1 PETRUS 2:23 - WUKE SUSI WATTI'U AL᷊AL᷊USASSA

²³ Su tempo i Tou lallelanna, i Tou tawe nabal᷊issu lal᷊ela. Su tempo i Tou uatataṛṛanga, i Tou tawe namansaga; i Tou tumba'u nanantillu hatto-Ne su Ruata, Mallaṛṛuungnga apan matul᷊ida udde.

1 PETRUS 2:23 Referans Kwoze

YESAYA 53:7

I tou nihesekka ringannu maṛṛagissa, arawe mangke uapasanna ringannu sabbare. I tou tawe namu'a moṛṛongnge naal᷊ihidda ana'u domba apan iapidda su tampan pallaṛṛatanna ara'e naal᷊ihidda inangngu domba apan huntinganna wambul᷊une.

1 PETRUS 4:19

Ana waugu udde, amungkangu pia taumata apan uatataṛṛanga ana waugu Ruata mappandumma aroddi, ṛinone manga tumata udde mabbiakka ringannu mapia wuṛṛu manantillu watanganne su Mandariaddi si mangitou. I Tou siddutu mapaatipussu paaire-Ne.

IBRANI 12:3

Annama'a ṛingira'a ereapa asasusane Mawu Yesus sinumaruanna manga taumata marosa apan nilumawangnga si Tou aroddi al᷊aṛṛage! Ana waugu udde arie maadio'a naungngu wuṛṛu mallome.

DARALO 37:5

Tantil᷊a'e wiakku su Mawu, pangantimpe si Tou, i Tou sarun mantul᷊ungngu.

WATTI'U MANGA RASUL 4:29

Orassa indi, Mawu, ellehete ereapa i mangitou mammansaggi yami. Wuṛṛu wala'e i yami, manga allang-Ngu indi mamasingkattu watti'a ringannu tawe matta'utta.

2 TIMOTIUS 4:8

Wuṛṛu orassa indi lal᷊antaku auntunganna uaraṛṛaddo sia'u. Su Allon Kiamatta, Mawu, Mallaṛṛuungnga apan matul᷊idda udde sarun manantillu lal᷊antake udde si ya'u, ana waugu i ya'u mabbiakka uaaukka ringannu Ruata. Wuṛṛu wal᷊ine tumba'u i ya'u sassane apan manengkamma lal᷊antake udde, arawe lai anambon taumata apan uaraṛṛaddo darantan Mawu ringannu ahewallu naungnga.

2 TIMOTIUS 1:12

Ana waugu udde i ya'u natataṛṛangu sarangkanambone indi, arawe i ya'u sidutu mangngimanna, ana waugu i ya'u masingkata atonna, isai apan pangimanangku. I ya'u mangantimma manungku apa apan suete nitantilli Tou si ya'u, i Tou lai wotongnge maariaga udde saran Allon Kiamatta.

LUKAS 23:46

See Mawu Yesus inumui ma'ikka-ikkatta, “O Iamang-Ku! Sulal᷊ummu limanu i Ya'u manantillu watangang-Ku!” Napawe suete nabbisara aroddi, i Tou natete.

DARALO 31:5

Pallosaawe i ya'u wuassu sedda apan nitaingnga si ya'u, ana waugu ete I'o tampa i ya'u uasirungnga.

DARALO 10:14

Arawe I'o naasilo si tou; I'o ua'ellega asasusa wuṛṛu asasansara, wuṛṛu sidutu uasaddia mantul᷊ungnga. Taumata apan lome nanantillu watanganne su Mawu, I'o sidutu mantul᷊ungngu taumata asiangnga.

SONDAPPA 19:11

Wua'udde i ya'u naasilo surga nawu'a, see niasiloanna sambau awal᷊o mawira. Sumasa'e-Ne aranne Matuṛṛuta wuṛṛu Atonna. I Tou matul᷊idda sulal᷊ummu mangema'u ṛuumanna wuṛṛu sulal᷊ummu pangalo apan niolang-Nge.

1 PETRUS 3:9

Arie mabbal᷊issu al᷊al᷊eo ringannu al᷊al᷊eo, ara'e lal᷊ela wal᷊isannu lai lal᷊ela; arawe wal᷊isete ringannu maddorongnga al᷊amatta wuassu Ruata. Ana waugu Ruata namaggo si yamiu tadea'u i yamiu manengkamma al᷊amatta wuassi Tou.

2 TESALONIKA 1:5

Isindi nasemakke aroddi atul᷊idde pamamarikissu Ruata: I yamiu suete natataṛṛanga ana waugu Runia Wakkun Duata, ana waugu udde i yamiu wotongnge sumutta sulal᷊umme.

EFESUS 6:9

Manga tuṛṛangnga apan naola'a mawu! Ṛinone pallal᷊agun kamiu aroddi lai su saruannu manga allangngu. Ariete mappaattu wawansaga. Paanaunge manungku i yamiu wuṛṛu manga allangngu udde, uasul᷊ungnga pia sangkatou mawu, eteudde Mawu apan su surga. I Tou tawe mamile hati.

ROMA 2:5

Arawe puan kamiu maattika wuṛṛu maddiri mawal᷊u. Ana waugu udde ete i yamiu sassane apan ma'ola'a ṛuumannu aatambanna awakkane su Allon Kiamatta, napawe Ruata mapaal᷊iatta'u asasa'u-Ne ringannu ṛuumanna apan su ṛinone.

WATTI'U MANGA RASUL 17:31

Ana waugu i Tou suete nanantunnu sambau tempo ipamarikissa ahewallu runia indi ringannu atatul᷊idda. Manara udde sarun olaannu sangkatou apan suete nipilen Ruata su ipa'ola'a manara udde. Wuṛṛu tadea'u anambon taumata ma'asunna olangnge udde, Ruata suete napaawiakku taumata apia udde wuassu papate!”

WATTI'U MANGA RASUL 9:1

Tantal᷊anna udde i Saulus sidutu mangke ma'apulu mammansaga wuṛṛu mamate manga mallal᷊aṛṛenggennu Mawu Yesus. I tou inaite ringannu imam bahewa,

LUKAS 23:9

Ana waugu udde i Herodes manambonaiwal᷊o si Tou, arawe Mawu Yesus tawe sinumimbakka saran paassa.

DARALO 96:13

Ana waugu Mawu rumanta mamarenta su runia, i Tou sarun makkuungngu manga walahanna ringannu atatul᷊idda tawe mangempe.

DARALO 7:11

Pattillumangku eteudde Ruata apan nanal᷊amatta taumata naunge matul᷊idda.

PANDARIADDI 18:25

Ariewe manga taumata apan tawe sal᷊ane udde pateanna suadio'a ringannu taumata pia sal᷊ane. Arie Mawu! Ana waugu amungkangngu udde olaannu Mawu, taumata apan tawe sal᷊ane sarun iṛṛuumanna suadio'a ringannu taumata nassal᷊a. Tawe mariaddi mallaruungngu ul᷊ilin pati'uppa makkungnga tawe su atatul᷊idda!”

WATTI'U MANGA RASUL 7:59

Tantal᷊anna i mangitou mannuntungnga si Stefanus, Stefanus sussal᷊ande, “Mawu Yesus, sengkammawe niawa'u!”

LUKAS 23:41

Tumba'u ṛuumanni addua udde atonna naṛṛino su pallal᷊agung kadua. Arawe i Tou atonna-tonna tawe sal᷊ane!”