1 PETRUS 3:10 - WUKE SUSI WATTI'U AL᷊AL᷊USASSA

¹⁰ Sulal᷊ummu Wuke Susi uawoṛṛetta arendi, “Taumata apan maapulu mabbiakka wuṛṛu maapulu mamendama miallo-miallo apan mapia, ṛinone mandiagga moṛṛonge tadea'u tawe maggahatto manga inolaanna lal᷊eo wuṛṛu tawe maapabbisaran bawahia.

1 PETRUS 3:10 Referans Kwoze

YAKOBUS 1:26

Amungkangu pia sangkatou mammendama watanganne sangkatou apan matuṛṛutta su agama, arawe i tou tawe maariagga lilane, ne i tou nangawusu watanganne sassane; patataṛṛamawune tawe gunane.

1 PETRUS 2:22

Tawe saran paassa i Tou na'ola'a rosa, wuṛṛu taambe pia sangkatou taumata naaringikka si Tou namahia.

1 PETRUS 2:1

Ana waugu udde, rammea'e wuassu ririnu al᷊awo'u al᷊al᷊eo; ariete lai pamahia, wuṛṛu arie pallilangkamal᷊e'a. Ariete mannaungnga lal᷊eo, wuṛṛu arie pangngadio'a taumata waine.

SONDAPPA 14:5

Tawe saran paassa i mangitou mangawusu; wuṛṛu i mangitou tawe anggone saran adio'a.

YOHANES 1:47

Mawu Yesus naasilo si Natanael nirumanta, see nabbisara su ola'i tou, “Pa'ellega, udde taumatan Israel tutune. Tawe awusune i tou.”

YOHANES 12:25

Taumata apan mandangngu wiakke sarun awul᷊iannu wiakke. Arawe taumata apan maddantinnu wiakke su runia indi, sarun maapadul᷊i wiakka tutune wuṛṛu saran mal᷊annu-l᷊annu.

AMSAL 8:35

Isai apan maasomba si ya'u, sarun ma'ompa'a wiakka, ete si tou Mawu mal᷊uassa.

AMSAL 3:2

tadea'u mal᷊o'engnga uukku wuṛṛu i'o mabbiakka su al᷊aluassa.

MATIUS 19:17

Mawu Yesus sinumimbakka, “Anio i'o naiwal᷊o si Ya'u su ola'u apa apan mapia? Tumba'u pia sambau apan mapia. Amungkangngu i'o ma'apulu mabiakka, i'o sarun tuttuṛṛutta al᷊awo'u parentan Ruata.”

AMSAL 4:22

Taumata apan maasunna sarun masal᷊amatta wuṛṛu maola'a lal᷊umanna'a.

AMSAL 3:18

Taumata apan uaagassa matohassa su asingkatta sarun mabbiakka tutune wuṛṛu su lal᷊umanna'a.

MARKUS 8:35

Ana waugu taumata apan mannahekku wiakku ririne, sarun awul᷊iannu wiakke. Arawe taumata apan mannantillu wiakke ana waugu i Ya'u wuṛṛu Watti'u Al᷊al᷊uassa wuassu Ruata, sarun masal᷊amatta.

DARALO 49:19

Ewe'e amungkangu pia sangkatou naauntunga sulal᷊ummu pabbiaṛṛanne, wuṛṛu mangke raddaloanna ana waugu naauntunga,

DARALO 27:13

I ya'u mangimanna manungku sarun mamendamma apapian Mawu sulal᷊ummu wia'u su runia indi.

AYUB 33:28

Ruata naninga'u inai su runian taumata nate, na'oman sara i ya'u ta'e wiakka naddatingngu orassa indi.

AYUB 9:25

Manga allo'u malliudda ringannu mal᷊ihakka, see mawul᷊i ringannu tawe maapendamma al᷊al᷊uassa.

TAHIUL᷊E 32:47

Al᷊aṛṛa'a udde wal᷊inewe manga wisara wawahia, ewe'e udde maawiakka sio. Paatuṛṛutte su anambon parenta udde, tadea'u uukka mal᷊o'engnga su wanua apan tate mal᷊annu lai atanaanni yamiu su samba'an Sal᷊ukku Yordan.”

MANNANASE 2:3

Nisasannu apulu tadea'u maola'a pande, i ya'u mappandumma tadea'u mallal᷊umanna'a ringangu ma'inumma anggore wuṛṛu maddamea. I ya'u massunna manungku eteudde lal᷊anne apan apianne su taumata mattemma pabbiaṛṛanne apan maautta su runia indi.

DARALO 106:5

Antimanna i ya'u maasilo lal᷊umanna'u manga taumata apan nipile-Nu, wuṛṛu lumuassa suadio'a ringannu al᷊aṛṛanang-Ngu. Antimanna i ya'u lumala'a wuṛṛu lumuassa suadio'a ringannu manga taumata apan nabbal᷊i pussa'a-Nu.

AYUB 2:4

Arawe i Mamamono'a sinumimbakka, “Niawa wuṛṛu apapian baddangnge maareganna wuassu darotongnga. Taumata wotongnge manantillu anambon tatahuananne sawal᷊iate i tou sidutu wiakka.