1 PETRUS 3:15 - WUKE SUSI WATTI'U AL᷊AL᷊USASSA

¹⁵ Arawe sulal᷊ummu naungngu, ṛinone i yamiu mangonggolu addatta si Kristus sassane ana waugu i Tou Mawu. Wuṛṛu ṛinone i yamiu siddutu uasaddia sumimbaka anambon taumata apan maiwal᷊o si yamiu su ola'u antimma apan tatahuannanni yamiu.

1 PETRUS 3:15 Referans Kwoze

KOLOSE 4:6

Ṛinone manga inolaanna apan iwabbisaran kamiu sidutu maal᷊uassa wuṛṛu apangimananna. Ṛinone i yamiu maasingkata ereapa ṛinone i yamiu sumimbakka manga aiwal᷊on taumata.

1 PETRUS 3:2

ana waugu i mangitou naasilote pallal᷊agunu apan matul᷊idda wuṛṛu susi.

1 SAMUEL 12:7

Orassa indi ariete inai dorone. I ya'u sarun mangalaen kamiu su saruannu Mawu. Paanaungete anambon aakkannu Mawu apan buatte niapal᷊iatta'a si'o wuṛṛu su al᷊amonanu.

TITUS 1:2

Al᷊aṛṛa'a udde pinangiananne wuassu antimma manungku i ite sarun manengkamma wiakka tutune wuṛṛu mal᷊annu-l᷊annu. Ruata suete na'iren wiakka udde ro'en panattaṛṛannu runia indi – wuṛṛu tawe mariaddi Ruata mangawusu.

KOLOSE 1:27

Su al᷊aṛṛanang-Nge udde Ruata maapulu mapaal᷊iatta'a aroddi apiane wuṛṛu awantuge addapinge udde su anambon walahannu taumata. Addapinge eteudde: Kristus udde sulal᷊ummu wadangu, atappasanne i yamiu lai sarun maapendamma awawantugu Ruata.

IBRANI 6:1

Ana waugu udde, wette i ite mangasal᷊ate manassukku manga al᷊aṛṛa'a sansunne, su ola'u al᷊aṛṛa'a mattanggaṛṛanna su taumatan Saṛṛani, wuṛṛu arie tumba'u maṛṛingiddu manga al᷊aṛṛa'u agamang kite paarorone. Arie i ite manul᷊e apia pinangianannu al᷊aṛṛa'a manungku taumata ṛinone mangillol᷊o ma'ola'a manga inolaanna apan tawe gunane wuṛṛu ṛinone mangngimanna Ruata,

DARALO 119:46

Titanu sarun ta'u iapasingkatta su manga ratu, wuṛṛu sarun tawe maasomba asasili.

KOLOSE 1:5

I yamiu mangngimanna wuṛṛu i yamiu marangngu, ana waugu mangngantimma apa apan suete nissaddian Duata su surga hunan kamiu. I yamiu suete naaringikka su olangnge udde, su tempo Watti'u Al᷊al᷊uassa udde niapaasingkata si yamiu.

KOLOSE 1:23

Arawe i yamiu ṛinone sidutu matuṛṛutta mangngimanna wuṛṛu matohassa uarisikka su pangangimannu. Imbaṛṛanga i yamiu mamallosu antimma apan suete nionggolla si yamiu su tempo i yamiu nanengkamma Watti'u Al᷊al᷊uassa wuassu Ruata. Watti'a udde suete niapaasingkata su anambon taumata su ahewallu runia. Wuṛṛu ana waugu udde lai ya'u, Paulus, naola'e darol᷊oṛṛan-Ne.

IBRANI 3:6

Arawe i Kristus matuṛṛuta ere sangkatou Ana'a apan uariaga Wal᷊en Ruata. Wuṛṛu ete i ite indi Wal᷊en Ruata, amungkangu i ite sidutu maṛṛimadda wuṛṛu sidutu mangngimanna maasomba apa apan aantimanni ite.

1 PETRUS 3:4

Arawe ṛinone araṛṛamagu lumapputa wuassu lal᷊ummu naungngu, pallal᷊agunu apan masaṛṛionto'a wuṛṛu matammuda; ana eteudde araṛṛansangnga apan tawe panginsueanne wuṛṛu lembon maarega su aellegu Ruata.

YESAYA 41:21

Mawu, ratun Israel, nabbisara su manga monganna, “Alaea'e hattonu, pasabbanga'e manga wisara tatahekke!

YESAYA 1:18

Mawu nabbisara, “Wette i ite manginsue hatto indi. Salaiwe i yamiu maṛṛamu ungu ana waugu manga rosanu, i yamiu sarun Ta'u raddasanna mabbal᷊i mawira waresi naal᷊ihidda sangarenna ara'e wungkassa. Salaiwe manga rosanu manambo wuṛṛu mawakkatta, i yamiu sarun Ta'u ampunganna atonna-tonna.

YESAYA 29:23

Ana waugu napawe i yamiu naasilo manga anangngu apan Ta'u nionggolla si'o, ne i yamiu sarun manga'u manungku ete i Ya'u Ruata na'ukkassu Israel. I yamiu sarun mangaddatta si Ya'u wuṛṛu mata'u-U.

1 PETRUS 1:17

I yamiu mannagon Duata udde Iamangnga su tempo i yamiu u'al᷊iomanna si Tou. Ne, ete Ruata udde apan mamarikissa taumata tumuṛṛuttu inolaannu sangkatou-sangkatou ringannu tawe pilene. Ana waugu udde tantal᷊anna i yamiu ta'e su runia indi, ṛinone i yamiu mamantuga Ruata sulal᷊ummu wiakku.

YESAYA 5:16

Arawe Mawu Apan Lembontaṛṛino namasilon awawantu-Ge ringannu ma'ola'a manara apan atonna. I Tou sarun mamasilon asasusi-Ne ringannu makkuungngu walahanna.

WATTI'U MANGA RASUL 24:25

Arawe napawe i Paulus nanassukku wisarane su ola'u atatul᷊idda wuṛṛu asasabare wuṛṛu su ola'u pallaṛṛuumanna su allong kiamatta, i Feliks nata'utta see nabbisara, “I'o wotongngete mapul᷊e orassa indi. I ya'u sarun mamago si'o apia amungkangngu pia tempone.”

WATTI'U MANGA RASUL 21:39

I Paulus sinumimbakka, “I ya'u taumatan Yahudi; i ya'u tumana'u soan Tarsus soa ahewal᷊anne su Kilikia. Tul᷊unga'o i ya'u pahahattoa'u manga taumata udde.”

REENGANNA 20:12

Arawe Mawu nabbisara si Musa wuṛṛu si Harun, wisara-Ne, “Ana waugu pangangimanni raddua si Ya'u tumaniten matul᷊ungnga, i Ya'u mapal᷊iatta'u taṛṛino-U apan susi su saruannu walahannu Israel, iraddua tawe maapiaṛṛa'i mangitou sumutta su wanua apan pina'ire-U si mangitou.”

REENGANNA 27:14

ana waugu su wadda'u Zin iraddua buatte nilumawangnga parenta-U. Napawe su Meriba anambon tumanangnge sussamboṛṛe si Ya'u, i yamiu maddiri mapal᷊iatta'u taṛṛino-U su saruanni mangitou su ola'u ua'e udde.” (Arariadianna indi nariaddi su al᷊imatan kua'e Meriba su Kades, su wadda'u Zin).

AMSAL 15:28

Taumata mapia maṛṛingiddu manga wisarane; taumata lal᷊eo mappasabbangngu manga hatto apan maarantinna.

AMSAL 22:21

wuṛṛu sarun mangaṛṛa'a si'o apa apan atonna-tonna wuṛṛu naṛṛino. Mantewe i'o iwal᷊oanna, i'o wotongnge sumimbakka ringannu naṛṛino.

YESAYA 8:12

“Arie massunna komplotanna apan aellehanni mangitou komplotanna, wuṛṛu arie mata'uttu manga inolaanna apan iaata'utti mangitou.