1 PETRUS 2:24 - WUKE SUSI WATTI'U AL᷊AL᷊USASSA

²⁴ Kristus sassane namasanna manga rosan kite su watangan-Ne roso su alu arussa, tadea'u i ite mapallosa wuassu taṛṛinon dosa, wuṛṛu mabbiakka tuttuṛṛuta apulun Duata. Ete manga lessan Kristus apan nangapia si yamiu.

1 PETRUS 2:24 Referans Kwoze

MATIUS 8:17

Mawu Yesus na'ola'a sarangkanambone udde, wuṛṛu ringannu aroddi natipusse apa apan niwisara Nabi Yesaya, eteudde, “I Tou mamasanna asasusang kite wuṛṛu mapaapian radda'i ite.”

ROMA 6:11

I yamiu ṛinone maṛṛangngon ririnu lai mate ana waugu rosa, arawe mabbiakka sulal᷊ummu paa'aukka apan matohassa ringannu Ruata sulal᷊ummu Yesus Kristus.

SONDAPPA 22:2

su pattangngannu lal᷊anna su soa udde. Su winggin sal᷊ukka udde, su ruam baane pia alu punnu wiakka, apan mabbua paapul᷊o dua santonna, eteudde paassa sambul᷊anna. Rongngane ipappaatta ipangngundama manga walahanna.

1 YOHANES 2:29

I yamiu masingkatte manungku Kristus mabbiakka tuttuṛṛuta apulun Duata. Ana waugu udde i yamiu ṛinone masingkatta lai manungku suapan taumata apan mabbiakka tuttuṛṛuta apulun Ruata eteudde lai ana'u Ruata.

YAKOBUS 5:16

Ana waugu udde, ṛinone i yamiu uaa'a'u pasasal᷊a wuṛṛu uaa'al᷊iomanna, tadea'u i yamiu iapaapia. Aal᷊iomannu taumata apan tuttuṛṛutta apulun Duata, pia taṛṛino apan wahewalla.

IBRANI 9:28

Aroddi lai i Kristus tumba'u paassa tinantilla maola'a sasamba ipanubussa rosan anambon taumata. I Tou sarun dumanta apia su aruane, wal᷊ine manginsue hatton paddarosa, arawe manal᷊amatta manga taumata apan uaraṛṛaddo daranta-Ne.

GALATIA 3:13

Arawe Kristus namallosi ite wuassu awawontogu titan agama. I Tou na'ola'a udde ringannu namalan watangan-Ne awontohanna ana waugu i ite. Ana waugu sulal᷊ummu Wuke Susi uawoṛṛetta, “Niawontohante taumata apan nate niele su alu pangangeleanna.”

ROMA 6:2

Tawe! Rosa tate lai uataṛṛino si ite, nariaddi, ṛatadde i ite sidutu mabbiakka ringannu ma'ola'a rosa?

YESAYA 53:11

Ana waugu udde Mawu nabbisara, “Napawe buatte natataṛṛangnga sansara i tou sarun su lal᷊umanna'a wuṛṛu ma'al᷊uassa. Allang-Ku udde, apan ma'al᷊uassa naung-Ku, buatte namasanna ṛuumannu taumata nambo; sulal᷊ummi tou i Ya'u sarun mangampungnga si mangitou.

KOLOSE 3:3

Ana waugu i yamiu natete, wuṛṛu wiakku uawuni su sambau ringanni Kristus sulal᷊ummu Ruata.

ROMA 6:13

Arie lai i'o manantillu wageangngu wadangngu su taṛṛinon dosa ana waugu ipaatta su manga pandumanna apan lal᷊eo. Arawe tantila'e ririnu su Ruata ere taumata apan buatte niingkata wuassu papate watukku pabbiaṛṛanna. Tantila'e ahewallu ririnu su Ruata tadea'u ipaatta ma'ola'a apulu Duata.

YOHANES 1:29

Su allo tiṛṛabbine, i Yohanes naasilo Mawu Yesus nirumanta ringanni tou. See i Yohanes nabbisara, “Pa'ellega, eteudde Ana'u Domban Ruata apan namappassa rosan runia indi.

ROMA 7:6

Arawe orassa indi i ite tate lai aiitannu titan agama Yahudi. I ite natete wuassu tita apan dorone uaparenta si ite. I ite tate lai tumuṛṛutta ere tatuṛṛuta apan dorone, tuttuṛṛutta tita apan uawoṛṛetta. Orasa indi i ite tumuṛṛutte ringannu ta tuṛṛutta wakku apan nipantingiddu Ghaṛṛahon Duata si ite.

1 YOHANES 3:7

Manga al᷊aṛṛana'u, arie mamalan taumata mamono'a si yamiu. Taumata apan tuttuṛṛutta apulun Duata, uddewe ana'u Ruata ere lai Kristus Ana'u Ruata.

DARALO 147:3

I Tou mangundamma taumata apan naungnge massusa, wuṛṛu mama'issa manga lessan mangitou.

ROMA 6:7

Ana waugu amungkangngu sangkatou mate, taumata udde mal᷊iu wuassu taṛṛinon dosa.

ROMA 6:16

I yamiu masingkatte manungku amungkangngu yamiu manantillu watangannu su sangkatou ipa'ola'a apulune, ne ete yamiu udde allangngu taumata apan tattuṛṛutanni yamiu – tanne allangngu rosa apan nangapiddi yamiu su papate, ara'e allangnga apan tuttuṛṛutta Ruata, wuṛṛu ringannu aroddi sarun maaukka apia ringannu Ruata.

2 KORINTUS 6:17

Ana waugu udde, tantanga'e manga taumata apan tawe maaillal᷊a Ruata udde, wuṛṛu pattingkaṛṛaeten batangannu wuassi mangitou. Arie paa'aukka ringannu apa apan maarantinna ne i ya'u sarun manengkamma si yamiu.

WATTI'U MANGA RASUL 5:30

Mawu Yesus, apan niarussang kamiu suete niapaawiakku Ruata iupungngu al᷊amonang kite apia wuassu papate.

LUKAS 4:18

“Ghaṛṛaho Mawu sidutu ringang-Ku, ana waugu i Tou suete namile si Ya'u iapapasingkattu Watti'u Al᷊al᷊uassa su taumata asiangnga. I Tou nandolo-U iapawatti'u pamamallossa su taumatan ṛuumanna wuṛṛu aaul᷊e su taumata wuta; wuṛṛu ipamallossu taumata allangnga

MATIUS 5:20

Nariaddi, naunge: I yamiu tawe maola'a al᷊aṛṛana'u Mawu, amungkangngu i yamiu tawe manampal᷊iu manga hurun agama wuṛṛu manga taumatan Farisi sulal᷊ummu ma'ola'a inolaanna ara'e apulun Duata.”

MALEAKHI 4:2

Arawe si yamiu apan matuṛṛutta si Ya'u, taṛṛino-U apan mannal᷊amatta sarun sumabbangnga ere matannallo, wuṛṛu semakke mangngapiddu apapia. I yamiu sarun mapallossa wuṛṛu lumuassa ere ana'u sapi apan wakku niapasabbangnga wuassu tatandange.

IBRANI 12:13

A'amatte sidutu su lal᷊anna apan mal᷊aukka, tadea'u leddanu u'ento udde tawe maggal᷊isa, ewe'e sarun mapia.

WATTI'U MANGA RASUL 13:29

Wuṛṛu napawe i mangitou suete na'ola'a sarangkanambone apan uawoṛṛetta su Wuke Susi su ola'i Tou, i mangitou nallintukku winal᷊unan-Ne wuassu alu arussa, see niaddo su lal᷊abinganna.

WATTI'U MANGA RASUL 10:35

Taumata apan matta'uttu Ruata wuṛṛu ma'ola'a apapia, taumata udde sengkamannu Ruata, tawe mamile i tou wuassu walahannu apa.

IBRANI 7:26

Nariaddi, Mawu Yesus eteudde Imam Bahewa apan pappandumanni ite. I Tou susi; si Tou tawe niasombanganna pasasal᷊a ara'e rosa sarang kadio'a. I Tou niṛṛae wuassu manga taumata marosa, wuṛṛu niruitta su tampa lembon atanggaṛṛanne wuassu al᷊awo'u langitta.

KOLOSE 2:20

I yamiu natete su sambau ringanni Kristus, wuṛṛu suete nipallosa wuassu manga ghaṛṛaho apan uataṛṛino runia indi. Ne anio i yamiu mabbiakka ere taumata apan ta'e paparentannu runia indi? Anio i yamiu ta'e tuttuṛṛuta manga atoranna ereindi,

ROMA 6:22

Arawe orassa indi yamiu buatte niapaal᷊iu wuassu rosa, wuṛṛu naola'e allangngu Ruata. Auntungannu eteudde manungku i'o mabbiakka tumba'u hunane su Ruata wuṛṛu su olangnge udde sarun mandantan wiakka tutune wuṛṛu saran mal᷊annu-l᷊annu.

WATTI'U MANGA RASUL 10:39

Ete i yami indi manga taumata apan suete naasilo sassane al᷊awo'u manga apa apan niola'i Tou su wanuan taumatan Yahudi wuṛṛu su Yerusalem. Salaiwe aroddi i mangitou nangarussa wuṛṛu namate si Tou.

MATIUS 27:26

See i Pilatus namallose m Barabas si mangitou, wuṛṛu nandolokku taumata namuulla Mawu Yesus; wuṛṛu nanantilli Tou niapaarussa.

DARALO 38:4

I ya'u maradda'a mawakkata ana waugu asasa'u-Nu; taweddu pia lal᷊umanange su wadangku ana waugu rosa'u.

IMAMATTA 16:22

Ambinga udde uaapiddu anambon dosan balahannu Israel su wageangngu leta'a mamara apan tawe atanaanna wuṛṛu i tou ṛinone ipallossa su wadda'a.

SASABANGNGA 28:38

Lal᷊oggakka wul᷊awanna udde ṛinone iluṛṛe si Harun su pakkanne tadea'u i Ya'u, Mawu, ma'apulu manengkamma anambon aonggola apan iapiddu taumatan Israel si Ya'u, salaiwe sulal᷊ummu mangngapiddu aonggolla udde i mangitou buatte na'ola'a pasasal᷊a.

EFESUS 5:9

Ana waugu wuassu asasemakka udde lumapputa al᷊awo'u inolaanna apan mapia, matul᷊idda, wuṛṛu waresi su aellegu Ruata.

YOHANES 19:1

Wua'udde i Pilatus sinumutta see nandolokku taumata nanggesekka Mawu Yesus.

REENGANNA 18:22

Manga taumatan Israel wal᷊ine, imbaṛṛangnga mangundanin Dasanna udde tadea i mangitou tawe mandantani dosa wuṛṛu ṛuumanna pateanna su watanganni mangitou.

IMAMATTA 22:9

Anambon imam ṛinone tumuṛṛutta manga atoranna apan Ta'u nionggolla. Amungkangngu tawe, i mangitou nassal᷊a wuṛṛu sarun mate, ana waugu nilumawangnga manga atoranna apan susi. Ete i Ya'u Mawu, wuṛṛu ete i Ya'u Mawu apan naṛṛae mangitou huna-U.

FILIPI 1:11

Wiakku sarun lumambalanna ringannu pallal᷊agu apan atonna-tonna mapia apan darantane tumba'u wuassi Yesus Kristus sassane; ne Ruata sarun wantuhanna wuṛṛu raloanna.

MARKUS 15:15

I Pilatus maapulu mappa'al᷊uassu taumata nambo udde, ne i tou namallossen Barabas si mangitou. Wua'udde i tou nandolokku taumata namuulla Mawu Yesus see tinantilli tou iapaarussa.

AMSAL 20:30

Taṛṛaassa ola'u pabbiaṛṛanna masahadda mammappassa al᷊al᷊eo, wuṛṛu mammaresi naungngu taumata.

1 KORINTUS 15:3

Apa apan buatte ta'u niwal᷊o si yamiu eteudde apan buatte ta'u nisengkamma lai. Ahunanne eteudde, ere uawoṛṛetta sulal᷊ummu Wuke Susi, ya'u mabbatti'a si yamiu manungku Mawu Yesus nate ana waugu manga rosan kite;

KOLOSE 2:14

wuṛṛu tate nanusi surattu utangnga su saruanni ite, apan nangonggolu atoranna mawakkata si ite. Ringannu nangarussan suratta udde su alu arussa, Ruata namappassa anambon aalae su saruanni ite.

IBRANI 10:5

Ana waugu udde su tempo i Kristus sinumutta su runia, i Tou nabbisara su Ruata, “I'o tawe ma'apulun aonggola wuṛṛu sasamba; arawe I'o suete nanaddia wadanga, si Ya'u.

IBRANI 10:10

Yesus Kristus suete tinumuṛṛuta apa apan ipaapulun Ruata wuṛṛu nanantillu watanganne maola'a sassamba. Ringannu sasamba udde, apan niolangnge tumba'u paassa ma'oman sara mal᷊annu-l᷊annu, i ite sarangkanambone niwaresi wuassu rosa.

PANDARIADDI 22:6

I Abraham nangandangngu alu olaanna sasamba uddesu wambangngi Ishak, wuṛṛu lai i tou uaapiddu lari'a wuṛṛu waṛṛan putungnga ipandiitta alu. Napawe itarua u'amatta su sambau,