1 PETRUS 3:11 - WUKE SUSI WATTI'U AL᷊AL᷊USASSA

¹¹ I tou ṛinone mangindaun al᷊al᷊eo wuṛṛu ma'ola'a apapia; ṛinone i tou mattinsahadda atonna-tonna ana see maasomba paddarame.

1 PETRUS 3:11 Referans Kwoze

MATIUS 5:9

Lal᷊umanna'a su taumata apan mangapiddu paddarame su wallattu taumata; Ruata sarun manga'u si mangitou maola'a manga al᷊aṛṛanang-Nge!

DARALO 34:14

Arie mapasabbangu manga wisara lal᷊eo, wuṛṛu imbaṛṛangnga maapulu mallinga mammahia.

IBRANI 12:14

Paddea'e ringannu wotongnge mabbiakka su paddarame ringannu anambon taumata. Paddea'e lai see mabbiakka susi, tumba'u ringannu Mawu. Ana waugu tawe saran sangkatou wotongnge maasilo Mawu amungkangu i tou tawe mabbiakka ereudde.

ROMA 14:19

Ana waugu udde pandumanni ite ṛinone sidutu su manga inolaanna apan mandantan paddarame wuṛṛu uatatul᷊ungnga.

KOLOSE 3:15

Ṛinone manga pangudusannu hatto udde insueannu paddarame apan nionggoli Kristus sulal᷊ummu naungngu. Ana waugu Ruata namaggo si yamiu maola'a sambau waddanga, tadea'u i yamiu mabbiakka sulal᷊ummu paddarame wuassi Kristus udde. Ṛinone i yamiu maadiangkamanna.

ROMA 14:17

Ana waugu amungkangngu Ruata mangatokku pabbawiakku sangkatou, apa apan wotongnge annananni tou ara'e inumanne, tawe tumanin mahuna. Ahunanne eteudde manungku taumata udde tuttuṛṛutta apulun Ruata, maapendamma al᷊al᷊uassu naungnga wuṛṛu mannengkamma al᷊al᷊uassa apan nionggolu Ghaṛṛahon Ruata.

ROMA 12:18

Wuassu sambaanu padea'a mabbiakka su paddarame ringannu taumata nambo.

3 YOHANES 1:11

Tuṛṛanga apan arangnguanna, ariewe mattanno apa apan lal᷊eo udde. Pattannote apa apan mapia. Taumata apan inolaanne mapia uddewe pussa'an Duata. Wuṛṛu taumata inolaanne lal᷊eo taambe naaillal᷊a Ruata.

YAKOBUS 4:17

Ana waugu udde, taumata apan masingkatu apapia apan ṛinone manaranne, arawe i tou tawe nammanara, taumata udde marosa.

IBRANI 13:16

Arie ma'abul᷊i ma'ola'a apapia wuṛṛu uatatul᷊ungnga, ana waugu eteindi manga sasamba apan ma'al᷊uassa naungngu Ruata.

1 TIMOTIUS 6:18

Paddorongke si mangitou mapaal᷊iatta'u apapia, ringannu ma'ola'a al᷊awo'u inolaanna apan mapia, masaṛṛionto'a, wuṛṛu laghune mapia.

GALATIA 6:10

Nariaddi, tantal᷊anna ta'e pia tempo si ite, ṛinone i ite ma'ola'a apapia su anambon taumata, nipangillembo su manga tuṛṛangngi ite apan sulal᷊ummu pangangimanna sambau.

GALATIA 5:22

Arawe, amungkangu manga taumata aehetannu Ghaṛṛahon Duata hessine eteudde: I mangitou uararangngu, i mangitou lulluassa, i mangitou pia atatammudu naungnga, i mangitou masabare wuṛṛu mapia su saruannu taumata waine, i mangitou matuṛṛuta,

ROMA 8:6

Amungkangngu ṛingirannu paparentannu pallal᷊agun taumata, ne sombangnge udde papate. Arawe amungkangngu ṛingirannu paparentannu Ghaṛṛahon Duata, ne sombangnge eteudde mabbiakka su paddarame ringannu Ruata.

ROMA 7:21

Nariaddi, ya'u nakkawessa manungku tita indi ṛinone pangimananni ite: eteudde manungku amungkangngu i ya'u maddiri ma'ola'a apapia, ne tumba'u al᷊al᷊eo apan lumatto su riri'u.

ROMA 5:1

Orassa indi i ite naaukka apia ringannu Ruata, ana waugu i ite mangngimanna. Wuṛṛu ana waugu udde i ite mabbiakka sulal᷊ummu paddarame ringannu Ruata sulal᷊ummu Mawun kite Yesus Kristus.

YOHANES 17:15

I Ya'u tawe madorongnga tadea'u Iamangnga mangal᷊appa si mangitou wuassu runia indi, arawe i Ya'u madorongnga tadea'u iamangnga mallu'adda si mangitou wuassi Ral᷊eo.

MATIUS 6:13

Ariewe mamalang kami awul᷊iannu pangangimanna su tempo i yami wabal᷊intongnganna ewe'e liua'a i yami wuassu taṛṛinon Al᷊al᷊eo. [Ete I'o Ratu apan uataṛṛino wuṛṛu mawantuga ma'oman sara mal᷊annu-l᷊annu. Amin.]’

MATIUS 5:45

tadea'u i yamiu maola'a al᷊aṛṛana'u Iamangngi yamiu su surga. Ana waugu Ruata mapasabangngu matannallo su taumata apan mapia, wuṛṛu su taumata apan dal᷊eo lai. I tou napa'uranna su taumata apan ma'ola'a apapia wuṛṛu su taumata apan ma'ola'a al᷊al᷊eo lai.

DARALO 37:27

Tantanga'e taumata lal᷊eo, pa'ola'e apapia, ne saran mal᷊annu-l᷊annu papapulunnu sarun manahuanna leta'a udde.

ROMA 7:19

I ya'u tawe ma'ola'a apapia apan ipaapulu'u; arawe i ya'u ma'ola'a inolaanna apan lal᷊eo, apan ipaaddiri'u.

LUKAS 6:35

Ṛinone wal᷊ine aroddi! Ewe'e i yamiu ṛinone umakkannu seetti yamiu wuṛṛu pia pallal᷊agu mapia si mangitou. I yamiu ṛinone mapawallassa wuṛṛu arie mangantimma mawelengnga apia. Amungkangngu aroddi, lal᷊antakku wahewa wuṛṛu i yamiu sarun maola'a al᷊aṛṛana'u Ruata Apan Atanggaṛṛanne. Ana waugu Ruata naungnge mapia su saruannu taumata apan waga ma'aidengkamanna, wuṛṛu su saruannu taumata lal᷊eo lai.

LUKAS 6:9

Wua'udde Mawu Yesus naiwal᷊o su manga taumata isudde, “Tumuṛṛuttu agama, i ite wotongnge mammanara apa su allon Sabatta? Ma'ola'a apapia ara'e ma'ola'a al᷊al᷊eo? Mandalukka taumata ara'e manilaka?”

LUKAS 1:79

aroddiwe lai Tou nangonggolu semak-Ke su anambon taumata apan mabbiakka sulal᷊ummu ararandumma wuṛṛu su atata'utta. I Tou mangngehetta si ite su lal᷊anna apan matudda m paddarame.”

MARKUS 14:7

Taumata asiangnga sidutu su wallatti yamiu. Suapan tempo amungkangngu i yamiu maapulu, i yamiu wotongnge mantul᷊ungngi mangitou. Arawe i Ya'u tate mal᷊annu su sampunna ringanni yamiu.

AMSAL 16:17

Taumata mapia mangindaun al᷊al᷊eo; taumata apan mangngapia ola'u pabbiaṛṛanne, mallu'adda watanganne.

AMSAL 16:6

Taumata apan matuṛṛutta Ruata sarun maasomba aampungnga; Taumata apan mangngimanna sarun mal᷊iudda wuassu al᷊awo'u al᷊al᷊eo.

AMSAL 3:7

Arie mangngasakku watangannu mappandeanna wuassu apan suṛṛinone; ewe'e paatuṛṛutta Mawu wuṛṛu pangindaute wuassu al᷊al᷊eo.

DARALO 125:4

Oh Mawu pa'ola'e apapia su taumata mapia, su taumata apan naungnge waresi.

AYUB 28:28

Ruata nabbisara su taumata, “Tadea'u maasomba asingkatta, ṛinone i yamiu mangaddatta Ruata. Tadea'u wotongnge maasunna, i yamiu ṛinone mangindaun al᷊al᷊eo.”

AYUB 2:3

Mawu naiwal᷊o, “Apa i'o buatte nanutukka allang-Ku i Ayub? Su ahewallu runia tawe taumata aroddi atuṛṛunne wuṛṛu naungnge mapia ere i tou. I tou massubba si Ya'u wuṛṛu tawe saran paassa na'ola'a al᷊al᷊eo. I tou ta'e uatatana'a satia si Ya'u, salaiwe i'o buatte nassal᷊o-U manilaka si tou ringannu tawe pinangiananne.”

AYUB 1:1

Su leta'u Us uatana'e sangkatou esakka aranne i Ayub. I tou massubba Ruata wuṛṛu satia si Tou. I tou taumata apan pallal᷊aghune mapia wuṛṛu tawe ma'ola'a al᷊al᷊eo sarangkadio'a.

1 PETRUS 3:12

Ana waugu Mawu sidutu ma'ellega manga taumata apan tuttuṛṛutta apulu-Ne, wuṛṛu Mawu sidutu maddaringikka manga aal᷊iomanni mangitou; arawe Mawu lullawangnga manga taumata apan ma'ola'a al᷊al᷊eo.”

MAL᷊AṚṚUUNGNGA 11:14

Ana see i Yefta lai nandolokku taumata apia inai ringannu ratun Amon