata'i yamiu su ola'u apa apan pangimananni yamiu, ana waugu i yamiu lembo mangngimanna si Kristus. I ya'u tumba'u mammanara su sambau ringanni yamiu tadea'u i yamiu lembo lulluassa.

ROMA 8:11

Amungkangngu Ghaṛṛahon Duata apan napaawiakki Kristus wuassu papate, mabbiakka sulal᷊ummu ririnu, ne i Tou apan napaawiakki Kristus wuassu papate udde, mapaawiakku ririnu lai apan wotongnge mate udde. I Tou na'ola'a udde ringannu Ghaṛṛaho-Ne apan mabbiakka sulal᷊ummu ririnu.

WATTI'U MANGA RASUL 22:14

Wua'udde i tou nabbisara si ya'u, ‘Ruata iupungngu al᷊amonang kite suete namile si'o, tadea'u i'o maasingkatta pandumme wuṛṛu maasilo Mawu Yesus, Allangngu Ruata apan nanipussa apulun Ruata see madaringikka tingikku Mawu Yesus sassane.

MATIUS 27:19

Su tempo i Pilatus tantal᷊anna ua'ianna su wal᷊em pamarikisanna, awingnge nananata si tou ereindi, “Arie i'o lumal᷊o'a su hatton taumata apan tawe sal᷊ane udde, ana waugu ete i Tou, i ya'u niwal᷊iawannu wal᷊iawa apan maata'utta allo indi.”

ZAKARIA 9:9

Ei tumana'u Sion, lalluasse! Ei tumana'u Yerusalem, paggiote! Pa'ellege! Rutunu nirumanta ringannu auntunganna! I tou ratu matul᷊idda apan uaapiddu asasal᷊amatta. Arawe ringannu napenen asasaṛṛionto'u naungnga i tou nirumanta uasa'e keledai, sambau keledai saṛṛen tumuwo.

DANIEL 9:26

Su panginsueannu tempo udde piaṛṛa'a nipilen Duata udde sarun pateanna, sumbal᷊i i tou tawe sal᷊ane. Ne nirumantate tantaran sangkatou ratu apan matohassa, ana see nakkimunsa'e soa Yerusalem see lai Wal᷊en Mawu. Panguddusannu tempo udde sarun rumanta manawangnga apan mangapiddu pangalo wuṛṛu araṛṛimunsa'a, ere buatte nitantunnu Ruata.

MATIUS 27:24

Panginsueanne i Pilatus naatutukka, manungku i tou tawe wotongnge maaola'a apa-apa lai wuṛṛu manungku manga taumata udde asinungka sarun mamangalo. Nariaddi i tou nanganu ua'e, see su saruannu taumata nambo udde i tou nangukkassa limane wuṛṛu nabbisara, “I ya'u tawe sal᷊ane su apapaten taumata indi! udde manarateng kamiu!”

YOHANES 16:10

manungku i Ya'u atonna, ana waugu i Ya'u inai ringannu Iamangnga wuṛṛu i yamiu tate maasilo si Ya'u lai;

EFESUS 3:12

Ringannu mangngimanna si Kristus wuṛṛu ana waugu uaaukka ringanni Tou, i ite niwala wotongnge mangundanin Duata ringannu napenen pangangimanna.

IBRANI 9:14

nangilembote lai ṛaṛṛan Kristus! Sulal᷊ummu Ghaṛṛaho awasa, i Kristus nanantillu watangan-Ne sassane su Ruata maola'a sambau sassamba apan nasuungnga. Ṛaṛṛa-Ne mammaresi lal᷊ummu naungngi ite wuassu lal᷊aghun agama apan tawe gunane, tadea'u i ite wotongnge maapangimbe Ruata apan biakka.

IBRANI 10:10

Yesus Kristus suete tinumuṛṛuta apa apan ipaapulun Ruata wuṛṛu nanantillu watanganne maola'a sassamba. Ringannu sasamba udde, apan niolangnge tumba'u paassa ma'oman sara mal᷊annu-l᷊annu, i ite sarangkanambone niwaresi wuassu rosa.

1 PETRUS 3:19

Sulal᷊ummu Ghaṛṛaho i Tou inai namasingkatu watti'u Ruata su manga ghaṛṛaho apan uaṛṛuumanna: